وەزارەتی تەندروستی هەرێمی کوردستان بڵاویکردووەتەوە، چەند بەرھەمێکی ساختە کە لە تۆڕە کۆمەڵایەتییەکان ریکلامیان بۆ دەکرێت و لە رێی ئۆنلاین دەفرۆشرێن، لەلایەن بنکەی kmca سۆران بە ھەماھەنگی لەگەڵ بنکەی ئاسایشی بازگەکانی سۆران/ بازگەی بێخاڵ دەستییان بەسەردا گیرا.
وەزارەتەکە ھاووڵاتییان ئاگاداردەکاتەوە، بە ھەموو شێوەیەک خۆتان لە کڕینی دەرمان بەشێوەی ئۆنلاین بە دوور بگرن، مەکەونە ژێر کاریگەری ریکلام و پروپاگەندە ھەڵبەستراو و نازانستیەکانیان، تەنھا ئەو دەرمانانە بکڕن کا یاسایین و ستیکەری وەزارەتی تەندروستییان لەسەرە.
ئێستا ژمارەیەکی زۆر لە هاووڵاتییان لە رێگەی تۆڕەکۆمەڵایەتییەکانەوە دەرمان و پێداویستی پزیشکی بە تایبەت بابەتە جوانکارییەکان و پزیشکانیش بەردەوام هۆشداری دەدەن کە هاووڵاتییان خۆیان لە کرینی ئەو جۆرە دەرمانانە بە دوور بگرن چونکە زیانی بۆ تەندروستییان هەیە.
