ئێمە لە تۆرە کۆمەڵایەتیەکان

ئابوری

پەرلەمانتارێك هۆكاری ڕەوانەنەكردنی پرۆژە یاسای بودجە بۆ پەرلەمان ئاشكرا دەكات

خەڵك- بەشی هەواڵ
پەرلەمانتارێكی هاوپەیمانی فەتح، هۆكاریی ڕەوانەنەكردنی پرۆژە یاسای بودجەی گشتی بۆ پەرلەمان ئاشكرا دەكات و ڕایدەگەیەنێت،”ڕەوانەنەكردنی پرۆژە یاسای بودجەی گشتی بۆ پەرلەمان، ئاست نزمی لە ئیدارەدانی دەوڵەتدا دەردەخات”.

محەمەد ساحب دەڕاجی، پەرلەمانتاری هاوپەیمانی فەتح لە تویتێكیدا لەسەر تۆڕی كۆمەڵایەتی (تویتەر) نوسیویەتی”بەچاوپۆشین لەوەی كە كێ‌ دەبێت بە سەرۆك وەزیران، بەڵام ڕەونەنەكردنی پرۆژە یاسای بودجە بۆ پەرلەمان تا ئێستا، ئاست نزمی لە شێوازی ئیدارەدانی دەوڵەت و نەبوونی حاڵەتی دامەزراوەیی دەردەخات”.

بە وتەی دەڕاجی”بودجە بۆ حكومەت نییە، بەڵكو بۆ درێژەدانە بە ژیانی ڕۆژانەی خەڵك”، داواشی لە حكومەتی كاربەڕێكەر كرد، دەستبەجێ‌ پرۆژە یاساكە ڕەوانەی پەرلەمان بكات.

بۆ وەرگرتنی زانیاریی زیاتر لەو بارەیەوە (خەڵك) چەند جارێكی پەیوەندی بە پەرلەمانتاران محە مەد ساحب دەڕاجی و هەیسەم جبوری و ماجیدە تەمیمی و ئەحمەدی حاجی ڕەشید-ەوە كرد، بەڵام تێكڕای پەیوەندییەكان بێ‌ وەڵام بوون.

لەبارەی دواكەوتنی ڕەوانەكردنی پرۆژە یاسای بودجەوە بۆ پەرلەمان، پێشتر، سەعد حەدیسی وتەبێژی نوسینگەی ڕۆژنامەوانی سەرۆك وەزیرانی عیراق ڕایگەیاندبوو”لەئێستادا چەند كێشە و گیروگرفتێك لە پرۆژە یاسای گشتی دەوڵەتدا هەن بۆ ساڵی داهاتوو”، داوای دۆزینەوەی دەرچەیەكی یاسایی كردبوو، تا لێوەی پرۆژە یاساكە ڕەوانەی پەرلەمان بكرێت.

حدیسی بە ڕۆژنامەی (الصباح)ی نیمچە فەرمی ڕاگەیاندبوو”حكومەت پێداگربوو لەسەر تەواوكردنی پرۆژە یاسای بودجە و ڕەوانەكردنی خێرای بۆ پەرلەمان، بەڵام ژمارەیەك دەرماڵەی دارایی زیادكران كە لەلایەن ئەنجومەنی وەزیرانەوە وەك بڕیار دەرچوون بۆ جێبەجێكردنی داواكاریی خۆپیشاندەران، ئەمەش ڕەوانەكردنی پرۆژە یاساكەی بۆ پەرلەمان دواخست”.

ئابوری

ڕوونکردنەوە لەسەر کاتی دابەشکردنی ١٠٠ هەزار دینارەکەی حکومەتی هەرێم دەدرێت

خەڵک – بەشی هەواڵ

وەزیری کار و کاروباری کۆمەڵایەتی حکومەتى هەرێم ڕایدەگەیەنێت، هەرکاتێک وردبینی لەو فۆڕمانە کرا، کە هاوڵاتییان پڕیانکردۆتەوە، وەزارەت پارەکە خەرجدەکات.

 

کوێستان محەمەد وەزیری کار و کاروباری کۆمەڵایەتی حکومەتى هەرێم لەکۆنفڕانسێکی ڕۆژنامەوانیدا، ڕوونکردنەوەی لەسەر کاتى دابەشکردنی بڕی ١٠٠ هەزار دیناری هاوکاری بەسەر خێزانە هەژارەکاندا دا.

 

ناوبراو ئاماژەى بەئەوەدا، فۆڕمە پڕکراوەکان لەلای بەڕێوەبەرایەتییەکانی چاودێری و گەشەپێدانی کۆمەڵایەتییە، ئەوان وردبینی دەکەن، هەرکاتێک ئەوان لە وردبینی تەواوبوون بۆ وەزارەتی دەنێرن.

 

ئاماژەى بەئەوەشدا، پاشئەوەی بەدەستیان گەیشت، ئەو پارەیە خەرجدەکەن، کە ١٠٠ هەزار دینارە.

 

بەردەوام بە لە خوێندنەوە

ئابوری

داوای کەمکردنەوەی نرخی بینینی پزیشک و دەرمان و پشکنینە پزیشکییەکان دەکرێت

خەڵک – بەشی هەواڵ

 

لەگەڵ ئەوەی داهاتی تاک لەهەرێمی کوردستان کەمیکردووە و ڕێژەى بێکاری و هەژاری بەرزبۆتەوە، بەڵام هێشتا نرخی بینینی پزیشک و دەرمان و  پشکنینەکان هەر بەرزە، بۆیە ئەنجومەنی فشار لەهەوڵدایە کە ئەم نرخانە دابەزێنن و هاوتای داهاتی تاکی بکەن.

 

دڵشاد بابانی ئەندامی ئەنجومەنى فشار لەسلێمانی بە(خەڵک)ی ڕاگەیاند، پێشتر لەگەڵ سەندیکای پزیشکان و ئەنجومەنی پارێزگای سلێمانی کۆبوونەتەوە و ئەم هەفتەیەش لەگەڵ پارێزگاری سلێمانی و سەندیکای دەرمانسازان و سەندیکای بایۆلۆجی کۆدەبنەوە و دواتر سەردانی وەزیری تەندروستی دەکەن.

 

ئاماژەى بەئەوەشدا، ئەنجومەنى پارێزگای سلێمانی هاوکارە و سەندیکای پزیشکانیش بەهەمانشێوە هاوکارن، بەڵام چەند گرفتێکیان هەیە و داوادەکەن، ئەوەیان بۆ چارەسەربکەن.

 

زیاتر ڕوونیکردەوە، پزیشکەکان گرفتی دەرمانخانە و تاقیگەکان و باج و هەندێک شتی دیکەیان هەیە، ئەوان داوای چارەسەرکردنی ئەو گرفتانە دەکەن، بۆئەوەی بتوانن نرخ بهێننە خوارەوە.

 

باسی لەئەوەشکرد، دوای ئەوەی بۆچوونی هەموو سەندیکاکان و ڕا جیاوازەکانیان کۆکردەوە، سەردانی وەزیری تەندروستی دەکەن و لەسەر ئەو پرسە گفتوگۆی لەگەڵ دەکەن.

 

بەهۆی بڵاوبوونەوەی ڤایرۆسی کۆرۆنا و دابەشنەکردنی موچە لەلایەن حکومەتى هەرێمەوە، ئاستی داهاتی تاک بەشێوەیەکی بەرچاو دابەزیوە، کە ئەرکی حکومەتە هەموو سێکتەرەکانی هەرێم ڕێکبخاتەوە، بەڵام لەساڵی ٢٠٢٠دا تەنها دوو موچەى بەتەواوی دابەشنەکردووە و هیچکام لەسێکتەرەکانی ژیانی لەگەڵ ئەو بێ موچەیی و بێکارییەدا ڕێکنەخستۆتەوە، لەو چوارچێوەیەدا نرخی بینینی پزیشک هاوشێوەی ساڵی ئاڵتونی هەرێمە کە ٢٠ هەزار یان ٢٥ هەزار دینارە، کە تەنها چەند خولەکێکی کەم نەخۆش دەبینرێت، ئەمەش بۆتە بارگرانی بەسەر هاوڵاتییانەوە.

 

 

بەردەوام بە لە خوێندنەوە

ئابوری

نرخی دۆلار لە بازاڕەكانی هەرێم

خەڵك-بەشی هەواڵ

 

نرخی دۆلار لە بازاڕەكانی هەرێمی كوردستان بەراورد بە ڕۆژانی ڕابردوو كەمێك دابەزیوە.

یادگار حەسەن لە كۆمپانیای سەعید كاكی بە (خەڵك)ی ڕاگەیاند، نرخی دۆلار بۆ ئەمڕۆ شەممە 8-8-2020، بەپێی بازاڕی گۆڕینەوەی دراوی بیانی لە شاری سلێمانی 100 دۆلاری ئەمریكایی بە 123 هەزار و 800 دینار مامەڵەی پێوە كراوە.

بەهۆی ناجێگیری بازاڕ و قەیرانی دارایی و ڤایرۆسی كۆرۆنا لە هەرێمی كوردستان و عیراق، نرخی دۆلار ناجێگیرە، ئەمەش لەكاتێكدایە لە چەند ڕۆژی ڕابردوو نرخی 100 دۆلاری ئەمریكایی گەیشتە 125 هەزار دینار بوو.

بەردەوام بە لە خوێندنەوە

کوردستان