ئێمە لە تۆرە کۆمەڵایەتیەکان

عێراق

مالكی و عامری ناوی كاندیدەكەیان بۆ سەرۆك وەزیران دیاری كرد

خەڵك- بەشی هەواڵ
هاوپەیمانی بنیاتنان، كە لە لایەن هاوپەیمانیەكانی دەوڵەتی یاسا بەسەرۆكایەتی نوری مالكی و هاوپەیمانی فەتح بەسەرۆكایەتی هادی عامری و چەند كوتلەیەكی دیكە پێكهاتووە داوا لە سەرۆك كۆمار دەكەن ناوی كاندیدەكەیان پێشكەشی پەڕلەمان بكات بۆ شوێنگرەوەی عادل عەبدولمەهدی.

محەمەد سالح غەبان، سەركردە لە حزبی بەدر لە كۆنگرەیەكی ڕۆژنامەوانی هاوبەشدا لەگەڵ پەڕلەمانتارانی كوتلەكانی ناو هاوپەیمانی بنیاتنان ڕایگەیاند، كۆبووینەوە بۆ جەختكردنەوە لەسەر ڕاسپاردەكانی مەرجەعیەت تاوەكو پێكهێنانی حكومەت و پەسەند كردنی یاسای هەڵبژاردنەكان خێرا بكرێن.

ڕاشیگەیاند، داوا لە بەرهەم ساڵح، سەرۆك كۆماری عیراق دەكەین پابەند بێت بە كاتی دەستووری و پێشكەش كردنی كاندیدی كوتلەی بنیاتنان، چونكە ئێمە كاندیدمان بۆ پۆستی سەرۆك وەزیران پێشكەش بە سەرۆك كۆمار كردووە.

جەختیشی كردۆتەوە، كە ئەو گفتوگۆیەی دەربارەی بازنەی هەڵبژاردنەكان هەیە ئەمڕۆ یەكلایی دەكرێتەوە و لە كۆبوونەوەی ڕۆژی دوو شەممەی پەڕلەمان دەنگی لەسەر دەدرێت.

بەپێی هەواڵی میدیا عیراقییەكان، كە قوسەی سوهەیل كاندیدی كوتلەی بنیاتنانە بۆ سەرۆك وەزیرانی نوێی عیراق.

لە ئێستادا كێشە كەوتۆتە نێوان كوتلەی بنیاتنان (مالكی و عامری) و كوتلەی چاكسازی (موقتەدا سەدر)، كە هەریەكەیان خۆیان بە گەورەترین كوتلەی پەڕلەمانی دادەنرێت و چاوەڕێی دواین بڕیاری دادگای باڵای فیدڕاڵی دەكەن بۆ دیاری كردنی ناوی گەورەترین كوتلەی پەڕلەمانی، كە بەپێی دەستوور مافی پێشكەش كردنی كاندیدی سەرۆك وەزیرانی هەیە، لەكاتێكدا لەڕابردوودا هاوپەیمانی چاكسازی بە گەورەترین كوتلەی پەڕلەمانی دیاری كرا و عادل عەبدولمەهدی كاندیدی ئەوان بوو بۆ سەرۆك وەزیرانی عیراق.

عێراق

وەزارەتی دارایی عیراق؛ هەرێم بە هەڵە وەڵامی وەزیری دارایی داوەتەوە

خەڵك – بەشی هەواڵ

وەزارەتی دارایی عیراق ڕایدەگەیەنێت ، بەسەر سوڕمانەوە بەیاننامەكەی حكومەتی هەرێمی كوردستانیان بینیوە و دەبووە گوێیان‌ لەدیدارە فەرمییەكەی وەزیری داراییان بگرتایە، نەك وەڵامی كۆپی تەزویری دیدارەكە بدەنەوە.

وەزارەتی دارایی حكومەتی عیراق لە ڕاگەیەنراوێكدا وەڵامی ڕاگەیەنراوەكەی وەزارەتی دارایی هەرێمیان دایەوە و ڕایگەیاندووە، بەسەر سوڕمانەوە سەیری ڕاگەیەنراوەكەی حكومەتی هەرێمی كوردستانیان كردووە، كە دەربارەی دیدارێكی وەزیری دارایی عیراق لەگەڵ رۆژنامەی (فاینانشاڵ تایمز) ی لەندەنی.

ڕاشیگەیاندووە، دەبوو حكومەتی هەرێمی كوردستان گوێ‌ لەدیدارە فەرمییەكەی وەزیری دارایی عیراقیان بگرتایە نەك وەڵامی كۆپی تەزویری دیدارەكە بدەنەوە.

بەردەوام بە لە خوێندنەوە

عێراق

عیراق؛ ئاماری توشبوون بە كۆرۆنای بڵاوكردەوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 4593 حاڵەتی نوێی تووشبوون بە ڤایرۆسی كۆرۆنا تۆماركراوە و 4505 كەسیش چاكبوونەتەوە و 68 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 20 هەزار و 662 پشكنینی تایبەت بە كۆرۆنا ئەنجام دراوە و دەركەوتووە 4593 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 191 و هەولێر 250 و كەركوك 131 و دهۆك 265 حاڵەت تۆماركراوە.

ڕوونیشی كردۆتەوە ، كە 4505 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 101 و هەولێر 194 و دهۆك 226 و كەركوك 111 كەس چاكبوونەوە.

ڕاشیگەیاندووە، 68 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 8867 كەس.

بەردەوام بە لە خوێندنەوە

عێراق

وەزیری دەرەوەی ئەمریكا: باڵیۆزخانەكەمان لە بەغدا دادەخەین

خەڵك- بەشی هەواڵ
سەرچاوەیەك لە نوسینگەی بەرهەم ساڵح سەرۆك كۆماری عیراق ڕایدەگەیەنێت، مایك پۆمپیۆ وەزیری دەرەوەی ئەمریكا بە سەرۆك كۆماری ڕایگەیاندووە، واشنتن باڵیۆزخانەكەی لە بەغدا دادەخات گەر هێرشە مووشەكییەكان ڕانەگیرێن، ئەمەش لەكاتێكدایە كە دەستی حەشدی شەعبی خۆی لە بۆردومانكردنی باڵیۆزخانەكە بە مووشەك، بێ‌ بەری كرد.

ئەمڕۆ هەینی، سەرچاوەیەك لە نوسینگەی سەرۆك كۆماری عیراق بە میدیاكانی عیراقی ڕاگەیاند”پۆمپیۆ لە پەیوەندییەكی تەلەفۆنیدا بە سەرۆك بەرهەمی ڕاگەیاندووە، وڵاتەكەی بەنیازە لەماوەیەكی كورتدا باڵیۆزخانەكەی لە بەغدا دابخات، گەر بەئامانجگرتنی باڵیۆزخانەكە بە مووشەك بەمێشوەی ئێستا بەردەوام بێت و ڕانەگیرێت”.

بە وتەی سەرچاوەكە”پۆمپیۆ بە سەرۆكی عیراقی وتووە، بڕیارەكه بۆ سەرۆك دۆناڵد ترەمپ دەگەڕێتەوە، چونكە ئەو نایەوێت بچێتە كێبڕكێی هەڵبژاردنەوە، لەكاتێكدا باڵیۆزخانەی وڵاتەكەی لە بەغدا ڕووبەڕووی بۆردومان و هەڕەشەی بەردەوام دەبێتەوە”.

بەردەوام بە لە خوێندنەوە

کوردستان