ئێمە لە تۆرە کۆمەڵایەتیەکان

وتار

گاڵتەکردن بە وەرزشی سلێمانی وەک نەخۆشیەکی دەروونی


هەرێز جەمال

ئەو قەوانە سواوەی کە چەندین ساڵە لە نێو کایە بەتالەکەی وەرزشی کوردستان و عێراق و دواتر بە تایبەت شاری سلێمانی و دەوروبەری پارێزگاکانی تری کوردستان هەیە توانج دانە لە وەرزشی سلێمانی کە جارێک پیێ دەگوترێت بێ ساحێب چارێک پێی دەوترێت شاری بێ ئەنجام لە یارییەکان بە تایبەت فتبۆڵ یان شاری بێ بەرهەم..

جارێ من دەپرسم کێ لە شارەکانی ترەوە دەیان ساڵە ئینتاجی هەبووەو وەرزشکاری ناردبێتە هەلبژاردەی عێراق،کام یاریزانی تۆپی پێی شارەکانی تر ئێستە لە هەلبژاردەکانی فتبۆلی عێراقن و یاریزانن؟

توانجەکە هەر لە دەرەوەی سلێمانی نییە بەڵکو لە ناو شاری سلێمانیە، جار نا جارێ کۆمەلێک قیت دەبنەوە سلێمانی کوا بە زمانی خۆیان (ریازە(ی تیایە سلێمانی کوا چی تیا ماوە.

بەڕاستی زۆر بە ڕەوانی دەمەوێت بلێم لەم بابەتە شارچێتیەک زەق دەکەمەوە بۆ ئەوانەی کە تەنیا تۆپ دەبین و وەرزش لە تۆپی پێ دەبینینەوە،؟ من نازانم ئەو جەریدەچی و ناقدو فەردەسوفانە وەرزش بە چی تێگەیشتوون.

ئەگەر چەند سالێک لەمەوبەر قەیرانی دارایی هەبوبێت و چالاکیەکان وەستابن ئەوە بە تەحەداوە دەلێم لە دوای ئەو کاتە نەک کوردستان بەلکو عێراقیش بەقەد سلێمانی چالاکی وەرزشی نەبووە، ئاخر تۆیەک کە تەنیا رێگەی یاریگای مەلعەبەکە دەزانیت و ناوی چوار یانەو شەش یاریزانی یارییەکانی تر نازانی ئیتر چۆن ئەو مافە بە خۆت دەدەی خۆت دەکەی بە پرۆفیسۆر و چاودێری بابەتەکان.

من نازانم بۆ کەس ئەنجامی یارییە تاکیەکان هەزم ناکات، دەیان یاریزانی درەوشاوەی گۆرەپان ومەیدان و پایسکیلسواری و یارییە هونەرە بەرگرییەکان تۆپى سه‌رمێزو و باسكه‌و باله‌مان هه‌یه‌ له‌ ته‌واوى یانه‌كانى شارى سلێمانى نوێنەرایەتی هەلبژاردەی عێراق دەکەن ئیتر بۆ ئەم شارە ریازەی تیا نەماوە؟ بە تەحەداوە یەک شاری کوردی نییە هێندەی سلێمانی لەسەر ئاستی تاک پالەوانی هەبووبێت کە ئەمە بە سەدەکانی رابردوو وابووە و دلنیام بۆ سالانی داهاتوش هەر درێژە دەکێشێت..

با کوێرانە شتەکان نەبینین، کەم پالەوانێتی یانەکانی عێراق هەیە نەهاتبێتە سلێمانی هەر لە بالە باسکە بۆکسین یارییە ئاوییەکان پالەوانێتی تۆپی دەست کە ئێستا رکابەرییەکانی زۆر بە بەهێزی لە دوو هۆلی شارەکە بەڕێوەدەچێت، کەم یاری تۆپی پێ هەیە هەندێک لە یاریگاکانی و یانەکانی جمەیان لە هاندەر نەیە قسەم لەسەر هەندێ یانەی نییە کە مارکێتینگیان بۆ ڕاکێشانی هاندەر زۆر کەمە.

