ئێمە لە تۆرە کۆمەڵایەتیەکان

ئابوری

قەیرانی غاز بەڕێوەیە

خەڵك- بەشی هەواڵ

كاروان گەزنەی، ئەندامێكی پەرلەمانی كوردستان ڕایگەیاند، كۆمپانیای دانە غاز لە زیادكردنێكی نهێنی فرۆشتنی ڕۆژانە‌ (١٠٠٠)هەزار تۆنی بۆ كۆمپانیا ناوخۆییەكان خستەڕوو، و لەم زیادكردنەشدا هەمیشە پێشتر دانا غاز ٣٤٦ دۆلار دیاری دەكرد وەكو نرخی جێگیر و كۆمپانیای بەشدارەكانی تەندەرەكەش لەسەر ئەم بنەمایە زیاد كردن و كەمكردنی نرخی خۆیان دەخستەڕوو.

هەر لە نوسینەكەیدا ناوبراو وتویەتی”ئەو كۆمپانیایەی كە تەندەری ساڵی (٢٠٢٠)ی بۆ دەرچووە، نرخێكی زۆر بەرزی لێداوە كە (٣٤٦) دۆلارە جگە لە سەرباركردنی ئەمانە- (١٧) دۆلار بۆ ڕێگاوبان، (١٠)دۆلار بۆ گواستنەوەی بەرهەمی غاز لە كۆرمۆرەوە بۆ ساحەی ئاڵوگۆڕ، (٥)دۆلار بۆ شتی تر كە دەڕوات لە هەموو تەندەرەكێدا.”

هەروەها نوسیویەتی”ئەم كۆمپانیایەی كە تەندەرەكەی بۆ دەرچووە بۆ ڕێككردنەوەی بڕی ئەم پارەیەی كە لەسەری كەوتووە، ناچار پەنا بۆ بەرزكردنەوەی نرخی غاز دەبات چونكە ‎ھەر تۆنێك غاز (٨٣.٣) بتلی غازە و بەنرخی ئەمجارەی تەندەر نرخی بتلێك غاز لەسەر خاوەن كارگەكان بەنرخی حكومی دەبێتە ٥٥٠٠ دیناری عێراقی. خاوەن كارگەو وەكیلەكانی دابەشكردنی غازیش نزیكەی ١٥٠٠ دینار دەخەنە سەر ئەم نرخە بەم جۆرە نرخی بتلێك غاز بە نرخی حكومی دەگاتە ٧٠٠٠ دینار. لەھەمان كاتدا كۆمپانیای فرۆشیاری غازەكە ھەولدەدات كەمترین غاز بدات بە حكومەت بەنرخی دیاریكراو چونكە نرخی غازی تجاری بۆ ئەوان باشتر و گرانترە بەمەش نرخی غازی تیجاریش زۆر بەرزدەبێتەوە و دەگات بە (٨٠٠٠) دیناری عێراقی.”

‎ئەگەر بەزووترین كات لە رێگەی وەزارەتی سامانە سروشتییەكان ئەم بابەتە رانەگیرێت و چارەسەر نەكرێت ئەوا ساڵی داھاتوو ساڵی ئەزمەی غاز دەبێت لە كوردستان”ئاشكرایە لە ئێستادا خواستی بەكارھێنانی غاز ڕووەو بەرزبوونەوەیە و یەكێكیشە لە ھێڵە گشتییەكانی كارنامەی حكومەتی ھەرێم؛ ئەم جۆرە لە تەندەرە ئحتیكارییەت دروست دەكات و پێچەوانەی ھەموو ئاراستە باشەكانە. ئەگەر وەزارەت ئەوە نەكات، ئەوە من یەكەم كەس دەبم سكالا تۆمار دەكەم بۆ پێشپێگرتن لە بەرزبوونەوەی نرخی غاز لە ھەرێمی كوردستان.”

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو كەمێك بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 8ی‌ تەمووزی 2020 كەمێك بەرز بووەتەوە، بەشێوەیەك نرخی‌ نەوتی برێنت بە 42 دۆلار و 95 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 47 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

چارەنووسی مووچەی مانگەكانی ( 3 و 4 و 5 و 6) ئاشكراكرا

خەڵك- بەشی هەواڵ
بەرپرسێكی باڵای حكومەتی هەرێمی كوردستان ئاشكرای دەكات، كە قۆناغی دووەم و سێیەمی بایۆمەتری دەستپێدەكات و دەشڵێت: “مووچەكانی مانگی  3 و 4 و 5 و 6 پەیوەندییان بە یاسای چاكسازییەوە نییە”.

