ئێمە لە تۆرە کۆمەڵایەتیەکان

کوردستان

وەزارەتی دارایی و ئابوری لەسەر پاشەكەوت وەڵامی دادگای دایەوە

خەڵك- بەشی هەواڵ

ژمارەیەك پارێزەر بە نوێنەرایەتی فەرمانبەرانی هەرێم سكاڵایان لەسەر حكومەتی هەرێم تۆماركرد بۆ پێنەدانی سێ‌ مووچەكەی ئەمساڵ و دادگای فیدراڵیش داوای وەڵامی لە وەزارەتی دارایی و ئابوری عیراق و حكومەتی هەرێم كردووە و وەزارەتی دارایی و ئابوری عیراقیش وەڵامی داوەتەوە.

لەتیف مستەفا، لە نوسینێكدا لە فەیسبوكی خۆی نوسیویەتی”دوای ئەوەی كۆمەڵێك پارێزەری خۆبەخش بەوەكالەتی ژمارەیەك فەرمانبەر سكاڵایان تۆماركرد لەدادگای فیدراڵی لە بەرواری ٣١/٧/٢٠١٩سەبارەت بەموچەخوراوەكانی سێ مانگی ئەمساڵ لەسەر ھەردوو وەزارەتی دارایی فیدراڵ و وەزارەتی دارایی حكومەتیھەرێم بەگوێرەی قانونی دادگاكە پێویستە لەسەر داوا لەسەر كراو لەماوەی دوو ھەفتە لەبەرواری ئاگادار كردنەوە وەڵامی دادگا بدەنەوە ،تا وەڵامەكە نەگەڕێتەوە دادگا ناتوانێ ڕۆژی دادبینی دیاری بكات”.

هەر لە نوسینەكەیدا ناوبراو وتویەتی” ئەوەی شایانی باسە وەزارەتی دارایی فیدراڵ لەماوەی یاسایی خۆیدا وەڵامی دادگای داوەتەوەو دەڵێت ئێمە لەساڵی ٢٠١٩داھەموومانگێك لەكاتی خۆیدا بودجەی تەواوی ھەرێممان ناردوەو بەرپرسیار نین ،ئەوە پەیوەندی بەوەزارەتی دارایی حكومەتی ھەرێمەوە ھەیە.بەڵام بەداخەوە تا ئێستاو سەرەڕای تێپەڕبوونی ٤مانگ و نیو وەزارەتی دارایی وەڵامی دادگایان نەداوەتەوە ھەرچەندە دادگا لەڕێگای نوێنەرایەتی حكومەتی ھەرێم لەبەغدا بەنوسراوی ژمارە ٧٦٨٥لەبەرواری٢٠١٩/٨/٥ئاگاداری نامە ( تەبلیغەكە) ی بۆیان ناردوە”.

لە كۆتایی نوسینەكەیدا لەتیف مستەفا وتویەتی”ئێمە لەسەر ھەوڵەكانی خۆمان بەردەوام دەبین تا سكاڵاكە دەگەیەنینە ئەنجام”.

ریکلام

جیهان

بەڕێوەبەرایەتی خۆسەر: پڕۆژەكەمان پڕۆژەیەكی نیشتمانییە

خەڵك – بەشی هەواڵ

بەڕێوەبەرایەتی خۆسەر ڕایدەگەیەنێت، لێدوانەكانی جێگری وەزیری دەرەوەی سوریا دەبنە هۆكارێك بۆ پەكخستنی هەوڵەكانی گفتوگۆی نیشتمانیی سوریا.

بەڕێوەبەرایەتیی پەیوەندییەكانی دەرەوە لە بەڕێوەبەرایەتی خۆسەر لە ڕاگەیەنراوێكدا ڕەخنەی لە لێدوانەكانی فەیسەڵ میقداد جێگری وەزیری دەرەوەی سوریا گرت و بە هۆكارێك بۆ پەكخستنی هەوڵەكانی گفتوگۆی نیشتمانیی سوریا ناوبرد و ڕایگەیاند: “پڕۆژەی بەڕێوەبەرایەتی خۆسەر، پڕۆژەیەكی نیشتمانییە و هەرگیز هەڕەشە لە یەكپارچەیی خاكی سوریا و گەلەكەی ناكات”.

ئەو ڕاگەیەندراوەكەی بەڕێوەبەرایەتی خۆسەر لە وەڵامی لێدوانێكی جێگری وەزیری دەرەوەی سوریا هات كە تێیدا ڕایگەیاندبوو:”حكومەتی سوریا بەتەواوەتی بەڕێوەبەرایەتیی خۆسەر ڕەتدەكاتەوە و دیمەشق سوورە لەسەر یەكپارچەیی خاكی سوریا”.

جێی ئاماژەیە، هەفتەی ڕابردوو، ئیلهام ئەحمەد، سەرۆكی دەستەی جێبەجێكاری ئەنجومەنی سوریای دیموكرات ڕایگەیاند، حكومەتی سوریا ڕەزامەندی لەسەر نێوەندگیری ڕوسیا بۆ دەستپێكردن بە گفتوگۆ سیاسییەكان دەربڕیوە تایبەت بە پێكهێنانی لیژنەی باڵا بۆ تاووتوێكردنی یاسای بەڕێوەبردنی خۆجێیی لە سوریا و میكانیزمی بەڕێوەبردنی تایبەت بە بەڕێوەبەرایەتیی خۆجێیی لە باكووری ڕۆژهەڵاتی سوریا.