خۆ سلێمانی هیچ نەبێت ئەو ژێر خانە باشەی هەیە یاریگاکانی وەک پایتەختەکەی بلێ و بارزان نابێتە قوڕو چلپاو، خۆ وە نەبێت لێرەش شامی شەریف بێت لە نەبوونی کۆمەڵگایەکی وەرزشی مۆدێرن و تراکێکی باشی گۆرەپان و مەیدان و چەند هۆلێکی پێوێست کە بۆ هەموان بێت و کەس قەرزارباری یانەکان و ئەم و ئەو نەبێت.

راستە شارە حەیاتەکە سواوە بە کۆمەلێک کەسی ناوەرزشی کۆمەلێک دەموچاوی بێزراو کە دواجار ئەمە کاری کارگێڕییەوە دەبێت مەرجەعێکی دلسۆز تەسفیە حسابی ئەمانە بکات بەلام دواجار تانەو تەشەر دان لە وەرزشی سلێمانی و چالاکیی بەردەوامی لە نەخۆشییەکی دەروونی زیاتر هیچی تر نییەو گومانم هەیە ئەوانەی دلسۆزی سلێمانین و وەرزش دۆستی هەقیقین دان بەو ڕاستیە دەسلمێنن کە کەم رۆژ هەیە زرمەی تۆپ و تەقە تەقی سپایکسەکان لە یاریگە نەبیت

