ئێمە لە تۆرە کۆمەڵایەتیەکان

کوردستان

ڕێكخراوی REACH ژمارەیەك هەلی كار لە پارێزگایەكی هەرێم ڕادەگەیەنێت

خەڵك – بەشی هەواڵ

ڕێكخراوی REACH ڕایدەگەیەنێت، بە هاوكاری ڕێكخراویGIZی ئەڵمانی، هەلی كاری كاتی دەڕەخسێنێت بۆ دانیشتوانی پارێزگای هەڵەبجە بۆ كاركردن لە باخی زەیتوون و دارستانی سروشتی هەڵەبجە بۆ ماوەی٤٠ ڕۆژ.

ڕێكخراوی REACH ی ناحكومی لە هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بە هاوكاری ڕێكخراویGIZی ئەڵمانی، هەلی كاری كاتی دەڕەخسێنێت بۆ دانیشتوانی پارێزگای هەڵەبجە، كە پەنابەر و گەڕاوەی هەندەران بن بۆ كاركردن لە باخی زەیتوون و دارستانی سروشتی هەڵەبجە بۆ ماوەی٤٠ ڕۆژ، ڕۆژانی یەكشەممە تا پێنجشەممە، ڕۆژانەی 8 كاتژمێر كاركردن.

ڕاشیگەیاندووە، هەر كەس خوازیاری كاركردنە دەتوانێت لە كاتژمێر 10:00 بەیانی بۆ 3:00ی پاش نیوەڕۆ لە ٢٢ ، ٢٣، ٢٤ / ١٢/٢٠١٩ سەردانی هۆڵی بۆنەكان بكات لە بەرامبەر بەڕێوەبەرێتی پەروەردەی گشتی هەڵەبجە بە مەبەستی ناو تۆماركردن.
ئاماژە بۆ ئەوەشكراوە، كارەكە بۆ ماوەی ٤٠ ڕۆژ دەبێت هەر ڕۆژێك كاركردن ٨ كاتژمێرە و نیو كاتژمێریش بۆ نان خواردن 8:00 بۆ 4:30 ڕۆژانی یەكشەممە تا پێنجشەممە، لە كاتی پێوستدا ڕۆژی شەممەش كار دەكرێت.

لەڕاگەیەنراوەكەداهاتووە، بڕی پارەی ڕۆژانە 40 چل هەزار دینارە بۆ سەرپەرشتیار و 25 هەزار دینار بۆ كاری كرێكاری و پاكردنەوە و ڕێكخستن و هەر كارێكی دیكە، كە لە شوێنی كاركردن پێویست بكات، هاتووچۆ و نان خواردن لە ئەستۆی خوازیار دەبێت.

پێویستیەكان :
1. فۆڕمی خۆراكی ٢٠١٨ – ٢٠١٩
2. پێناسی باری شارستانی (یان كارتی نیشتمانی).
3. كارتی UNHCR – ئەگەر پەنابەری.
4. پێناسی كەم ئەندامی – ئەگەر كەم ئەندامی یان ئەگەر ئەندامێكی خێزانەكەت كەم ئەندامە
5. بەڵگەی نەخۆشی درێژ خایەن، ئەگەر كەسێك لە خێزانەكەت نەخۆشی درێژ خایەنی هەیە.
6. چانسی وەرگرتن بۆ هەردوو ڕەگەزە، ڕەگەزی مێینە و كەسانی خاوەن پێداویستی بە تایبەت هاندەدرێن بۆ بەشداریكردن.
7. پڕكردنەوەی فۆڕم بە تەنها گارەنتی وەرگرتن ناكات ، بەڵكو وەرگرتن بە پێی پێوەری (كەم دەرامەتی)ی دەبێت، كە ڕیزبەندی كراوە لە فۆڕمەكەدا.
8. ئەو كەسانەی بە پێی پێوەری كەم دەرامەتی ناویان دەردەچێت بۆ سەرپەرشتیاری، چاوپێكەوتنیان لەگەڵ ئەنجام دەدرێت بە مەبەستی هەڵبژاردنی شارەزاترینیان.
9. ئەو كەسانەی بە پێی پێوەری (كەم دە رامەتی) ناویان بۆ كاری كرێكاری و پاككردنەوەو ڕێكخستن دەردەچێت، پاش ماوەیەك ئاگاداردەكرێنەوە لە كاتی دەست بە كاربوون.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان