ئێمە لە تۆرە کۆمەڵایەتیەکان

کوردستان

قوباد تاڵەبانی لەگەڵ ئەنجوومەنی دادوەری و داواكاری گشتی بۆ پرسی ڕۆژنامەنووسان كۆبووەوە

خەڵك-ئارام سەردار
ئەمڕۆ یەك شەممە ١٥ی كانوونی یەكەمی ٢٠١٩ بەسەرپەرشتی قوباد تاڵەبانی، جێگری سەرۆكی حكومەتی هەرێم و ئەنجوومەنی باڵای دادوەری و داواكاری گشتی و وەزیری ڕۆشنبیری كۆبوونەوەیەك لەگەڵ سەندیكا ڕۆژنامەنووسان و سەنتەری میترۆ بۆ داكۆكی لەماف و ئازادی ڕۆژنامەنووسی ئەنجام دەدەن و كۆبوونەوەكەش تایبەت بوو بە پرسی ئەو پێشێلكاریانەی بەرامبەر بەڕۆژنامەنووسان كراوە بەتایبەت پرسی دەستگیركردنی ڕۆژنامەنووسان.

سەمیر هەوارمی، وتەبێژی جێگری سەرۆكی حكومەت لەكۆنفڕانسێكی ڕۆژنامەوانیدا ڕایگەیاند، بۆ گفتووگۆكردن لەسەر ئەو پێشێلكاریانەی بەرامبەر ڕۆژنامەنووسان دەكرێت، هەروەها ئەو هۆكارانەی دەبنە هۆی ڕاگرتنی ڕۆژنامەنووسان لەكۆبوونەوەكەدا خرایەڕوو، لەكۆبوونەوەكەش جەخت لەسەر جێبەجێ كردنی یاسای ژمارە ٣٥ی كاری ڕۆژنامەنووسی ساڵی ٢٠٠٧ كرایەوە، بۆ ئەوەی لەدادگاكان ڕوونتر و ئاسانتر مامەڵە لەگەڵ كەیسەكانی تایبەت بەڕۆژنامەنووسان بكرێت.

لای خۆشیەوە حاكم ئازاد حەمەئەمین، نەقیبی ڕۆژنامەنووسانی كوردستان لەكۆنفڕانسێكی ڕۆژنامەوانیدا ڕایگەیاند، چەقی قسەكان لەكۆبوونەكەدا بریتی بووە لەسەر یاسای ژمارە ٣٥ كە لەساڵی ٢٠٠٧ەوە دەرچووە، كەچی تائێستا ڕۆژنامەنووس دەستگیر دەكرێت، ئێمەش لێرەدا باكگڕاوندی بابەتەكانمان باسكرد.

دەشڵێت: “پێشتر وەك سەندیكا و ئەنجوومەنی دادوەری جۆرێك لەلێكتێگەیشتنمان هەبووە لەگەڵیان و یاسای ژمارە ٣٥مان بەسەریاندا دابەشكردووە، ئەوانیش گشتاندنیان كردووە بۆ سەرجەم دادگاكان بۆ كاركردن بەیاساكە، ئەمڕۆش جارێكی تر بڕیاردرا كەوا گشتاندنەكە نوێ بكرێتەوە و ڕوونكردنەوەی زیاتریشی لەسەر بدرێت بۆ دادگاكان بەتایبەت لەسەر پرسی ڕاگرتنی (توقیف)ی ڕۆژنامەنووسان، ڕەنگە هەندێ جار ڕاگرتن لەبەرژەوەندی ڕۆژنامەنووسان بێت بۆ ئەوەی ڕووبەڕووی حاڵەتی تۆڵەسەندنەوە نەبێت، لەهەمان كاتدا جەخت لەدروستكردنی جۆرێك لەهەماهەنگی و ئاشتەوایی كۆمەڵایەتی كرا لەنێوان ڕۆژنامەنووسان و دادگاكان و ئەنجوومەنی دادوەری”.