ریکلام

وتار

كۆرۆناى وه‌رزش كوێى به‌رشه‌لۆنه‌ى كون كرد


لێكدانه‌وه‌یه‌كى مه‌یدانى بنکۆڵکاری -هه‌رێز جه‌مال
له‌ ماوه‌ى رابردوو ره‌نگه‌ زۆر وترابێت و زۆر قسه‌ له‌سه‌ر ڤایرۆسى كۆرۆنا كرابێت و كورد وته‌نى له‌ بواره‌ وه‌رزشیه‌ زۆر چه‌له‌حانێ كرابێت، له‌ لایه‌نه‌ جیاوازییه‌كانى و كاریگه‌رییه‌كانى ئه‌م ڤایرۆسه‌ بۆ سه‌ر وه‌رزش به‌ تایبه‌ت نه‌نگى نییه‌ كه‌ بگوترێت ئه‌مه‌ یه‌كه‌م وه‌ستاندنه‌ له‌ مێژووى چالاكیه‌ وه‌رزشیه‌كان بۆ ئه‌م نه‌وه‌ نوێیه‌ .
له‌ ماوه‌ى رابردوو ده‌یان و سه‌دان كارى ته‌رفیهیمان بینى له‌سه‌ر وه‌رزش و جومگه‌كانى بۆ له‌ بیربردنه‌وه‌ى ئه‌و ره‌وشه‌ى هه‌یه‌ و ئه‌و جیله‌ى كه‌ ئالوده‌ى وه‌رزشن چۆن كاته‌كانیان له‌گه‌ڵ كۆرۆنا له‌ یاد بكه‌ن .
به‌ڵام ئه‌وه‌ى نه‌مانبینى و نه‌وتراو نه‌بیسترا، كاریگه‌رى ئه‌و ڤایرۆسه‌ بێت له‌سه‌ر ده‌سهاتى ماددى جدى یانه‌كان، به‌یانى ئه‌مرۆ پێنجشه‌ممه‌ كه‌ هه‌ستام له‌سه‌ر قادرمه‌كه‌ى حه‌وشه‌ى ماڵه‌وه‌مان دانیشتم له‌ یه‌كێك له‌و هه‌واڵانه‌ى كه‌ خوێندمه‌وه‌ ئه‌و هه‌واڵه‌ بوو كه‌ به‌رشه‌لۆنه‌ خه‌ریكه‌ وه‌ك حكومه‌تى هه‌رێمى كوردستان ئاڵاى سپى هه‌ڵده‌كات و موفلیس بوونى خۆیان رابگه‌ین، جیاوازییه‌كه‌ لێره‌وه‌ ئه‌وه‌یه‌ كه‌ به‌رێز رێبه‌ر ئه‌حمه‌د وه‌زیرى ناوخۆ له‌ رۆژى چوارشه‌ممه‌ وتى خه‌ریكه‌ داهاتى ناوخۆمان سفر ده‌بێت، به‌ چه‌ند كاتژمێرێك له‌و لێدوانه‌ ئه‌وه‌تا به‌رپرسانى یانه‌ى به‌رشه‌لۆنه‌ رایانگه‌یاندووه‌ خۆیان بۆ قه‌یرانێكى زۆر دارایى قوڵ ئاماده‌ ده‌كه‌ن و ته‌واوى پلانه‌كانى رابردوویان هه‌ڵیان وه‌شاندۆته‌وه‌.
ته‌نیاو ته‌نیا ئه‌وه‌ى گورزه‌ كوشنده‌كه‌ى له‌ به‌رشه‌لۆنه‌ داوه‌ داخستنى نزیكه‌ى 15-20 ده‌رگاى یانه‌كه‌ ده‌بێت ئه‌ویش ده‌رگاى باره‌گاى یاریگاى كامپ نو ، مۆزه‌خانه‌ى یانه‌كه‌، ژووره‌كانى VIP یانه‌كه‌ و كۆگا ناوازه‌كه‌ى لاس رامبلاس.
له‌ نزیكه‌وه‌ له‌ مانگى شوباتى رابردوو سه‌ردانى یاریگه‌ى كامپ نووم كرد پێشتر باسم كرد كه‌ ئه‌و ده‌رگایانه‌ى كه‌ هه‌رگیز داناخرێن له‌ جیهان ، به‌شێكى زۆریان له‌ كامپ نوه‌ ، ئه‌وه‌تا به‌ پێى ئه‌و هه‌واڵه‌ى ئه‌مرۆى رۆژنامه‌كانى ئیسپانیا كردوویانه‌ به‌ مانشێت و جارێكى تر منى برده‌وه‌ شاره‌كه‌ زیانى رۆژانه‌ى یانه‌كه‌یه‌ به‌ بڕى یه‌ك ملیۆن یۆرۆ ، ئه‌و سه‌ردانكه‌رانه‌ى له‌ جیهان ده‌چنه‌ نێو ئیسپانیا به‌ ده‌گمه‌ن نه‌چنه‌ به‌رشه‌لۆنه‌و سه‌ردانى كامپ نو نه‌كه‌ن ، له‌ به‌رشه‌لۆنه‌ له‌ چه‌ندین ژوورى پلیت فرۆشتنه‌وه‌ كه‌مترین نرخی پلیتێك 29 یۆرۆ ده‌سپێتده‌كات و به‌رزترین پلیتى به‌ 149 كۆتایى دێت ، ئاخر له‌ به‌رشه‌لۆنه‌ ئه‌وان هه‌رزانترین درێس به‌ 100 یۆرۆ كه‌متر شانى تاقیكردنه‌وه‌ى پێدا ناكه‌ى ، ته‌نانه‌ت تۆزێك چیمه‌نى یاریگاكه‌یان بۆ یادگارى به‌ 20-50 یۆرۆ كه‌متر وه‌سڵى كڕینى ناكڕیت .
ژانه‌ یه‌ك ملیۆنه‌یه‌كه‌ ئێستا ئه‌و یاده‌وه‌رییانه‌ى له‌ یانه‌كه‌ به‌جێهشێتووه‌ كه‌ سه‌دان كارمه‌ندى ئه‌و یانه‌یه‌ كه‌ ته‌نانه‌ت به‌شێك له‌ حكومه‌تى هه‌رێمى كه‌ته‌لۆنیاش به‌خێو ده‌كات ئاخۆ به‌ره‌و چى ئاقارێك ببێت ؟ دۆخه‌ ترسناكه‌كه‌ له‌وێوه‌ ده‌ستپێده‌كات كێ مووچه‌ى هه‌فتانه‌ى ئه‌و یاریزانانه‌ خڕ ده‌كاته‌وه‌و دابه‌شى ده‌كات كه‌ ئه‌وان بزنسه‌كه‌یان به‌شى زۆرى له‌سه‌ر فرۆشه‌كانیان بووه‌ ؟
ته‌نیا ئاهێك كه‌ به‌ به‌رشه‌لۆنه‌ دێته‌وه‌ دواخستنى یۆرۆى 2020 بوو بۆ 2021 كه‌ داخۆ یانه‌ كه‌ته‌لۆنیه‌كه‌ چۆن له‌ ماوه‌ى ئه‌م ساڵه‌ ئه‌و شمه‌كانه‌ى له‌ یانه‌كه‌ تۆزیان له‌سه‌ر ده‌نیشێت ساخیان بكاته‌وه‌و رۆحه‌ زیندووه‌كه‌ بگه‌شێنێته‌وه‌؟ ئاخۆ به‌رشه‌لۆنه‌و ڤایرۆسه‌كه‌ وا له‌ به‌رپرسانى ده‌كات په‌ینا ببه‌ن به‌ فرۆشتنى ئه‌ستێره‌كان ؟ له‌ ماوه‌ى رابردوو كه‌ رۆژانه‌ سه‌دان هه‌واڵى ڤایرۆسى كۆرۆناو وه‌رزش ده‌خوێنمه‌وه‌ هیچ هه‌والێك هێنده‌ى ئه‌مه‌ى به‌رشه‌لۆنه‌و كاریگه‌رییه‌كه‌ى راینه‌ته‌كاندم كه‌ ئه‌و ڤایرۆسه‌ كوێى یانه‌یه‌كى گه‌وره‌ى كۆڵه‌وار كرد .
بەردەوام بە لە خوێندنەوە

