ئێمە لە تۆرە کۆمەڵایەتیەکان

جیهان

100 كەسی تێپەڕاند
ژمارەی قوربانیانی ئەنفلۆنزای بەراز لە ئێران بەرزدەبێتەوە

خەڵك- بەشی هەواڵ
ژمارەی ئەوانەی بەهۆی بڵاوبوونەوەی پەنای ئەنفلۆنزای بەرازەوە لە ئێران گیانیان لەدەستداوە، لە مانگی ئەیلولی ڕابردووەوە گەیشتووەتە 106 كەس.

حسێن عيرفانیان، سەرۆكی بەشی نەخۆشییە گوازراوەكان لە وەزارەتی تەندروستی ئێران بە ئاژانسی (ئێرنا)ی ڕاگەیاندووە” لە مانگی ئەیلولی ڕابردووەوە ژمارەی ئەوانەی بەهۆی بڵاوبوونەوەی پەنای ئەنفلۆنزای بەرازەوە لە ئێران گیانیان لەدەستداوە، گەیشتووەتە 106 كەس”.

بە وتەی عيرفانیان، 3 هەزار و 354 كەس سەردانی نەخۆشخانەكانیان كردووە لەم هەفتەیەدا بەهۆی حاڵەتەكانی تەنگە نەفەسییەوە، لە دوای پشكنینی پزیشكیش بۆ ئەو نەخۆشانە، دەركەوتووە كە 82 كەسیان توشی ئەنفلۆنزای بەراز بوون و 7 لەو نەخۆشانەش بەهۆی نەخۆشییەكەوە كە لە وڵاتدا بڵاوبووەتەوە، گیانیان لەدەستداوە.

لە 7ی ئەم مانگەدا، عەلی ڕەزا ڕەئیسی وەزیری تەندروستی ئێران لە بەیاننامەیەكدا ڕایگەیاندبوو، ژمارەی ئەوانەی بەهۆی ئەنفلۆنزای بەرازەوە لە مانگی ئەیلولی ڕابردووەوە گیانیان لەدەستداوە، گەیشتووەتە 81 كەس.

لەم چەند مانگەی دواییدا، سەرچاوە تەندروستییەكانی ئێران، ئاماژەیان بە بڵاوبوونەوەی ڤایرۆسی ”H1N1 “كردبوو كە هۆكاری پەتای ئەنفلۆنزای بەرازە لە شارەكانی گڵستان، و مازندەران، و كرمان، و ئەهواز و شارەكانی تر.

جیهان

نزیكەی 325 هەزار كەس لە ئێران تووشی كۆرۆنا بوون

خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 2125 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 2125 كەس لە ئێران تووشی ڤایرۆسی كۆرۆنا بوون و 132 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 324 هەزار و 692 كەس لە ئێران تووشی كۆرۆنا بوون”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 18 هەزار و 264 كەس لە ئێران گیانیان لە دەستداوە.

بەردەوام بە لە خوێندنەوە

جیهان

بەڤیدیۆ..منداڵێكی هەژار چۆنێتی خواردنی مۆز نازانێت

خەڵك-بەشی هەواڵ

دیمەنی منداڵێكی هەژار تۆڕە كۆمەڵایەتییەكانی تەنیوە.
تۆڕی سپوتنیك بڵاویكردەوە، تۆمارێكی ڤیدیۆیی منداڵێكی هەژار بەناوی عوسمان كە نازانێت مۆز بخوات تۆڕە كۆمەڵایەتییەكانی تەنیوە.
لە تۆمارەكەدا، منداڵە هەژارەكە لە سەرەتادا نازانێت مۆزەكە چۆن بخوات و لە سەرەتادا دەیەوێت پێستەكەی بخوات.
بەكارهێنەرانی تۆڕە كۆمەڵایەتییەكان هەڵوێستی جۆراوجۆریان لەبارەی تۆمارەكەوە بڵاوكردووەتەوە و هەندێكیان ئاماژە بۆ ئەوە دەكەن، ئەوان زۆر كاریگەر بوون بە ڤیدیۆكە و ئەمەش كاریگەری درووستبوونی چینە كۆمەڵایەتییەكانە لە ئێران و خراپ بەكارهێنانی دەسەڵات لەلایەن بەرپرسانی ئێرانەوەیە.
بەشێكی دیكەش پێیان وایە، بڵاوكردنەوەی ئەم جۆرە تۆمارە ڤیدیۆییانە بۆ منداڵێكی هەژار باش نییە و ئەو منداڵەی پێ دەشكێت و بابەتێكی نامرۆڤانەیە.

بەردەوام بە لە خوێندنەوە

جیهان

تووشبوون بەکۆرۆنا نزیک دەبێتەوە لە ٢٠ ملیۆن کەس

خەڵک – بەشی هەواڵ

 

بەپێی نوێترین ئامار، زیاتر لە١٩ ملیۆن و ٥٤٨ هەزار تووشبووی کۆرۆنا لەجیهاندا تۆمارکراون.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ١٩ ملیۆن و ٥٤٨ هەزار تووشبووی ڤایرۆسی کۆرۆنای نوێ تۆمارکراون.

 

هەر بەپێی ئەو ئامارە، لەوماوەیەدا  زیاتر لە١٢ملیۆن و ٥٤٩ هەزار کەس چاکبوونەتەوە، کە لەبەرامبەردا زیاتر لە ٧٢٤ هەزار کەس گیانیان لەدەستداوە، ئەوانی دیکەش لەژێر چارەسەردان.

 

بەردەوام بە لە خوێندنەوە

کوردستان