ئێمە لە تۆرە کۆمەڵایەتیەکان

کوردستان

دێوەزمەی داعش جارێكی دیكە دەركەوتەوە

خەڵك- بەشی هەواڵ

دوای دوو ساڵ لە شكستهێنانی جارێكی دیكە داعش دەركەوتەوە و خۆی ڕێكدەخاتەوە.

بەرپرسە ئەمنییەكانی كورد و ڕۆژئاوا تەئكید دەكەنەوە، داعش جارێكی دیكە لە عیراق خۆی ڕێكدەخاتەوە و لە تونێل و ئەشكەوتەكانەوە خۆی بەهێز دەكاتەوە، هاوشێوەی سەرەتاكانی دروستبوونی.

تەلەفزیۆنی”bbc” لە ڕاپۆرتێكدا ئاماژەی بەوەكردووە، لە بۆشایی نێوان هێزەكانی پێشمەرگە و سوپای عیراقدا بۆشایی ئەمنی دروستبووە و ئەوەش كێڵگەیەكی باسی دروستكردووە بۆ گەشەكردنی داعش.

لاهور تاڵەبانی، بەرپرسی ئاژانسی پاراستن و زانیاری-زانیاری وتویەتی”داعش ئێستا تەكنیك و تاكتیكی باشتریان هەیە، پارەیان پێیە و دەتوانن ئۆتۆمبیل و چەك بكڕن و خۆراك دەستەبەربكەن”.

سیروان بارزانی، فەرماندەی پێشمەرگە لە سنوری گوێر لە ڕاپۆرتەكەدا قسەی كردووە و وتویەتی”داعش ئێستا ناوچەی ئازاد و كۆنترۆڵنەكراوی هەیە، دەتوانین بڵێین لە نێوان زێی گەورە و دیجلەدا چالاكییەكانیان زیادی كردووە و ڕۆژ لە دوای ڕۆژیش زیاتر دەبێت”.

بەپێی زانیارییە هەواڵگرییەكانی پێشمەرگە نزیكەی 100 چەكداری داعش لە سوریاوە پەڕیونەتەوە بۆ عیراق و هەندێكیان پشتێنی بۆمبڕێژكراویان لە خۆیان بەستووە و تێكڕای چەكدار و لایەنگرانیان نزیكەی 10 هەزار كەسن و 4 تا 5 هەزار چەكداریان هەیە.

ولیام سیڵی، فەرماندەی هێزە هاوبەشەكان باسی لەوەكردووە، داعش بەهێزبووەتەوە، بەڵام دەزگا هەواڵگرییەكانی كورد و عیراق هەوڵی ڕووبەڕووبونەوەیان دەدەن و ئێستا هێزەكانی عیراق ئامادەترن لە ساڵی 2014، كە دووەم گەورەترین شاری عیراق كەوتەدەست داعش.

کوردستان

دەربەندیخان.. لە ڕووداوێكی هاتوچۆدا هاووڵاتیەك گیانی لەدەستدا و ژمارەیەكی تریش برینداربوون

خەڵك – یەحیا حبیب

لێپرسراوی ڕاگەیاندنی نەخۆشخانەی گشتی شەهید ڕەئووف بەگ ڕایگەیاند، “كەمێك بەر لە ئێستا تەرمی هاووڵاتییەكیان گەیاندە نەخۆشخانەكەمان كە بە ڕووداوی هاتوچۆ گیانی لەدەستداوە و چەند كەسێكی تریش برینداربوون”.

كەمال ئەحمەد، لێپرسراوی ڕاگەیاندنی نەخۆشخانەی گشتی شەهید ڕەئووف بەگ لە لێدوانێكیدا بە (تۆڕی میدیایی خەڵك)ی ڕاگەیاند، “كەمێك پێش ئێستا تەرمی هاووڵاتییەكیان گەیاندە نەخۆشخانەكەمان كە لە ڕووداوێكی هاتووچۆدا گیانی لەدەست دابوو”.

لێپرسراوی ڕاگەیاندنی نەخۆشخانەی گشتی شەهید ڕەئووف وتیشی، “ئەو هاووڵاتییەی گیانی لەدەستداوە ناوی (ا، ح) و تەمەنی 25 ساڵە “، دەشڵێت، “چەند بریندارێكی تر هەبووە و ڕەوانەی نەخۆشخانەی گشتی دەربەندیخان كراون”.