وتار

وه‌رزشه‌وانه‌كان ته‌نیاترین كه‌سن له‌ سه‌رده‌می كۆرۆنا-دا


لوقمان غەفوور

كاتێك كۆرۆنا ڤایرۆس وامان لێده‌كات هه‌موو له‌ماڵه‌كانمان بسره‌وین و دانیشین، ئیتر هێدی هێدی شوێنه‌ گشتییه‌كان چۆڵ ده‌بن، به‌ڵام هیچ كام له‌و چۆڵبوونه‌ به‌ ئازارتر و ناخۆشتر و هۆشپڕوكێنه‌رتر نییه‌ كه‌ یاریزانان چوارده‌وریان به‌چۆڵی ده‌بینن.

ره‌نگه‌ خاوه‌نی رێستورانتێك كاتێك رێستورانته‌كه‌ی به‌چۆڵی ده‌بینێت ته‌نیا خه‌می لای دارایی و بزنسه‌كه‌یه‌تی، كاتێك چوارده‌وری مه‌ككه‌ له‌ سعودیه‌ی عه‌ره‌بی به‌چۆڵی ده‌بینرێت نیشانه‌ی لاوازبوونی ئیمان نییه‌ له‌ جیهانی ئیسلامیدا. كاتێك شه‌قامه‌كان چۆڵده‌بن نیشانه‌ نییه‌ بۆ ئه‌وه‌ی عاشقان توانایان نه‌ماوه‌ پێكه‌وه‌ كه‌مێك خه‌می دنیا به‌با بكه‌ن. مامۆستایه‌ك ئه‌توانێت تێكڕای ماوه‌ی ئه‌م كۆرسه‌ی خوێندنی زانكۆ كه‌ پێنج هه‌فته‌ی ماوه‌ به‌ چه‌ند وانه‌یه‌كی ئۆنلاین كۆتایی بێنێت.

