ئێمە لە تۆرە کۆمەڵایەتیەکان

عێراق

سەرۆكایەتی‌ كۆماری‌ عیراق سەبارەت بە دیاریكردنی‌ كاندید بۆ سەرۆكی‌ حكومەتی‌ نوێ‌ ڕاگەیەنراوێكی بڵاوكردەوە

خەڵك – بەشی هەواڵ

سەرۆك كۆماری‌ عیراق ڕایدەگەیەنێت، پێویستە كاندید بۆ سەرۆكایەتیكردنی ئەنجومەنی وەزیران پشتیوانی گەل بەدەست بهێنێت و لەگەڵ پێودانگی داواكارییەكانی گەلی عیراق و داواكارییە ڕەواكانیان بێتەوە.

سەرۆكایەتی‌ كۆماری‌ عیراق لە ڕاگەیەنراوێكدا ڕایگەیاند، د. بەرهەم ساڵح سەرۆك كۆمار بەردەوامە لە ڕاوێژ و گفتوگۆ چڕوپڕەكانی لەگەڵ سەركردەی پێكهاتە سیاسییەكان و چالاكییە میللی و كۆمەڵاتییەكان و بژاردە ئەكادیمی و سەندیكا و یەكێتییە پیشەییەكان و توێژە جیاوازەكانی تری كۆمەڵ بە مەبەستی راسپاردنی كاندیدێك بۆ سەرۆكایەتیكردنی ئەنجومەنی وەزیران كە پشتیوانی گەل بەدەست بهێنێت.

لە ڕاگەیەندراوەكەی سەرۆكایەتی‌ كۆماری‌ عیراقدا هاتووە “د.بەرهەم ساڵح سەرۆك كۆمار لە میانی ڕاوێژ و گفتوگۆ بەردەوامەكانیدا دووپاتی كردووەتەوە لەسەر پێویستی پشتبەستن بە بڕگەكانی دەستوور و دواین وادە دەستوورییەكان بۆ ئەوەی زامنی ئەوە بكرێت كە سەرۆكایەتی حكومەتی نوێ ئەركی قۆناغی ڕاگوزەر بگرێتە ئەستۆ تا ئەوكاتەی هەڵبژاردن بەگوێرەی یاسایەكی هەڵبژاردنی دادپەروەر و سازكردنی لەلایەن كۆمسیۆنی هەڵبژاردنی سەربەخۆوە بە ئاكام بگەیەنرێت”.

لە ڕاگەیەندراوەكەدا ئاماژە‌ بەوەشدراوە “بڕگەكانی دەستوور بەگوێرەی ماددەی 76ی دەستوور، پێكهاتە سیاسییە پەیوەندیدارەكان لە پەرلەمان پەیوەست دەكات بۆ ئەوەی پاڵێوراوی خۆیان پێشكەش بكەن و سەرۆك كۆماریش ڕایبسپێرێت”.

سەرۆكایەتی كۆمار ئەوەشی خستووتەڕوو “سەرۆك كۆمار لە میانی دیدار و گفتوگۆكانی دووپاتی كردووەتەوە لەسەر پێویستی بەردەوامیدانی گفتوگۆ و ڕاوێژەكانی نێوان پێكهاتە سیاسییەكان لە پێناو گەیشتن بە ڕێككەوتنێك تا كەسێكی باوەڕپێكراوی گونجاو بۆ سەرۆكایەتی ئەنجومەنی وەزیران دیاری بكرێت”.

باس لەوەشكراوە كە سەرۆك كۆمار جەختی‌ لەوە كردووەتەوە “پێویستە ئەو كاندیدە لەگەڵ پێودانگی داواكارییەكانی گەلی عیراق و داواكارییە رەواكانیان بێتەوە، هەروەها حكومەتی نوێ‌ پشتیوانی سیاسی و جەماوەری پێویست بە دەست بهێنێت بۆ ئەوەی چاكسازییە پێویستەكان بخاتە بەرنامەی پێشینەی خۆی وەك دەست پێشخەرییەك بۆ سازكردنی هەڵبژاردنێكی پاك و بێگەرد”.

سەرۆك كۆمار روونیشیكردووەتەوە”ئاستی ئاڵەنگارییەكان مەترسیدارن كە وڵات ڕووبەڕووی دەبێتەوە، پێویستە بەرژەوەندی لایەنێك و حزب لە بەرچاو نەگیرێت و پشت ببەسترێت بە ڕەزامەندی گەل و پابەندبوون و بەدیهێنانی چاكسازییەكان و پێشكەشكردنی پێشینە نیشتمانییەكان بەسەر بەرژەوەندییە حزبییەكاندا”.

عێراق

16 ناو بۆ بەردەم پەڕلەمان ئامادەكراون
چەند وەزارەتێكی حكومەتەكەی عەللاوی بە وەكالەت بەڕێوەدەبرێن

خەڵك- بەشی هەواڵ
سەرچاوەیەكی سیاسی ئاگادار ڕایدەگەیەنێت، 16 ناوی كابینەكەی عەللاوی ئامادەن، تا لەلایەن پەڕلەمانەوە دەنگیان لەسەر بدرێت، ئاماژە بە مانەوەی چەند وەزارتێكیش دەكات كە “بە وەكالەت بەڕێوەدەبرێن”.

ئەمڕۆ دوو شەممە، سەرچاوەیەكی ئاگادار بە ڕۆژنامەیەكی عەرەبی ڕاگەیاندووە، “16 ناو ئامادەكراون تا لەلایەن پەڕلەمانەوە دەنگیان لەسەر بدرێت، كە زۆربەیان ئەو ڕوخسارانەن، كە پێشتر پۆستی سەركردایەتییان نەبووە، هەندێكیشیان باڵیۆزی پێشوو و پەڕلەمانتار و مامۆستای زانكۆن”.

