ئێمە لە تۆرە کۆمەڵایەتیەکان

کوردستان

پرسی پەسەندنەكردنی بودجەش لەئارادایە
پەرلەمانتارێك: بەغدا بەڵێنیداوە پارەی هەرێم ڕەوانە بكات

خەڵك- بەشی هەواڵ
سەرۆكی لیژنەی دارایی پەرلەمانی كوردستان دەڵێت، بەپێی ئەو ڕێككەوتنەی لەنێوان هەرێمی كوردستان و حكومەتی فیدراڵدا كراوە، تەنانەت گەر پرۆژە یاسای بودجەی گشتی عیراقیش پەسەند نەكرێت، بەغدا پارەی هەرێم ڕەوانە دەكات.

زیاد جەبار، سەرۆكی لیژنەی دارایی لە پەرلەمانی كوردستان بە (خەڵك)ی ڕاگەیاند”بەپێی یاسا دەبێت بەغدا پشكی دارایی هەرێم ڕەوانە بكات، تەنانەت گەر پەسەندكردنی بودجەی گشتی دواكەوت، بەڵام لەڕووی پرۆتۆكۆڵی و سیاسییەوە نازانرێت بەغدا بەردەوام دەبێت لەسەر ڕەوانەكردنی پارەكە یاخود نا”.

بە وتەی زیاد جەبار”ئێمە ڕێككەوتنێكمان لەگەڵ حكومەتی فیدراڵ كردووە، ئەوەی پەیوەندی بە یاسای داراییەوە هەیە بۆ ساڵی 2020 كاریی پێدەكرێت، ئەگەر ئەو ڕێككەوتنە كاریی پێبكرێت، بەدڵنیاییەوە پشكی دارایی هەرێم پارێزراو دەبێت لە بودجەی عیراق، لەبەرانبەردا ئەركی حكومەتی هەرێمی كوردستانیشە ئەو نەوتەی بۆى دیاریكراوە ڕادەستی كۆمپانیای بەبازاڕكردنی نەوتی عیراق (سۆمۆ)ى بكات)، تا بەغداش پشكی دارایی هەرێم ڕەوانە بكات”.

سەبارەت پابەندبوونی حكومەتی هەرێمیش بە ڕێككەوتنەكەی لەگەڵ بەغدا، سەرۆكی لیژنەی دارایی پەرلەمانی كوردستان وتی:”ڕێككەوتنەكە كراوە، بەڵام نازانرێت حكومەتی هەرێم پابەند دەبێت بە ڕێككەوتنەوەكەوە یان نا، بۆیە دەبێت تا ئەو دەمە چاوەڕوانبین”

کوردستان

حزبێكی توركمان دروشمی “كەركوك توركە و هەر بە توركیش دەمێنێتەوە” لەسەر دیواری بارەگاكەی دەنووسێت

خەڵك – بەشی هەواڵ
هێزێكی لیوای 61ی سەر بە سەرۆك وەززیرانی عیراق چوونە سەر بارەگای بارەگایەکی تورکمانەکان و داوای سڕینەوەی دروشمێکی سەر دیواری بارەگاكەیان لێدەكەن كە نووسویانە “كەركوك توركە و هەر توركیش دەمێنێتەوە”.
درەنگانێكی شەوی ڕابردوو هێزێكی سەر بە لیوای 61 كە ئەركی پاراستنی ئاسایشی كەركوكی لەسەرشانە، چوونە سەر بارەگای پارتێكی توركمانەكان داوایان لێكردن ئەو دروشمە بسڕنەوە كە لەسەر دیواری بارەگاكەیان نووسیویانە.
لە دروشمەكەدا نووسراوە “كەركوك توركە و هەر بە توركیش دەمێنێتەوە”.
بە پێی زانیارییەكان، بۆ ڕێگرتن لە دروستبوونی گرژی ئەرشەد ساڵحی سەرۆكی بەرەی توركمانی دەستوەردانی كردووە و هێزە عیراقییەكە كشاونەتەوە، بەڵام سوورن لەسەر ئەوەی دەبێت دروشمەكە بسڕنەوە.

بارەگاکە شوێنی گروپێکی توندڕەوی تورکمانەکانە و لە ئاڵاکەیاندا وێنەی گورگەبۆرەکانی تێدایە کە تورکە ڕەگەزپەرستەکان وەك دروشمی خۆیان بەرزی دەکەنەوە، لە نێویشیاندا بزووتنەوەی ڕەگەزپەرستی “مەهەپە” لە تورکیا، کە بەردەوام نکوڵی لە بوونی کورد دەکات و لە ڕابردووشدا داوای کردبوو ئاڵای تورك لەسەر قەندیل هەڵبکرێت.