به‌ڵام هه‌رگیز، وه‌رزشه‌وانێك به‌مێشكیدا نایه‌ت یاریگا به‌ چۆڵی ببینێت. كاتێك گۆڕپانی و یاریگاكان چۆڵ ده‌بن به‌های وه‌رزش و خۆشیی هیچی تیانامێنێت، له‌دوو لایه‌نه‌وه‌ زیان و ئازار به‌جه‌سته‌ی ماسولكه‌ی به‌هێزی وه‌رزشه‌وانان ده‌گات. له‌لایه‌ك هه‌ست ئه‌كات كه‌سێك نییه‌ هاواری بۆ بكات و بۆی بقیژێنێت و هانی بدات. له‌لایه‌كی تر هه‌ستده‌كات ئیتر یانه‌كان ئاماده‌نین ژیانی بۆ ده‌بینبكه‌ن. كه‌واته‌ ئیتر ژماره‌ 11 لای هه‌ندێك یانه‌ی تۆپی پێ كه‌ به‌ هانده‌ران ده‌درێت. بوونی نییه‌ له‌ گۆڕپانه‌كه‌دا.

وه‌رزش به‌ هاتووهاوار و ده‌نگی زوڵاڵی هانده‌رانه‌وه‌ خۆشه‌. كاتێك له‌ 27 ی فێبریوه‌ری یاری نێوان ئینته‌رمیلانی ئیتالی و لۆدۆگۆریتس-ی بولگاریم بینی له‌ یۆرۆلیگ. یارییه‌كه‌ هێنده‌ بێ هه‌ست بوو، دۆخه‌كه‌، رێك له‌ یاری تۆپی سه‌رمێزی ئاسنین ده‌چوو كه‌ دوو كه‌س له‌مبه‌روو له‌وبه‌ر مێزه‌كه‌ یاریزانه‌ بێگیانه‌كانیان ئه‌جوڵاند.

له‌نێو یاریگاكه‌ ده‌نگی شاوری داوه‌ر و هاواری یاریزانان ده‌نگی ده‌دایه‌وه‌. هانده‌رێكی تیا نه‌بوو له‌نێو شوێنی سه‌یركه‌رانه‌وه‌ به‌سه‌ر داوه‌ردا بقیژێنێت و له‌گه‌ڵ شاوری فاوڵ-دا خۆی توڕه‌ بكات. ته‌نانه‌ت یاریزانه‌كان هیچ هه‌ستێكیان نه‌بوو فشار له‌سه‌ر یه‌ك دروستبكه‌ن. هێرشی یاریزانان هێنده‌ خاووخلیچك بوو هه‌ر ده‌تگوت به‌زۆر په‌لكێشی ناو یاریگات كردوون.

ئه‌ی بۆ سه‌یری یاری به‌یسبۆڵی نێوان یانه‌ی یۆمیۆری جایه‌نس و یاكلت یه‌بتلگ-ی ژاپۆن ناكه‌یت كه‌ له‌ 9ی مارچ، یه‌ك كه‌س ئاماده‌نه‌بوو سه‌یری یاریه‌كه‌ بكات. هه‌میشه‌ له‌ یارییه‌كاندا ترسی یاریزانانی به‌یسبۆل ئه‌وه‌یه‌، كاتێك به‌ هه‌موو هێز له‌ تۆپه‌كه‌ ئه‌سره‌وێنن هه‌موو خه‌میان ئه‌وه‌یه‌ تۆپه‌كه‌ رێ هه‌ڵه‌نه‌كات بۆ ناو هانده‌ران و یه‌كێك نه‌پێكێت، به‌ڵام ئێستا له‌ژاپۆن نه‌ك ترسیان نییه‌ له‌وه‌، به‌ڵكو توانای پیاكێشانی تۆپه‌كه‌ش نه‌ماوه‌. هه‌ربۆیه‌ خولی به‌یسبۆڵی ژاپۆنیش له‌لایه‌ن به‌رپرسانی ژاپۆنه‌وه‌ هه‌ڵوه‌شایه‌وه‌، چونكه‌ كه‌س نییه‌ بێت ببێت به‌ هانده‌ر، به‌كوردی و به‌كورتی پێیانوتن: “ئێوه‌ یاری بۆ كێ ده‌كه‌ن؟!”

