ئێمە لە تۆرە کۆمەڵایەتیەکان

کوردستان

نوێترین زانیاری لەسەر كۆنگرەی چوارەمی یەكێتی
تەنیا دوو ئەركی لەسەر دەبێت 

خەڵك – بەشی هەواڵ

سەرچاوەیەك لە ئەنجومەنی سەركردایەتی یەكێتی نیشتمانی كوردستان ڕایدەگەیەنێت، لە كۆنگرەی چوارەمی یەكێتی بڕیارە تەنها ئەنجومەنی گشتی و ئەنجومەنی باڵا سیاسی هەڵبژێرێت و دەشڵێت،”ئەنجومەنی باڵای سیاسی زۆربەی ئەندام مەكتەب سیاسی و دامەزرێنەرانی یەكێتی لە خۆدەگرێت”.

سەرچاوەیەك لە ئەنجومەنی سەركردایەتی یەكێتی نیشتمانی كوردستان بە (خەڵك) ی ڕاگەیاند، ئەوەی لە ئێستادا بڕیاری لەسەر دراوە لە كۆنگرەی چوارەمدا تەنیا دوو ئەنجومەن هەڵدەبژێرێت، كە ئەنجومەنی گشتی لە 121 ئەندام پێك دێن و دەوری پەڕلەمانی حزب دەبینن لەگەڵ ئەنجومەتی باڵای سیاسی، كە ئەمانە دادەنرێن و زۆربەی لە مەكتەب سیاسی و دامەزرێنەرانی یەكێتی پێك دێت، دەكرێت پڕۆسەكەش گەورەتر بكرێت و ئەندامانی پێشووی سەركردایەتی یەكێتی لەخۆ بگرێت.

وتیشی،”ئەم دوو ئەنجومەنە لە كۆنگرە یەكلادەكرێتەوە و لە گەڵ هەندێك ڕاسپاردە و بڕیاڕی دیكە ئەوەی دەمێنێتەوە هەڵدەگیرێت بۆ دوای كۆنگرە، بەهەماهەنگی ئەندامانی كۆنگرە چونكە ئەو پەیڕەوەی بۆ داهاتووی یەكێتی دانراوە تەواو جیاوازە “.

ڕاشیگەیاند، بە پێی ئەو بەرنامەی دیاریكراوە بۆ كۆنگرەی چوارەم ڕەنگە لە ڕۆژێك تا سێ ڕۆژ بخایەنێت ، ئەوەی دەمێنێتەوە دەخرێتە دوای كۆنگرە وچونكە دەمانەوێت بەشێنەیی و لەسەرخۆیی كارەكانی دیكە تەواو بكەین، دیاریكردنی سەرۆك یان سكرتێر-یش لەدوای كۆنگرە بڕیاری لەسەر دەدرێت.

ئاشكراشیكرد، سیستەمی نوێی یەكێتی زۆر نزیك دەبێت لە پەڕلەمانی و وەك سیستەمی ئەمریكا ئەنجومەنی نوێنەران و ئەنجومەنی پیران، پێكەوە بڕیارەكاتی یەكێتی دەدەن ( ئەنجومەنی گشتی كە لە 121 ئەندام و ئەنجومەنی سیاسی باڵا 11 بۆ 15 ئەندام ) پێكدێت.

 

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان