لە سلێمانی 8 هەزار یەكەی نیشتەجێبوون دروست دەكرێت


دوابەدوای بڕیاری حكومەتی هەرێم بۆ دروست كردنی 20 هەزار یەكەی نیشتەجێبوون بۆ كرێنشینان و خەڵكی كەمدەرامەت بە قیستی درێژخایەن، لە سلێمانی لە دوو ناوچە زەوی تەرخان كراوە و سەرۆكی كۆمەڵەی كرێنشینان ئاشكرای دەكات، 8 هەزار یەكەی بەر سلێمانی دەكەوێت.

بەرھەم سەردار، سكرتێری كۆمەڵەی كرێنشینانی كوردستان بۆ (خەڵك) ڕاگەیاند، بەپێی بڕیارەكەی حكومەتی هەرێم ٢٠ ھەزار یەكەی نیشتەجێبوون لە سەرتاسەری هەرێم بۆ كرێنشینان دروست دەكرێت و 8 ھەزاریان لە سلێمانی دروست دەكرێن.

وتیشی، “زەوی بۆ پڕۆژەكە لە سلێمانی تەرخان كراوە، كە بەشێكی لە نزیك تاسڵوجە و بەشەكەی دیكەی لە نزیك تانجەرۆ دەبێت”.

ئاماژەی بەوەشكرد، دەستەی وەبەرھێنان پڕۆژەكەی ئاڕاستەی وەبەرھێنەكان كردووە بۆ جێبەجێكردنی پڕۆژەكە و چاوەڕوانی وەڵامی ئەوانن تاوەكو پڕۆژەكە بدرێتە وەبەرھێنێك و دەست بە جێبەجێكردنی بكرێت، كە پێدەچێت لەم ھەفتەیەدا ئەو ڕێكارانە تەواو ببن.

 

هاتووچۆی گەرمیان؛ لە ڕوداوێكی هاتووچۆدا سێ كەس بریندار دەبن
پێشت هاتووچۆی گەرمیان؛ لە ڕوداوێكی هاتووچۆدا سێ كەس بریندار دەبن
وردەكاری ڕێككەوتنی شاندی هەرێم و عیراق بڵاوكرایەوە
دواتر وردەكاری ڕێككەوتنی شاندی هەرێم و عیراق بڵاوكرایەوە