له‌جامی جیهانی خزانی سه‌ر به‌فر بۆ ژنان-ی 30 كیلۆمه‌تر له‌ هۆڵمنكۆڵین-ی نه‌رویج، رۆژی 7ی مارچ، ژنه‌ پاڵه‌وانه‌كان تێكڕا هه‌ر خۆیان و به‌فری سپی به‌ده‌ره‌وه‌ بوون. كه‌س نه‌بوون هاوار بۆ “كاسرین رایس” بكات و بڵێ پێشكه‌وه‌ هه‌ر تۆ یه‌كه‌می!. كه‌سێك له‌وێ نییه‌ چه‌پڵه‌رێزانی بێت بۆ براوه‌ی یه‌كه‌م كه‌ قردێله‌ سوره‌كه‌ی بچڕاند. كێبڕكێكاره‌ ژنه‌كان نه‌ك خه‌نده‌ له‌سه‌ر ده‌موچاویان نه‌ئه‌بینرا، به‌ڵكو یه‌كه‌مه‌كه‌ش دڵخۆش نه‌بوو به‌ بردنه‌وه‌یه‌.

رۆژی 8ی مارچ به‌بێ هیچ هانده‌رێك خولی به‌هێزی به‌هار بۆ سۆمۆ كه‌ خۆلێكی تایبه‌تی زۆرانبازییه‌، به‌رێوه‌چوو. دیمه‌نه‌كان پێیانوتین: ئه‌ی تۆ خۆت له‌به‌رده‌می كێ-دا نمایشده‌كه‌ی ئه‌ی پاڵه‌وانی زۆرانبازی ئۆساكا-ی ژاپۆن. هه‌ر خۆتان و خۆتان و خۆتان سه‌یری له‌شولار و یه‌كتربه‌زه‌ویدانی یه‌كتری ده‌كه‌ن.

له‌هۆڵی داخراوی گۆڵدڤارب له‌ زانكۆی جۆنز هۆبكز له‌ بالتیمۆر، رۆژی 6ی مارچ، یاریزانانی زانكۆی یه‌شفا-ی ئه‌مریكی به‌رامبه‌ر په‌یمانگای ویرسستر له‌ خولی زانكۆ و په‌یمانگاكاندا وێرای ئه‌وه‌ی هه‌ردوو یانه‌كه‌ به‌جه‌سته‌یه‌كی گه‌رم و گوڕه‌وه‌ گێبڕكێیان ده‌كرد، به‌ڵام نه‌ك جارێك ده‌ جاری دیكه‌ش تۆپه‌كه‌یان هه‌ڵدایه‌ته‌ ناو سه‌به‌ته‌كه‌وه‌، ئه‌وا هیچ چێژ به‌خش نه‌بوو لایان، چونكه‌ ته‌نیا ئه‌و دوو كه‌سه‌ هاتوهاواریان بۆ ده‌كردن كه‌ له‌ناو هۆڵه‌كه‌دا تاقانه‌ و بێ ترسی كۆرۆنا دانیشتبوون.

دواوته‌ ئه‌وه‌یه‌ یاریزانه‌كان بێئه‌وه‌ی به‌ خۆیان بزانن نه‌ك هێدی هێدی جه‌ماوه‌ر و هانده‌ریان له‌چوارده‌ور نامێنێت، به‌ڵكو دوور نییه‌ كۆرۆنا ڤایرۆس ئه‌ستێره‌ی به‌ختی نازناویشیان لێوه‌رگرێته‌وه‌.