ماوەی چەند ڕۆژێكە ترس و دڵەڕاوكێ‌ لای فەرمانبەران دروست بووە سەبارەت بە دەنگۆی ئەوەی گوایە مووچەی ئەو (4) مانگەی ئەمساڵ بەهۆی جێبەجێ‌ كردنی یاسای چاكسازییەوە نادرێن و بەهۆی ئەوەی لە مانگی تەمموز (7)ەوە دەچێتە بواری جێبەجێ‌ كردنەوە، مووچەش هەر لەو مانگەوە دەدرێت.

د.عەبدولحەكیم خەسرەو، سكرتێری لیژنەی باڵای جێبەجێكردنی یاسای چاكسازی لە ئەنجوومەنی وەزیرانی هەرێم لە بەرنامەیەكی تەلەفزیۆنیدا ڕایگەیاند، سبەینێ چوار شەممە 8-7-2020 قۆناغی دووەم ‌و سێیەمی سیستەمی بایۆمەتری دەچێتە بواری جێبەجێكردنەوە، كە سوودێكی زۆری دەبێت بۆ ڕێكخستنەوەی سیستەمی میلاكاتی وەزارەتەكان ‌و ڕێكخستنەوە سیستەمی مووچە‌ و نەهێشتنی ئەوەی پێى دەوترێ‌ بندیوار.

ڕاشیگەیاند، كە جێبەجێ‌ كردنی یاساكە لە مانگی (7)ەوە پەیوەندی نییە بە دابەشكردنی مووچەوە و مووچە بەردەوام دەبێت و ئەنجوومەنی وەزیران خۆی بڕیار دەدات كەی مووچە دابەش بكرێت.

سەبارەت بە دەرماڵەكان ئاماژەی بەوەكرد، بە سەرجەم دەرماڵەكانی فەرمانبەراندا دەچنەوە، كە نزیكەی 24 جۆر دەرماڵە هەیە و 56%ی مووچە بۆ دەرماڵەكان دەڕوات.

د.عەبدولحەكیم خەسرەو دەڵیت: “دەبێت پێداچوونەوە بە دەرماڵەكاندا بكرێت، بەڵام دەرماڵە جێگیرەكانی وەكو بڕوانامە و خێزان و منداڵ و پایە بە یاسا دراون و دەستكاری ناكرێن”.

بەردەوام بە لە خوێندنەوە

ئابوری

دابەشكردنی دوو مووچە ڕەتدەكرێتەوە
بەغدا هێشتا مووچەی مانگی حوزەیرانی دابەشنەكردووە

خەڵك- بەشی هەواڵ
ئەندامێكی لیژنەی دارایی لە پەرلەمانی عیراق، ڕەتیدەكاتەوە وەزارەتی دارایی بتوانێت مووچەی هەردوو مانگی حوزەیران و تەمموز بەیەكەوە دابەش بكات.

فەیسەڵ عیساوی ئەندامی لیژنەی دارایی پەرلەمانی عیراق لە لێدوانێكی ڕۆژنامەوانیدا ڕایگەیاند:”دابەشكردنی مووچەی مانگەكانی حوزەیران و تەمموز بە یەكەوە بەدووردەزانرێت، چونكە پارەی نەختینە لەبەردەستدا نییە”.

بە وتەی ئەو پەرلەمانتارە:”قەیرانی دارایی باڵی بەسەر ڕەوشی عیراقدا كێشاوە، بەڵام لەگەڵ ئەوەشدا زۆربەی كێشەكان چارەسەركراون و دەستكراوە بە كۆكردنەوەی پارە بۆ هەموو وەزارەتە ئەمنی و ئیدارییەكانی دەوڵەت”.

فەیسەڵ عیساوی دەڵێت:”بەر لە كۆتایی مانگی تەمموز، مووچەی مانگی حوزەیران دابەشدەكرێت، بەڵام ناكرێت دوو مووچە بەسەر یەكەوە دابەش بكرێت، چونكە پارەی نەختینە بەهۆی دابەزینی نرخی نەوتەوە بەردەست نییە”.

10 ڕۆژ زیاترە دابەشكردنی مووچەی مانگی حوزەیرانی فەرمانبەرانی ژمارەیەك وەزارەتی حكومەتی فیدراڵ دواكەوتووە و تائێستا دابەشنەكراوە.

بەردەوام بە لە خوێندنەوە

کوردستان