ك.ج

بەردەوام بە لە خوێندنەوە

ئابوری

دەستەی ئاماری هەرێم لەبارەی ڕێژەی بێكاری ڕوونكردنەوە دەدات

خەڵك – ئارام سەردار

دەستەی ئاماری هەرێمی كوردستان لەڕوونكردنەوەیەكدا ڕایدەگەیەنێت، ئەو ئامارەی لەچەند وێبسایت و پەیجێك بڵاوكراونەتەوە لەبارەی ڕێژەی بێكاری لەسەر ئاستی هەرێمی كوردستان و عیراق سەرچاوەكەی وەزارەتی پلاندانانی عیراقە و تێكەڵاوی بەئامارەكەوە دیار بووە.

لە ڕوونكردنەوەكەیدا دەستەی ئاماری هەرێمی كوردستان كە وێنەیەكی بۆ (تۆڕی میدیایی خەڵك) نێردراوە تێیدا هاتووە، ئەمڕۆ لە چەندین وێبسایت و پەیج و تۆڕە كۆمەڵایەتییەكان زانیاری ئاماری بڵاو كراوەتەوە و سەرچاوەكەی وەزارەتی پلاندانانی عیراق بووە، سەبارەت بە ڕێژەی هەژاری لە سەر ئاستی هەرێمی كوردستان و پارێزگاكان و عیراق.

لەڕوونكردنەوەكەدا ئاماژەبەوەكراوە، بە گشتی تێكەڵاویەك بە ئامارەكەوە دیار بوو، بۆیە دەستەی ئامار لە خشتەیەكدا ڕێژەی هەژاری بۆ ساڵانی ٢٠١٤و ٢٠١٨ دەخەینەڕوو، لەهەمان كاتدا لە هێڵكارییەكدا كە بۆ ساڵانی ٢٠٠٧ تا ٢٠١٨یە و هەموو ئەو گوڕانكارییانە كە بەسەر ڕێژەكەدا هاتوون پیشان دەدات تا ئەم بابەتە خوێندنەوەی هەڵەی بۆ نەكرێت و ڕاستییەكان وەك خۆی دیاری بكرێت.

بەپێی خشتەی دەستەی ئامار لە ساڵی ۲۰۱۸ ڕێژەی هەژاری لە هەرێم ٥.٥٪ بووە، لە عیراق 20%، لەسەر ئاستی پارێزگاكانیش لە دهۆك زۆرترین ڕێژە هەبووە كە 8.6% بووە، لە هەولێر 6.7% بووە و سلێمانیش كەمترین ڕێژەی بێكاری تێدا تۆماركراوە 4.5% بووە، بەپێچەوانەوە ڕێژەی بێكاری لە ساڵی 2014دا لە دهۆك 12.4% بووە لە هەولێر لە 1.5% بووە، سلێمانیش 1.2% بووە، لەسەر ئاستی هەرێم ڕێژەی بێكاری لە 12.5% بووە، لە عیراقیش لە هەمان ساڵ 22.5% بووە.

لەڕوونكردنەوەكەدا پێناسەی هەژاری كراوە كەبریتییە لە هەژماركردنی هەژاری لە عیراق و هەرێمی كوردستان پشت بەستراوە بە خەرجی خێزان بۆ دابینكردنی پێداویستییە خۆراكییەكان و خواردنەوە لەگەڵ پێداویستییە ناخۆراكییەكان وەك بەشێك لە پێداویستی سەرەكی و سەرەتایی بۆ بەردەوامبوون لە ژیان بۆ هەر یەك لە ئەندامانی خێزان. هێلی هەژاری لە ساڵی 2007 (77500) دیناری عیراقی بوو و لەساڵی 2012 بە (105500) دیناری عیراقی هەژماركراوە، بەڵام بۆ ساڵی 2018 بەپێی نیشاندەرەكانی ڕێژەی هەڵاوسان و ئابوورییەكان لە هەرێمی كوردستان و عیراق هێڵی هەژاری بە 110880 دیناری عیراقی خەمڵێنرا وەك كەمترین خەرجی تاك لە مانگێگدا.

بەردەوام بە لە خوێندنەوە

کوردستان

“كۆبوونەوەكانی ئەنجومەنی سەركردایەتی یەكێتی دەستپێدەكەنەوە”

خەڵك – بەشی هەواڵ

وتەبێژی كۆنگرەی چوارەمی یەكێتی ڕایدەگەیەنێت، لەچەند ڕۆژی داهاتوودا كۆبوونەوەكانی ئەنجومەنی سەركردایەتی یەكێتیی نیشتمانیی كوردستان دەست پێدەكاتەوە.

مەلا یاسین وتەبێژی كۆنگرەی چوارەمی یەكێتیی تایبەت بەكەناڵی فەڕمی حزبەكەی ڕاگەیاند: لەچەند ڕۆژی داهاتوودا كۆبوونەوەی ئەنجومەنی سەركردایەتی یەكێتیی نیشتمانیی كوردستان دەست پێدەكاتەوە.

مەلا یاسین وتیشی: كۆبوونەوەی لیژنە لاوەكییەكان و لیژنەكانی هەمواركردنەوەی پەیڕەوی ناوخۆی یەكێتی بە باشی دەڕوات و پەیوەندی باش لەنێوان ئەو لیژنانەدا هەیە بە ئاڕاستەی دەستوبردكردن لەچاوخشانەوە بەبڕگە و ماددەكانی پەیڕەوی ناوخۆی یەكێتی.

ك.ج

بەردەوام بە لە خوێندنەوە

کوردستان