حاكم ئازاد وتیشی، “هەر لەكۆبوونەوەكەدا تیشكخرایە سەر كاری ڕۆژنامەنووسی پیشەیی، ڕاستە دەقی یاسایی زۆر دەرچوون بۆ ڕێكخستنی كاری میدیایی لەهەرێم، بەڵام گرفتی زۆر هەن لەسەر ساغكردنەوەی ڕۆژنامەنووسی پیشەیی، چونكە ڕۆژنامەنووسی پیشەیی واتە كاری سەرەكی و داهاتی سەرەكیان پیشەیی ڕۆژنامەنووسیە”.

هاوكات ڕەحمان غەریب، سەرۆكی سەنتەڕی میترۆ ئاماژەی بۆ ئەوەكرد، لەهەموو كۆبوونەوە نێودەوڵەتیەكان ئێمە باس لەسێ خاڵی شانازی لەپڕۆسەی دیمووكراسی هەرێمی كوردستان دەكەین، ئەویش یاسای دەستكەوتنی مافی زانیاری و ڕۆژنامەگەری و خۆپیشاندان، بەڵام كاتێك دێن ڕاپۆرتەكانمان دەخوێننەوە دێن پرسیارمان لێ دەكەن، كەوا ئێمە كەیاسامان هەیە بۆ جێبەجێ ناكرێت، ڕاستە ڕۆژنامەنووس لەهەموو دونیا هەڵە دەكات و ڕەنگە تەحەدا بكات یان خەڵك بریندار بكات، بەڵام یاسایەك هەیە ژیانی ڕێكخستووە، ئەویش یاسای كاری ڕۆژنامەنووسیە و داواكرا پەنا بۆ جێبەجێ كردنی ئەو یاسایە ببرێت لەدادگا لەبڕی هەر یاسایەكی تر بەرامبەر بەڕۆژنامەنووسان.

ئابوری

ڕوونکردنەوە لەسەر کاتی دابەشکردنی ١٠٠ هەزار دینارەکەی حکومەتی هەرێم دەدرێت

خەڵک – بەشی هەواڵ

وەزیری کار و کاروباری کۆمەڵایەتی حکومەتى هەرێم ڕایدەگەیەنێت، هەرکاتێک وردبینی لەو فۆڕمانە کرا، کە هاوڵاتییان پڕیانکردۆتەوە، وەزارەت پارەکە خەرجدەکات.

 

کوێستان محەمەد وەزیری کار و کاروباری کۆمەڵایەتی حکومەتى هەرێم لەکۆنفڕانسێکی ڕۆژنامەوانیدا، ڕوونکردنەوەی لەسەر کاتى دابەشکردنی بڕی ١٠٠ هەزار دیناری هاوکاری بەسەر خێزانە هەژارەکاندا دا.

 

ناوبراو ئاماژەى بەئەوەدا، فۆڕمە پڕکراوەکان لەلای بەڕێوەبەرایەتییەکانی چاودێری و گەشەپێدانی کۆمەڵایەتییە، ئەوان وردبینی دەکەن، هەرکاتێک ئەوان لە وردبینی تەواوبوون بۆ وەزارەتی دەنێرن.

 

ئاماژەى بەئەوەشدا، پاشئەوەی بەدەستیان گەیشت، ئەو پارەیە خەرجدەکەن، کە ١٠٠ هەزار دینارە.

 

بەردەوام بە لە خوێندنەوە

ئابوری

داوای کەمکردنەوەی نرخی بینینی پزیشک و دەرمان و پشکنینە پزیشکییەکان دەکرێت

خەڵک – بەشی هەواڵ

 

لەگەڵ ئەوەی داهاتی تاک لەهەرێمی کوردستان کەمیکردووە و ڕێژەى بێکاری و هەژاری بەرزبۆتەوە، بەڵام هێشتا نرخی بینینی پزیشک و دەرمان و  پشکنینەکان هەر بەرزە، بۆیە ئەنجومەنی فشار لەهەوڵدایە کە ئەم نرخانە دابەزێنن و هاوتای داهاتی تاکی بکەن.

 

دڵشاد بابانی ئەندامی ئەنجومەنى فشار لەسلێمانی بە(خەڵک)ی ڕاگەیاند، پێشتر لەگەڵ سەندیکای پزیشکان و ئەنجومەنی پارێزگای سلێمانی کۆبوونەتەوە و ئەم هەفتەیەش لەگەڵ پارێزگاری سلێمانی و سەندیکای دەرمانسازان و سەندیکای بایۆلۆجی کۆدەبنەوە و دواتر سەردانی وەزیری تەندروستی دەکەن.