بەردەوام بە لە خوێندنەوە

وتار

رۆشنبیری وه‌رزشكاری كورد له‌ برنج و فاسۆلیادا


هه‌رێز جه‌مال

له‌ ماوه‌ی رابردوو مامۆستایه‌كی دیاری كۆلیجی وه‌رزشی زانكۆی سلێمانی و راهێنه‌رێكی دیاری یارییه‌كانی گۆره‌پان و مه‌یدان له‌ كوردستان و عێراق كه‌ ئه‌ویش دكتۆر ئه‌حمه‌د به‌هادینه‌ ، په‌رتوكێكی ده‌ركردو هه‌ر به‌ خۆرایش له‌ كافی نێتی ئه‌منه‌ سووره‌كه‌ بڵاویكرده‌وه‌ په‌رتوكه‌كه‌شی به‌ ناوی جه‌سته‌ی ته‌ندروست بوو .

ئێواره‌ی نمایشی كتێبه‌كه‌ی دكتۆر پێش وه‌خت ئاماده‌بووین ، له‌وێ شه‌ن و كه‌وی په‌ڕتوكه‌كه‌ كرا ، راسته‌وخۆ یاده‌وه‌ری ئه‌و كاتانه‌ی بیرخستمه‌وه‌ كه‌ بابه‌تێكم له‌سه‌ر خه‌وو خۆراكی یاریزانی كورد له‌ یه‌كێك له‌ رۆژنامه‌ لۆكالیه‌كان ده‌ سالێك پێش ئێسته‌ بڵاوكرده‌وه‌و به‌ڵام خوا مه‌گه‌ر خۆی بزانێت یاریزانی كوردم چۆن لێ هاربوو .

به‌ حوكمی زۆر خوێندنه‌وه‌و گه‌ڕانم له‌ بواره‌ وه‌رزشیه‌كان ته‌نیا خۆم له‌ چوارچێوه‌ی لاكێشه‌ی سه‌وز نه‌بینیوه‌ته‌وه‌ هه‌میشه‌ بێوه‌ڵام نه‌بووم له‌ كۆڕو كۆمه‌ڵێك كه‌ ئه‌گه‌ر باس له‌ رۆناڵدۆو مێسی یان هه‌ر یاریزانێك بكرێت بڵێن به‌ چی پیر نابن و به‌ چی ده‌مێنه‌وه‌ وه‌ڵامه‌كه‌ی بزانم ، له‌ ماوه‌ی رابردوو پاش سه‌ردانیكردنی هه‌ریه‌كه‌ له‌ یاریگه‌كانی كامپ نوی تایبه‌ت به‌ یانه‌ی به‌رشه‌لۆنه‌و دۆرتمۆندی ئه‌ڵمانی و ئه‌یاكسی هۆڵه‌ندی هێنده‌ی تر تێگه‌یشتم ئه‌مانه‌ی وه‌رزش ده‌كه‌ن له‌م یانانە ته‌نیا وه‌رزشێك نییه‌ ، به‌ڵكو رۆشنبیری پێشكه‌وتنیان به‌ خواردن و خه‌وو ژیانیانه‌وه‌ به‌شێكی گه‌وره‌ی کرداری ڕۆژانەیانە .

