ئێمە لە تۆرە کۆمەڵایەتیەکان

ئابوری

“حكومەتی عیراق سێ ملیار دینار بۆ ڕانیە، هەڵەبجە و سەیدسادق خەرجدەكات”

خەڵك – بەشی هەواڵ

ئەندامێكی لیژنەی دارایی لە ئەنجومەنی نوێنەرانی عیراق ئاشكرایدەكات، حكومەتی عیراق ڕەزامەندی دەربڕیوە لەسەر خەرجكردنی سێ ملیار دینار بۆ سێ‌ پڕۆژەی پارێزگای هەڵەبجە لەگەڵ ڕانیە و سەیدسادق.

ئەحمەد حاجی ڕەشید ئەندامی لیژنەی دارایی ەنجومەنی نوێنەرانی عیراق ڕایگەیاند:”پارەی ئەو سێ پڕۆژەیە بۆ نەخۆشخانەی فریاكەوتنی ڕانیە و قیرتاوكردنی دوو ڕێگای (هەڵەبجە و سەیدسادق)ن.

ئەو ئەندامەی لیژنەی دارایی ئەنجومەنی نوێنەرانی عیراق ڕوونیشیكردووەتەوە: پارەكان بەمشێوەیە دابەشكراون ، بۆ نەخۆشخانەی فریاكەوتنی ڕانیە بڕی یەك ملیار‌ و بۆ قیرتاوكردنی هەردوو ڕێگای هەڵەبجە ‌و سەیدسادقیش دوو ملیار دیناری تر تەرخانكراوە”.

ئەحمەد حاجی ڕەشید ئەوەشی خستەڕوو، سێ ملیار دیناری تر بۆ قەڵادزێ‌‌، سۆران ‌و ئیدارەی گەرمیانیش هەیە ‌و لە هەوڵی ئەوەدان ڕەزامەندی بۆ خەرجكردنی ئەو بڕە پارەیەش وەربگرن.

جێی ئاماژەیە، لە بودجەی ساڵی 2019ی عیراقدا بڕی 13 ملیار دینار بۆ چەندین پڕۆژەی هەرێمی كوردستان تەرخان كرا، بەڵام حكومەتی عیراق لە خەرجكردنی ئەوپارەیەدا دەستوبردی نەكردووە.

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

ئابوری

ئاڵوگۆڕی بازرگانی عیراق و ئێران دەگاتە 20 ملیار دۆلار

خەڵك – بەشی هەواڵ
ئیرەج مەسجیدی باڵیۆزی ئێرنا لە بەغدا دوای دیدارێكی لەگەڵ ئەحمەد حسێن وەزیری بازرگانی عیراق ڕایگەیاند ئاسی ئاڵوگۆڕی بازرگانی نێوان هەردوو وڵات بۆ 20 ملیار دۆلار بەرزدەكرێتەوە.

لە دیدارەكەدا وەزیری بازرگانی عیراق و باڵیۆزی ئێران باسیان لە پرسی چۆنێتی پێدانی كرێی هاوردەكردنی كارەبا و غازی ئێران كرد كە تاران خوازیارە بە دۆلاری ئەمریكی بێت.

بەڵام تا ئێستا عیراق لە پێناو خۆپاراستن لە سزاكانی ئەمریكا، ئامادە نییە ئەو داواكارییەی ئێران جێبەجێ بكات.

پێشتر ئەمریكا هۆشداری دابوو لەوەی هەر وڵاتێك بە دۆلار مامەڵە لەگەڵ ئێران بكات، ڕووبەڕووی سزای واشنتۆن دەبێتەوە.

بەردەوام بە لە خوێندنەوە

کوردستان