 

ئاماژەى بەئەوەشدا، ئەنجومەنى پارێزگای سلێمانی هاوکارە و سەندیکای پزیشکانیش بەهەمانشێوە هاوکارن، بەڵام چەند گرفتێکیان هەیە و داوادەکەن، ئەوەیان بۆ چارەسەربکەن.

 

زیاتر ڕوونیکردەوە، پزیشکەکان گرفتی دەرمانخانە و تاقیگەکان و باج و هەندێک شتی دیکەیان هەیە، ئەوان داوای چارەسەرکردنی ئەو گرفتانە دەکەن، بۆئەوەی بتوانن نرخ بهێننە خوارەوە.

 

باسی لەئەوەشکرد، دوای ئەوەی بۆچوونی هەموو سەندیکاکان و ڕا جیاوازەکانیان کۆکردەوە، سەردانی وەزیری تەندروستی دەکەن و لەسەر ئەو پرسە گفتوگۆی لەگەڵ دەکەن.

 

بەهۆی بڵاوبوونەوەی ڤایرۆسی کۆرۆنا و دابەشنەکردنی موچە لەلایەن حکومەتى هەرێمەوە، ئاستی داهاتی تاک بەشێوەیەکی بەرچاو دابەزیوە، کە ئەرکی حکومەتە هەموو سێکتەرەکانی هەرێم ڕێکبخاتەوە، بەڵام لەساڵی ٢٠٢٠دا تەنها دوو موچەى بەتەواوی دابەشنەکردووە و هیچکام لەسێکتەرەکانی ژیانی لەگەڵ ئەو بێ موچەیی و بێکارییەدا ڕێکنەخستۆتەوە، لەو چوارچێوەیەدا نرخی بینینی پزیشک هاوشێوەی ساڵی ئاڵتونی هەرێمە کە ٢٠ هەزار یان ٢٥ هەزار دینارە، کە تەنها چەند خولەکێکی کەم نەخۆش دەبینرێت، ئەمەش بۆتە بارگرانی بەسەر هاوڵاتییانەوە.

 

 

بەردەوام بە لە خوێندنەوە

کوردستان

حكومەتی هەرێم دەست بە دابەشكردنی مووچەی مانگی 3 دەكات

خەڵك-بەشی هەواڵ

سەرۆكی فراكسیۆنی یەكگرتووی ئیسلامی كوردستان لە پەڕلەمانی كوردستان ڕایدەگەیەنێت، پێشبینی دەكرێت بەمزوانە هەرێم و بەغدا ڕێككەوتنێك واژۆ بكەن و لەم ڕۆژانەشدا مووچەی مانگی سێ دابەش بكرێت.

د.شێركۆ جەودەت سەرۆكی فراكسیۆنی یەكگرتووی ئیسلامی كوردستان لەپەڕلەمانی كوردستان بە میدیای حزبەكەی ڕاگەیاند، لە ئێستادا پێشبینیەك هەیە كە هەواڵێكی دڵخۆشكەرە و لەم ڕۆژانەدا ڕێككەوتنێك لەسەر چارەسەركردنی كێشەی مووچەخۆرانی هەرێم لە نێوان حكومەتی هەرێم و حكومەتی بەغدا واژۆ دەكرێت.

وتیشی”بەپێی زانیارییەكان حكومەتی بەغدا بڕێك پارە بۆ مووچە دەنێرێت و حكومەتی هەرێمیش لە داهاتی ناوخۆ پارە ئامادە دەكات و بەو شێوەیە مووچەی مانگی سێی پێ دابەش دەكات”.
ئاشكراشیكرد، تا ئێستا ڕوون نیە كە مووچەی تەواوەتی دابەش دەكرێت یاخود بە لێبڕینەوە دەبێت و پێشبینی ئەوەش دەكرێت مانگانە مووچە لەكاتی خۆیدا دابەش بكرێت.

بەردەوام بە لە خوێندنەوە

کوردستان