ئێمە لە تۆرە کۆمەڵایەتیەکان

کوردستان

لە سلێمانی نیو تەن خواردنی بەسەرچوو دەستی بەسەردا گیراوە

خەڵك – بەشی هەواڵ
بەڕێوەبەرایەتی چاودێری تەندروستی سلێمانی ‌ڕایدەگەیەنێت، تەنیا لە ماوەی دوو ڕۆژدا لەگەڕەكی سەرچنار لە هەڵمەتێكدا دەستیان گرت بەسەر500 كگم خواردن و خواردنەوەی خراپ و بەسەرچوو و پسوڵەی سەرپێچیش بۆ (۷) شوێن كرا.

بەڕێوەبەرایەتی چاودێری تەندروستی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، تیمەكانی چاودێری مەڵبەندی تەندروستی سەرچنار لەسنوری گەڕەكەكەیان لەهەڵمەتێكدا لە ماوەی دوو ڕۆژدا دەستیان بەسەر 500كگم خواردن و خواردنەوەی خراپ و بەسەرچوودا گرت.

ڕاشیگەیاندووە، لەو هەڵمەتەدا پسوڵەی سەرپێچی بۆ (۷) شوێن كرا، كە بریتی بوون لە (٤) ماركێت (۲) نادی خواردن و خواردنە و سەرتاشخانەیەك.

جەختیشی كردەوە، سەرجەم ئەو خۆراكانەی دەستی بەسەردا گیرابوو لەلایەن لیژنەی لەناوبردنەوە لەناوبران.

کوردستان

سلێمانی:دو تەقەكەر دەستگیركران

خەڵك-بەشی هەواڵ

مەفرەزەكانی بەشی پۆلیسی نەهێشتنی تاوانی سلێمانی دوو تەقەكەر دەستگیردەكەن كە لەچەند شوێنێكی شاری سلێمانی تەقەیان كردبو.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا بڵاوی كردەوە: پاش ئەوەی دو تۆمەتبار چەند جارێك و لەچەند شوێنێكی جیاوازدا تەقەیان دەكردو بوبونە هۆی بێزاركردنی خەڵك و دروستبونی ترس و دڵەڕاوكێ، مەفرەزەكانی بەشی پۆلیسی نەهێشتنی تاوان لێكۆڵینەوەو بەدواداچونیان بۆ دۆزینەوەو دەستگیركردنی ئەو دو تۆمەتبارە ئەنجامدا.

ئاماژە بەوەشكراوە، پاش وەرگرتنی بڕیاری دادوەری ئێشكگر، دوێنێ ٢٠٢١/١/١٥، ھەردو تۆمەتبارەكە دەستگیر كران.
لەئێستا ھەردو تۆمەتبار (ت، ع، م لەدایكبووی ٢٠٠٣) و (ب، ن، ج لەدایكبووی ٢٠٠١) بەبڕیاری بەڕێز دادوەری لێكۆڵینەوە ڕاگیراون و لێكۆڵینەوە لەگەڵیاندا بەردەوامە.
بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان

بەردەوام بە لە خوێندنەوە

کوردستان

پارتی: لەگەڵ لایەنە سیاسیەكانی عیراق گەیشتینە لێكتێگەیشتن

خەڵك- بەشی هەواڵ

ئەندامێكی شاندی دانوستانكاری پارتی دیموكراتی كوردستان لەگەڵ بەغدا ئەنجامی دیدار و كۆبوونەوەكانیان لەگەڵ هێز و لایەنە سیاسییەكانی عیراق بڵاودەكاتەوە و ئاشكرای دەكات، كۆبوونەوەكان بەرهەمدار بوون و گەیشتوونەتە لێكتێگەیشتن و بڕوای هاوبەشی سیاسی سەبارەت بە كۆی گشتی پرۆسەی سیاسی و هەڵبژاردنی پێشوەختە.

جەعفەر ئێمینكی، ئەندامی مەكتەبی سیاسی و ئەندامی شاندی دانوستانكاری پارتی، كە چەند ڕۆژێكە لە بەغدان لە هەژماری خۆی لە تۆڕی كۆمەڵایەتیی فەیسبووك بڵاویكردەوە، “لەمیانی دیدار و چاوپێكەوتنەكانمان لەم هەفتەیەدا وەكو شاندی پارتی دیموكراتی كوردستان، لەگەڵ زۆربەی لایەنە سیاسییە عیراقییەكان لە بەغدا گەیشتینە لێكتێگەییشتن و بڕوایەكی هاوبەشی سیاسی سەبارەت بە كۆی گشتی پرۆسەی سیاسی و بابەتی هەڵبژاردنی پێشوەختە و پێداویستییەكانی چاكسازیی ڕیشەیی”.