بەردەوام بە لە خوێندنەوە

کوردستان

فرسەت سۆفی: بەرهەمهێنانی چارەسەری كۆرۆنا لە هەولێر دەستكەوتێكی مەزنە بۆ مرۆڤایەتی

خەڵك – بەشی هەواڵ
فرسەت سۆفی پارێزگاری هەولێر دەستخۆشی لە كۆمپانیایەكی دەرمان دەكات لە هەولێر كە دەرمانی چارسەركردنی تووشبووانی ڤایرۆسی كۆرۆنای بەرهەمهێناوە و ئەو هەنگاوەش بە دەستكەوتێكی مەزن بۆ مرۆڤایەتی وەسف دەكات.

نووسینگەی د. فرسەت سۆفی پارێزگاری هەولێر سوپاسنامەیەکی بە ناوی پارێزگای هەولێرەوە ئاڕاستەی كۆمپانیای ئاوامێدیكا كرد كە دەرمانی فابیڤیر”Favipiravir”ی بەرهەمهێناوە و ئەمەش دەقەكەیەتی:

بەناوی پارێزگای هەولێر، سوپاسی کۆمپانیای ئاوامێدیکا بۆ بەرهەمهێنانی دەرمان لەهەولێر دەکەین کە توانییان بە هاوکاری سەنتەرە پسپۆڕییە جیهانییەکان بەسەرکەوتوویی دەرمانی دژە ڤایرۆسی فابیڤیر”Favipiravir”ی بۆ چارەسەری توشبووانی کۆرۆنای نوێ (کۆڤید-١٩) بەرهەمبهێنن.

سەربەرز و خۆشحاڵین كە کۆمپانیایەکی گەورە لەهەولێر، دەستکەوتێکی گەورەی بۆ شارەکەمان دەستەبەر کردووە، لەم کات و ساتەدا بەهەمهێنانی ئەمجۆرە دژە ڤایرۆسە دەستکەوتێکی مەزنە بۆ شارەکەمان و تەواوی مرۆڤایەتی، بۆیە بەناوی پارێزگای هەولێر، پیرۆزباییەکی گەرم لە خەڵکی شاری هەولێر دەکەین و سوپاس و دەستخۆشیەکی زۆریش بۆ بەڕێوەبەران و تەواوی ستاف و کارمەندانی کۆمپانیای ئاوامێدیکا بۆ بەرهەمهێنانی دەرمان، دووپاتی دەکەینەوە بە هەموو شێوەیەک پاڵپشت و هاوکاریانین.

دەرمانی دژە ڤایرۆسی فابیڤیر “Favipiravir”ی بۆ چارەسەری توشبووانی کۆرۆنا، لە ڕوسیا و یابان و زۆر وڵاتی دیکە تاقیکراوەتەوە و سەرکەوتنی باشی بەدەستهێناوە، ئێستاش لە پرۆتۆکۆڵی وەزارەتی تەندروستی عێراق دانی پێدانراوە و بۆ چارەسەری حاڵەتی مام ناوەند و تووندی تووشبووانی ڤایرۆسی کۆرۆنا بەکاردهێنرێت.

بەردەوام بە لە خوێندنەوە

کوردستان

مەزڵوم كۆبانێ‌ لەگەڵ فەرماندەیی هێزەكانی ڕوسیا لە سوریا كۆبووەوە

خەڵك – بەشی هەواڵ

فەرماندەی هێزەكانی سوریای دیموكرات (هەسەدە) ئەمڕۆ سێ شەممە لەگەڵ فەرماندەی هێزەكانی ڕوسیا لە سوریا كۆبووەوە.

ژەنەڕاڵ مەزڵوم كۆبانێ‌ فەرماندەی هێزەكانی سوریای دیموكرات (هەسەدە) لەهەژماری تایبەتی خۆی لەتۆڕی كۆمەڵایەتی تویتەر، بڵاویكردەوە: لەگەڵ ئەلیكساندەر چایكۆ فەرماندەی هێزەكانی ڕوسیا لە سوریا كۆبووەتەوە.

ژەنەڕاڵ مەزڵوم كۆبانێ‌ ئاماژەی بەوەش كردووە: لەمیانی كۆبوونەوەكەیدا لەگەڵ چایكۆ چەند پرسێكی هاوبەشیان تاووتوێكردووە، لەوانە پێشێلكارییەكانی توركیا لەسەر ڕێككەوتنی 23 ی ئۆكتۆبەر و شەهیدكردنی سێ‌ ژنە چالاكوانی كورد لە كۆبانێ‌.

هەر لەمیانی كۆبوونەوەكەدا، ڕێككەوتن لەسەر بەردەوامبوون و زیادكردنی ئاستی هەماهەنگی و كاری هاوبەشی نێوان هەردوولا.

لە كۆبوونەوەكەدا ژەنەڕاڵ مەزڵوم كۆبانێ‌ سوپاسی هێزەكانی ڕوسیای كردووە لەپای بەدەمەوەهاتنی بۆ كاری هاوبەش لەپێناو بەرەنگاربوونەوەی ئاڵانگارییەكان.

 

بەردەوام بە لە خوێندنەوە

کوردستان