ئێمە لە تۆرە کۆمەڵایەتیەکان

کوردستان

سێ‌ سەرۆكایەتییەكەی هەرێم داوا لە حكومەتی عیراق دەكەن ڕێككەوتن و لێكگەیشتنەكان جێبەجێ بكات

خەڵك – بەشی هەواڵ

ئەمڕۆ سێشەممە هەرسێ سەرۆكایەتییەكەی هەرێمی كوردستان لە هەولێر كۆبوونەوە و جەختیان لە یەكڕیزیی نێوماڵی كورد بۆ ڕووبەڕووبوونەوەی پێشهاتەكان كردەوە.

سەرۆكایەتیی هەرێمی كوردستان لە ڕاگەیەندراوێكدا لەبارەی دووەم كۆبوونەوەی سێ سەرۆكایەتییەكەی هەرێمی كوردستان ڕایگەیاند، هەرسێ سەرۆكایەتیی هەرێمی كوردستان، پەرلەمان و حكومەت جەختیان لە گرنگیی یەكڕیزی و یەكهەڵوێستیی سیاسیی لایەنە كوردستانییەكان كردەوە بۆ ڕووبەڕووبوونەوەی دۆخ‌ و پێشهاتەكان. هەوڵەكانی سەرۆكایەتیی هەرێمی كوردستان بۆ كۆكردنەوەی لایەنە سیاسییەكان و هەنگاوەكان بۆ پێكهێنانی هاوپەیمانیی فڕاكسیۆنە كوردستانییەكان لە بەغدا بەرز نرخێنرا.

كۆبوونەوەكە گفتوگۆكانی حكومەتی هەرێمی كوردستانی‌ لەگەڵ حكومەتی عیراقی فیدراڵ تاووتوێكرد و ڕۆڵی شاند و تیمە دانوستانكارەكانی حكومەتی هەرێمی كوردستانی بەرزنرخاند بۆ ئەو ڕێككەوتنەی لەگەڵ وەزارەتی دارایی حكومەتی فیدراڵ لەبارەی بابەتی بودجەی 2020 پێیگەیشتوون. هەروەها داواكرا حكومەتی عیراقی فیدراڵ ڕێككەوتن و لێكگەیشتنەكانی لەگەڵ هەرێمی كوردستان جێبەجێ بكات.

بەپێی ڕاگەیەنراوەكە هەر لە كۆبوونەوەكەدا ئامادەبووان پشتگیرییان بۆ ھەوڵە چاكسازییەكانی حكومەتی ھەرێمی كوردستان دەربڕی، تیشكیان خستە سەر جموجوڵەكانی داعش بەتایبەتی لە ناوچە كوردستانییەكانی دەرەوەی ئیدارەی هەرێمی كوردستان و دووپاتیان كردەوە كە سەرهەڵدانەوەی تیرۆر مەترسییەكی ڕاستەقینەیە و پێویستە هاوكاری و هەماهەنگیی نێودەوڵەتی بۆ بەرەنگاربوونەوەی بەردەوامبێت.

لە ڕاگەیەنراوەكەدا ئاماژە بەوەشدراوە، تاووتوێكردنی پڕۆژەیاسای هەڵبژاردن و یاسای كۆمسیۆنی باڵای سەربەخۆی هەڵبژاردنەكان لە عیراق و پڕۆژەیاسای چاكسازی لە هەرێمی كوردستان بەشێكی تری كۆبوونەكە بوون.