سەرچاوەكە دەڵێت: “یەكلایی كردنەوەی ئەو ناوانەی بۆ وەزارەتەكانی تر ڕادەسپێردرێن، بەهۆی ناكۆكییەكان لەگەڵ هێزە كوردی و سوننەكان دوادەخرێن. ڕەنگە ئەوانی تر لە دواییدا دەستنیشان بكرێن، پاش ئەوەی لەگەڵ فراكسیۆنەكاندا ڕێككەوتنیان لەسەر دەكرێت، بۆیە ئەو وەزارەتانە لەو ماوەیەدا بە وەكالەت بەڕێوەدەبرێن”.

سەرچاوەكە پێشبینی كردووە، هەردوو وەزارەتی دارایی و پلاندانانیش لەنێوان ئەو وەزارەتانەدابن، كە لە حكومەتەكەی عەللاویدا بە وەكالەت بەڕێوەببرێن.

بەردەوام بە لە خوێندنەوە

عێراق

ئەو لایەنەی عەللاوی بۆ سەرۆك وەزیران كاندیدكردووە ئاشكرادەكرێت

خەڵك- بەشی هەواڵ
سیاسەتمەدارێكی عیراقی ڕایدەگەیەنێت، محەمەد تۆفیق عەللاوی، سەرۆك وەزیرانی ڕاسپێردراو، “كاندیدی لایەنێكی ئاینی گەورەیە” لە عیراق و بە پشتیوانی ئەو لایەنە كاردەكات و لەسەر داوای ئەویش پێكهاتەكان و فراكسیۆنە سیاسییەكان بەشداری پێناكات.

بەها ئەعرەجی، سیاسەتمەداری عیراقی و جێگری پێشووی سەرۆك وەزیران لە حكومەتەكەی عەبادی، لە لێدوانێكی ڕۆژنامەوانیدا ڕایگەیاندووە، “محەمەد تۆفیق عەللاوی هەڵبژاردەی فراكسیۆنە سیاسییەكان نییە، ئەو كەسێتییەكی بەڕێزە، هەرگیز سیاسی وەها بێخەوش و نیشتمانپەروەرم نەدیوە”.

بە وتەی ئەعرەجی”، عەللاوی لەلایەن لایەنێكی سیاسی گەورەی عیراقەوە كاندیدكراوە و پشتیوانی لێدەكرێت و هەر ئەو لایەنەش داوای لێكردووە، بەشداری بە پێكهاتەكان و فراكسیۆنە سیاسییەكان نەكات لە حكومەتەكەیدا”.

سەبارەت بەوەی، كە هەر هەمان لایەنی ئاینی ڕەزامەندی لەسەر عادل عەبدولمەهدی، سەرۆك وەزیرانی پێشوو دەربڕیبوو، لە وڵامدا ئەعرەجی بە وشەی “كوڕ” وەڵامی دابۆوە.

ژمارەیەك لە تۆڕە كۆمەڵایەتییەكان، وەها لێكدانەوەیان بۆ “كوڕ” كردووە، كە مەبەست لێی محەمەد ڕەزا، كوڕی عەلی سیستانی، مەرجی باڵای شیعەكانی عیراقە.

دكتۆر زەید عەبدولوەهاب، ڕۆژنامەنوس و ئەكادیمستی عیراقی لەو بارەیەوە ڕایگەیاندبوو، “پێشبینی دەكرێت قسەكانی ئەعرەجی بۆ ئەوە بێت كابینەكەی عەللاوی لە پەڕلەمان تێبپەڕێنرێت و متمانە وەربگرێت”.

بەردەوام بە لە خوێندنەوە

عێراق

لەعیراق، نزیكەی یەك ملیۆن هاووڵاتی بێسەروشوێن هەن

خەڵك-ئارام سەردار
ليژنەی نێودەوڵەتی بۆ كەسانی بێسەروشوێن لە عیراق، ئاماری بێسەروشوێنانی ئاشكرا كرد و بەپێی ئاماری لێژنەكە، لەعیراق نزیكەی یەك ملیۆن بێسەروشوێن هەن و بەسەدان گۆڕیش هەڵنەدراونەتەوە.

ڕاسا ئۆسترا، سەرۆكی ليژنەی نێودەوڵەتی بۆ كەسانی بێسەروشوێن لەعیراق بەڕۆژنامەوانانی ڕاگەیاند، لەساڵی 1950ەوە تا ئێستا لەعیراق زیاتر لە یەك ملیۆن هاووڵاتی بێسەروشوێن بوون.

دەشڵێت: “تائێستاش نزیكەی 200 شوێن هەن وەك گۆڕ هەڵنەدراونتەوە، كە هی سەردەمی ڕژێمی بەعسن، هەروەها 100 گۆڕیش هەڵنەدراونەتەوە هی سەردەمی داعش بوون”.

سەرۆكی ليژنەی نێودەوڵەتی بۆ كەسانی بێسەروشوێن لەعیراق ئاماژەی بۆ ئەوەشكرد، لەسەرئاستی جیهان، لەعیراق زۆرترین بێسەروشوێن هەن، بەڵام ئەوان لەگەڵ حكومەتی هەرێم و عیراق لەسەر خەتن بۆ دیاری كردنی چارەنووسی بێسەروشوێنەكان، كاردەكەین بۆ هەڵدانەوەی گۆڕەكان و دیاری كردنی ناسنامەی قوربانیان بەتایبەت گۆڕە بەكۆمەڵەكانی ئەنفال و شنگال.

بەردەوام بە لە خوێندنەوە

کوردستان