وه‌ختی خۆی وتم یاریزانی كورد به‌ تایبه‌ت یاریزانی تۆپی پێ ، نابێت ته‌نیا نه‌وه‌د خوله‌ك وه‌رزش بكه‌ن و دواتر هه‌شت و هۆشیان نه‌مێنێ ، كه‌مێك نێرگه‌له‌كێشان كه‌مبكه‌نه‌وه‌و بزانن چی ده‌خۆن و چی ده‌كه‌ن و چۆن ده‌نوون .
یاریزانمان هه‌یه‌ ئێسته‌ش نازانێت ژه‌مێك نانخواردنی ته‌ندروست بخوات ، ده‌یان وه‌رزشكارو یاریزانی هاوڕێم هه‌یه‌ سوێند به‌خوا سه‌رنجم داوه‌ یه‌ك سه‌عات پێش یارییه‌كه‌ی ٢ له‌فه‌و دوو قاپ برنج و شله‌و گۆشتاوی خواردووه‌ ، به‌داخه‌وه‌ یاریزانمان هه‌یه‌ ئێسته‌ش تاوه‌كو ٥ به‌یانی خه‌به‌ره‌ له‌و سۆشیال میدیا سه‌ری لێ تێكداوه‌ ، به‌داخه‌وه‌ راهێنه‌ری ئێسته‌ش زۆربه‌یان لاوازن و رێنماییه‌كه‌رێكی باش نیین ، هه‌رچه‌نده‌ خه‌تا ئه‌وانیش نییه‌ زۆرینه‌ چونكه‌ راهێنه‌رێكی دیاری كوردستان وتی وه‌ڵای یاریزانمان هه‌یه‌ گۆره‌كه‌ی خۆی ناشوات .

من نالێم یاریزان یان وه‌رزشكاری ئازیز تۆ ئه‌م ره‌خنانه‌ی من به‌ رقه‌وه‌ وه‌ربگره‌ یاخود رێنمایكه‌رت ببم هه‌موو شت قه‌ده‌غه‌ بكه‌یت ، به‌ڵام باشترین رێگه‌كان كه‌مبكه‌ره‌وه‌و به‌ پێی به‌رنامه‌یه‌كی ته‌ندروست بڕۆ چونكه‌ دڵنیابه‌ چه‌ند له‌ مه‌شق و یاریكردن سه‌ركه‌تووبوویت ، كه‌ رۆشنبیری جه‌ست و ژیانت نه‌بوو یه‌ك توری قوڕاوی ناهێنێیت .

به‌ حوكمی به‌رده‌ست بوونی زانیارییه‌كان بوونی پێداویستییه‌كان پێویسته‌ وه‌رزشكار سوود له‌وانه‌ ببینێت ، به‌ تایبه‌ت مه‌له‌وانی و جیم و ئاسن و نانخواردن ، ئازیز له‌ به‌یانی زووتر نییه‌ دكتۆرێكی تایبه‌تمه‌ند بدۆزه‌ره‌وه‌ یان كه‌سێكی شاره‌زا له‌ ته‌واوكاره‌ خۆراكیه‌كان با پرۆگرامێكی تایبه‌تت بۆ جابنێت چونكه‌ جه‌سته‌ی تۆی وه‌رزشكاری پێویستی به‌ رێنمایدانه‌ ، من نالێم برۆ بۆ لای ئه‌و به‌ناو راهێنه‌ره‌ له‌شجوانیانه‌ی كه‌ هه‌ندێكیان خه‌ریكی فێل و ته‌ڵه‌كه‌و بازرگانیان ، دوای ئه‌وه‌ش سه‌رێك له‌ دكتۆر ئه‌حمه‌د بده‌و زوو به‌ زوو ئه‌و كتێبه‌ نایابه‌ی به‌ خۆڕایی ده‌ستبخه‌و با به‌هه‌مووان رووه‌ جوانه‌كه‌ی وه‌رزش به‌ مه‌به‌ستی پێشكه‌وتن هه‌نگاوێكی گه‌وره‌ بنێیین .

تێبینی : ره‌سمه‌كه‌ش له‌به‌رده‌م كۆشكی له‌فه‌كه‌ی یانه‌ی برۆسیادۆرتمۆند به‌رده‌م سیگناڵ ئیدونا پاركه‌ .

بەردەوام بە لە خوێندنەوە

کوردستان