جیهان

پلانێكی ئەمریكی بۆ دابەشكردنی سوریا و گرێدانی بە هەرێمی كوردستانەوە ئاشكرا دەبێت

خەڵك-بەشی هەواڵ

پسپۆڕان زانكۆكانی توركیا ئاشكرایانكرد، ئەمریكا پلانێكی بۆ دابەشكردنی عیراق بۆ سێ وڵات لەبەردەستدایە، كە یەكێكیان بە هاوكاری سعودیە دەبێت و بەشێكی دیكەیان دروستكردنی دەوڵەتێكە لەو ناوچانەی لەژێر دەسەڵاتی هێزەكانی سوریای دیموكراتن لە سوریا.
ماڵپەری “عربی 21″ی قەتەری بڵاویكردەوە، ئیسماعیل حەقی سەرۆكی پێشووی دەستەی هەواڵگری توركیا بە “یەنی شاغ”ی ڕایگەیاندووە، ئەمریكا لە هەولێ‌ كۆكردنەوەی هەرێمی كوردستان و كوردەكان لە باكوری سوریا لەژێر پارێزگاری هەسەدەدایە و دروستكردنی هاوپەیمانیەتییەك.
وتیشی”ئەمریكا و ڕوسیا و وڵاتە ئەوروپییەكان نایانەوێت توركیا بەهێز بێت، هەمیشە لە هەوڵی ئەوەدان یارییەكی نوێ لە ناوچەكە دروست بكەن، ئەویش بەهۆی بوونی ناتۆ لە عیراقدا”.
ڕوونیشیكردەوە، ئەمریكا دەیەوێت سنوورەكانی نێوان هەرێمی كوردستان و باكوری سوریا لاببات و عیراقیش بكات بە سێ بەشەوە.
ئاشكراشیكرد، سوننە و كوردەكانی عیراق پشتیوانی لە هەوڵەكانی ئەمریكا دەكەن، ئەویش بەهۆی ئەوەی مافەكانیان لە حكومەتی عیراق وەك پێویست وەرناگرن و بۆ هاندانی كورد و سونەكان و هاوكات بۆ ڕووبەڕووبونەوەی مەترسییەكانی ئێران، ئەمریكا لە هەوڵی پێكهێنانی هاوپەیمانیەتییەكی نوێدایە لەنێوان سعودیە و ئیسرائیل و كوردەكان و بەشێك لە سوننەكان.
بەپێی زانیارییەكانی ماڵپەرەكە، بەمەبەستی سەركەوتنی پلانەكەی ئەمریكا، سعودیە لە ساڵی ڕابردووەوە چەندین كۆبوونەوەی لەگەڵ لایەنە سوننەكان و پیاوانی ناوچەكە بەتایبەت بەرپرسانی پارێزگای ئەنبار ئەنجامداوە و هاوكات لە ئیماراتیش ئەو جۆرە كۆبوونەوانە ئەنجام دراون.

بەردەوام بە لە خوێندنەوە

کوردستان

حكومەتی هەرێم گۆڕە بە كۆمەڵەكان دەهێنێتەوە

خەڵك-ئارام سەردار
وەزارەتی كارووباری شەهیدان و ئەنفالكراوان حكومەتی هەرێم بەنیازە ڕووفاتی گۆڕە بەكۆمەڵەكە سەماوە كە ساڵی ڕابردوو دۆزرایەوە بهنێتەوە هەرێمی كوردستان و بەخاكیان بسپێرێت.

خەبات عەبدوڵڵا، ڕاوێژكاری وەزارەتی كارووباری شەهیدان و ئەنفالكراوان بە(خەڵك)ی ڕاگەیاند، ئەوەی بەنیازین بیانهێنینەوە، ۱۷۱ ڕووفاتی یەكێك لە گۆڕە بەكۆمەڵەكانی سەماوەیە، كە لەچوارچێوەی ئەو سێ گۆڕەی لەمانگی نیسانی ۲۰۱۹ دۆزرانەوە، لەچەند ڕۆژی داهاتوو لە مەڕاسیمێكی شایستەدا لە هەرێمی كوردستان بەخاكیان دەسپێرین، لەم ژمارەیەش ۹۷ ڕووفات ژنن و ۷٤ڕووفاتیش منداڵن.

دەشڵێت، لەلایەن پزیشكی دادی لە بەغداد سامپڵی ئێسك لەهەموو قوربانیەكان وەرگیراوە، بۆ ئەنجامدانی پشكنین، بەڵام پێویست بوو حكومەتی هەرێم و وەزارەتی كاروباری شەهیدان و ئەنفالكراوان بۆ تەواوكردنی پڕۆسەی پشكنینی DNA نموونەی خوێن لە كەس و كاری قوڕبانیان وەربگیرایە بەڵام تائێستا نەكراوە.

ئاماژەی بۆ ئەوەشكرد، بەهۆی دۆخی عیراق نەتوانرا دوو گۆڕەكەی تری سەماوەش هەڵبدەینەوە، بەڵام بەپێی ڕووماڵی ئەمریكیەكان لە باشووری عیراق و خۆرئاوا لەنێوان ۳ بۆ ٤ هەزار گۆڕی بەكۆمەڵ هەیە، بەڵام مەرج نیە هەمووی گۆڕی ئەنفالكراوان بێت، بەڵام بەشی زۆری ئەنفالكراون.

ئەوەشی خستەڕوو، ئێمە بەشدارین لەتیمی نیشتیمانی هەڵدانەوەی گۆڕی بەكۆمەڵ لەبەغداد، بەهۆی باروودۆخی عیراق و دووری و چۆلی شوێنی گۆڕەكان ڕێگرن لەهەڵدانەوەی گۆڕەكانی تر.

بەردەوام بە لە خوێندنەوە

ژینگە

بڕی باران بارین لە شارەكانی هەرێم بڵاوكرایەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لە شاری ڕانیەی سەر بە پارێزگای سلێمانی بە بڕی 30.8 ملم باریوە.

بەردەوام بە لە خوێندنەوە

کوردستان