بەپێی زانیارییەكانی (تۆڕی میدیایی خەڵك) لە ڕێگای سۆڵەوە لە كاتی هاتنەوەی خێزانێك لە سێوسێنان بەرەو دەڤەری شارەزوور تووشی ڕووداوێكی هاتوچۆ دەبن، بەهۆیەوە هاووڵاتییەك گیانی لە دەستداوە و چەند هاووڵاتییەكی تریش بریندار بوون.

بەردەوام بە لە خوێندنەوە

کوردستان

كەلار.. لە ڕووداوێكی هاتوچۆدا كەسێك برینداربوو

خەڵك – بەشی هەواڵ

ڕاگەیاندنی هاتوچۆی گەرمیان بڵاویكردەوە،لە ڕووداوێكی هاتوچۆدا كەسێك بریندار بووە.

هاتوچۆی گەرمیان لە ڕاگەیەنراوێكدا ڕایگەیاند ئێوارەی ئەمڕۆ، لەناوشاری كەلار ڕووداوێكی پێكدادان لەنێوان ئۆتۆمبێلێكی نەناسراو و ماتۆڕسكیلێك ڕوویدا، لە ئەنجامی ڕووداوەكە لێخوڕی ماتۆڕسكیلەكە بریندار بوو.

هاتوچۆی گەرمیان ئەوەشیخستەڕوو: بریندارەكە بۆ وەرگرتنی چارەسەری پێویست ڕەوانەی نەخۆشخانەی فریاكەوتنی شەهید هەژار كراوە.

هاتوچۆی گەرمیان ئاماژەی بەوەشداوە، لە دوای ڕووداوەكە شۆفێری ئۆتۆمبێلەكە هەڵهاتووە و لێكۆڵینەوە لەچۆنیەتی ڕووداوەكە لەلایەن تیمی هاتوچۆ دەستی پێكردووە.

بەردەوام بە لە خوێندنەوە

کوردستان

بە وێنە؛ تەرمی دوو كۆچبەری كورد دۆزرانەوە

خەڵك- بەشی هەواڵ
لە چەند ڕۆژی ڕابردوودا تەرمی دوو كۆچبەری كورد لە وڵاتەكانی توركیا و یۆنان بە هاوكاری دەزگای لوتكە دۆزرانەوە، كە لە دوو ڕووداوی جیاوازدا گیانیان لەدەست دابوو.

ئاری جەلال، سەرۆكی دەزگای لوتكە بۆ كاروباری ئاوارە و پەنابەران بۆ (خەڵك) ڕایگەیاند، كە لەلایەن كەسوكاری دوو كۆچبەری كوردەوە ئاگادار كراینەوە لە گیان لەدەستدانی كورەكانیان لە توركیا و یۆنان، بۆیە دەستبەجێ نوێنەرمان (كوردە یەشار) لە وڵاتی توركیا و (شێخ حسێن حەمەساڵح) لە وڵاتی یۆنان دەستیان بە گەڕان كرد بەشوێن تەرمی ئەو دوو قوربانییەدا.

وتیشی، “لەپاش دوو شەو و دوو ڕۆژ لە گەڕان و بەدواداچوون، تەرمی (سیوان ساڵح) لەلایەن نوێنەرمانەوە لە كەناراوەكانی دەریای ئیجە دۆزرایەوە و تەرمی (شكار محەمەد)یش لەلایەن نوێنەرمانەوە لە وڵاتی یۆنان لە نزیك شاری ساڵۆنیك لە جەنگەڵێكدا دۆزرایەوە”.

جەختیشی كردەوە، بڕیار وایە لە ئایندەیەكی نزیكدا ڕاپۆرتی پزیشكی تەرمەكان ڕادەستی كەسوكاریان بكرێتەوە و بگەڕێنرێنەوە زێدی خۆیان بۆ بەخاكسپاردنیان.

ئاری جەلال ئاشكراشی كرد، سیوان ساڵح گەنجێكی تەمەن ٣٠ ساڵانە و خەڵكی سەردەشتە، شكار محەمەد تەمەنی ٣١ ساڵە و خەڵكی قەڵادزێیە.

بەردەوام بە لە خوێندنەوە

کوردستان