ئاماژەی بەوەشكردووە، باسمان لەو پەیوەندییەكانی نێوان هەردوو حكوومەتی هەرێم و فیدڕاڵ كرد، كە بەردەوام كۆسپ و تەگەرەی دێتە پێش و پێویستی پەلەكردن لە چارەسەركردنی ئەو كۆسپ و تەگەرانە لەسەر بنەمای هاوبەشیی نیشتیمانی و پێداویستییەكانی سازان و پشتبەستن بە دەستووری هەمیشەیی.

جەعفەر ئێمنیكی دەڵێت: “هەرێمی كوردستان لەوەتەی لە ساڵی 1992 و پێش بونیادنانەوەی عێراقی فیدراڵی دامەزراوە، هیچ ڕۆژێك درێغی نەكردووە لە جێبەجێكردنی ئەركی سەرشانی بەرامبەر بە حكوومەتی فیدراڵ، بەڵكو ڕۆڵێكی پێشەنگ و تەواوكەر و میحوەریی بینیوە لە بواری ئەمنی و سەربازی و مرۆیی و فریاگوزاری بۆ پاڵپشتیكردنی حكوومەتی فیدڕاڵ، چ لە بەرەنگاربوونەوەی ڕێكخراوە تیرۆریستییەكان لە قاعیدەوە تا دەگاتە لەناوبردنی داعش، یاخود داڵدەدان و لەخۆگرتنی ملیۆنان پەنابەری هەڵاتوو لە دڕندەیی داعش و تیرۆریستان”.

ڕاشیگەیاندووە، هەرێمی كوردستان هەنگاوی گەورە و باشی لە بواری بونیادنانەوە و ئاوەدانیدا ناوە، كە ئەویش دەبێتە هۆی بەهێزكردنی پێگەی عێراق لەنێو كۆمەڵگای نێودەوڵەتی و لەم چاوپێكەوتنانەدا جەخت كرایەوە لەسەر ئەوەی كە ئەم قۆناغە هەستیارە و ئەركی سەرشانی هەمووانە بەرپرسیارەتی مێژوویی بگرنە ئەستۆ و دوور بكەونەوە لە بابەت و پرسە لاوەكییەكان و ورووژاندنی ڕق و كینەی چینایەتی و لایەنگرایەتی، هەروەها وازهێنان لە هەڵمەتەكانی ڕقلێبوونەوە و شێواندن و ناشیرینكردنی بەرامبەر، كە زیان بە هەموولایەك دەگەیەنێت، بەڵكو دەبێ هەموو لایەك لەجیاتی ئەوە، بیر لە بەرژەوەندیی گشتی و پرسە نیشتیمانی و ستراتیژییەكان بكەنەوە، كە پێگەی عێراق لە نێو كۆمەڵگای نێودەوڵەتیدا بەهێز دەكات.

بەردەوام بە لە خوێندنەوە

کوردستان

“حكومەتی هەرێم بۆ ئەمساڵ بە لێبڕینی 35% مووچە دابەش دەكات”

 

خەڵك-بەشی هەواڵ

 

ئەندامێكی سكرتاریەتی یەكێتی مامۆستایانی كوردستان ڕایدەگەیەنێت، ئەگەر مانگانە مووچە دابەش بكرێت 35%ی مووچەكە دەبڕدرێت.

بەرهەم موستەفا، ئەندامی سكرتاریەتی یەكێتی مامۆستایانی كوردستان بە (خەڵك)ی ڕاگەیاند، ئەگەر حكومەت بیانەوێت تاوتوێی ئەوە بكەن، كە مانگانە مووچە دابەش بكەن، باس لەوە كراوە دەبێت 30% بۆ 35%ی مووچە ببڕین، ئینجا دەتوانن مانگانە مووچە دابەش بكەن.

وتیشی، “بۆ ئەم مانگە هیچ زانیارییەك نییە لەسەر چۆنێتی لێبڕینی مووچە، بەڵام لە مانگی داهاتوو ئەگەر بیانەوی مووچە بدەن بەو ڕێژەی لێبڕینەوە ئینجا ئامادەن دابەشی بكەن”.

ئاشكراشیكرد، سەرۆكی لیژنەی دارایی لە پەڕلەمانی كوردستان پێشتر باسی لەوە كردووە، مووچەی ئەمساڵی 2021 تاكو كۆتایی، كە دەدرێت بە لێبڕینەوە دەدرێت.

ئەمەش لەكاتێكدایە، وەزارەتی پەروەردە ئەمڕۆ دەرگای قوتابخانەكانی بۆ قۆناغی 12 كردووەتەوە و بڕیارشە لەسەرەتای مانگی ئاداردا قۆناغەكانی دیكەش دەستپێبكەن، هاوكات مامۆستایانی ناڕازیش ئاشكرای دەكەن، ئەگەر مووچەی 30 ڕۆژ جارێك و بەبێ لێبڕین دابەش نەكرێت ناچنەوە هۆڵەكانی خوێندن.

بەردەوام بە لە خوێندنەوە

کوردستان