عەلی جابر زیادی كەشناسی عیراقی پێیوایە، كەشێكی ئەوروپایی سارد لەماوەی دوو ڕۆژی داهاتوودا ڕوو لە وڵات بكات و هەلی بارانبارین بڕەخسێنێت.
زیادی لە لێدوانێكی ڕۆژنامەوانیدا ڕایگەیاند:”شەپۆلێكی هەوای جەمسەری كە لە باشووری ئەوروپاوە دێت، لە پێنج شەممەدا دەگاتە بەشی باكووری وشارەكانی ناوەڕاست و خۆرئاوا، ئەمەش دەبێتە مایەی دابەزینی بەرچاوی پلەكانی گەرما و لە ڕۆژانی هەینی و شەممەی داهاتووشدا هەموو ناوچەكانی وڵات دەگرێتەوە”.
ئەو كەشناسە عیراقییە دەڵێت:”كەشە ساردە ئەوروپاییەكە، بەشێوەیەكی بەرچاو پلەكانی گەرما دادەبەزێنێ، ئاراستەی با باكوور و مامناوەند دەبێت و لە هەندێك ناوچە چالاك دەبێت و هەلی بارانبارین لە هەندێك ناوچەدا دەڕەخسێت”.
