ئێمە لە تۆرە کۆمەڵایەتیەکان

ئابوری

ئایا خواردنەوەی شیر ڕۆژانە پێویستە؟

خەڵك- تەندروستی

پێكهاتەی شیر بە نزیكەیی بریتیە لە 87%ی ئاو، 5%ی لاكتۆز (شەكر) و 3.4%ی چەوری و 3.3%ی پڕۆتین و تەنها 0.7%ی كانزای تێدایە (واتە 1% كەمتر!). ئەمە لە كاتێكدا شیری مانگای سروشتی بێت و ووشك نەكرابێتەوە و نەكرابێتە قوتو و پاكەتەوە.

د. بینایی كامەران، پزیشكی پسپۆڕی خۆراك لە ڕوونكردنەوەیەكدا سەبارەت بە گرنگی خواردنەوەی شیر ئاماژەی بەوەكرد، شیر بەهای خۆراكی وەك جاران نەماوە، چونكە بەخێوكردنی ئاژەڵەكان وەك جاران تەندروست نیە! ئەمە ڕاستییەكە و لە زۆربەی توێژینەوە نوێیەكان دەركەوتووە.

ڕاشیگەیاند، چەوری ناو شیر بە سوودە و یارمەتی هەرسی شیرەكە دەدات، (شیری كەم چەوری زیاتر شەكرە و ئازاری ڕیخۆڵە دەدات).

ئەو پزیشكە ئاماژەی بەوەكردووە، شیر ناتوانێت ئێسكە نەرمە و ئازار و نەخۆشی ئێسك و جومگە باشتر بكات لە ئێستادا، لەگەل ئەوەی ڕێژەیەكی شەكری زۆری تێدایە (زۆر كەم كانزا و ڤیتامینی تیایە)، بۆ قەڵەوی بەتایبەتی قەڵەوی وورگ و كەمەر زۆر خراپە (قەلەوی خۆشی هۆكارێكی ئازاری پشت و جومگەیە).

دەشڵێت: “بۆ نەخۆشی شەكرە خراپە، چونكە خێرا ڕێژەی شەكر لە خوێندا بەرز ئەكاتەوە و بۆ كێشەی هەرس و كۆڵۆن باش نیە بەهۆی بونی شەكری لاكتۆز، كە هەرسی قورسە”.

جەختیشدەكاتەوە، كە ماست تەندروست ترین پێكهاتەی شیرە، چونكە باشترین ڕێژەی كالیسیۆم و ڤیتامین D3 لەناو سپێناغ و سلق و كاهوو و كونجی و تۆوی كەتان و ماسی و نیسك و بایەمدا هەیە.

سەبارەت بەو قسانەی دەوترێت، كە شیر بۆ ئێسك باشە د. بینایی نمونەیەك دەهێنێتەوە و دەڵێت: “فیل گەورەترین و بەهێز ترین ئێسكی هەیە و تەنها روەك و سەوزەوات دەخوات”.

ڕوونیشی كردۆتەوە، شیر لە دوای تەمەنی ۲ ساڵی خواردنەوەی ڕۆژانەی پێویست و گرنگ نیە بۆ تەندروستی و لە هەندێ كەسدا زۆر خواردنەوەی ڕەنگە زیانی هەبێت بۆ تەندروستی بەتایبەتی كەسێك كێشی زۆر بێت.

ئابوری

چەند بڕیارێكی نوێ‌ دەربارەی دەستپێكردنەوەی دەوام درا

خەڵك- بەشی هەواڵ
بەڕێوەبەرایەتی گشتی تەندروستی هەولێر چەند بڕیارێكی نوێ‌ سەبارەت بە دەستپێكردنەوەی دەوامی پزیشكان و كارمەندان و فەرمانبەرانی تەندروستی دەدەكات و ڕایدەگەیەنێت، كە لە شەممە تاوەكو چوار شەممە لە كاتژمێر 9ی بەیانی بۆ 1ی نیوەڕۆ دەوامە.

بەپێی گشتاندنێكی بەڕێوەبەرایەتی گشتی تەندروستی هەولێر، كە واژۆی د. دلۆڤان محەمەد-ی لەسەرە، بڕیار دراوە دەوام لە سەرجەم بەڕێوەبەرایەتی و نەخۆشخانە و سەنتەر و بنكە و ناوەندە تەندروستییەكان بەشێوەی 100% دەستپێبكاتەوە و ڕۆژانە لە شەممە بۆ چوار شەممە دەوام لە كاتژمێر 9ی بەیانی بۆ 1ی نیوەڕۆ بكرێت.

جەختیشكراوەتەوە، كە دووری فەرمانبەران 2 مەتربێت و قەرەباڵغی و كۆبوونەوە نەكرێت و كارەكان بە بەرید ئەنجام بدرێت.

بڕیاریش دراوە، ئەو فەرمانبەرانەی كەرەنتین كراون مۆڵەتی زۆرەملێ‌-یان پێ‌ بدرێت تا ئەو كاتەی بە فەرمی لەلایەن پزیشكی پسپۆڕەوە دەسەلمێنرێت، كە فەرمانبەرەكە چاكبۆتەوە و سەرجەم پزیشك و فەرمانبەران ماسك و دەستكێش بەكاربهێنن.

No photo description available.

No photo description available.

بەردەوام بە لە خوێندنەوە

ئابوری

مووچەی هەشت وەزارەت و ژمارەیەك دەستە دابەش دەكرێت

خەڵك – بەشی هەواڵ
ئەمڕۆ و سبەی مووچەی هەشت وەزارەت و ژمارەیەك دەستە و ئەنجومەن دابەش دەكرێت.

بە پێی لیستی مووچەی وەزارەتی دارایی، ئەمڕۆ و سبەی مووچەی ئەم شوێنانە دابەش دەكرێن:
وه‌زاره‌تی كارو كاروباری كۆمه‌ڵایه‌تی، وه‌زاره‌تی داد، وه‌زاره‌تی خوێندنی باڵا و توێژینه‌وه‌ی زانستی، وه‌زاره‌تی سامانه‌ سروشتیه‌كان، ئه‌وقاف و كاروباری ئایینی، وەزارەتی پلاندانان، وەزارەتی گواستنه‌وه‌ و گه‌یاندن لەگەڵ وەزارەتی پیشه‌سازی و بازرگانی.

كه‌م ئه‌ندامان، ئه‌نجومه‌نی دادوه‌ری، دیوانی چاودێری دارایی، ده‌سته‌ی مافی مرۆڤ، ده‌سته‌ی ده‌ستپاكی،
ده‌سته‌ی ژینگه‌، ده‌سته‌ی وه‌به‌رهێنان، ناوچه‌كانی ده‌ره‌وه‌ی ئیداره‌ی هه‌رێم، ده‌زگای مین و كۆمیسۆنی هه‌ڵبژاردن.

بڕیارە ڕۆژی دوو شەممەش دابەشكردنی مووچەی مانگی دووی ئەمساڵ كۆتایی دێت.

بەردەوام بە لە خوێندنەوە

ئابوری

سەنتەری زانیاری و لێكۆڵینەوەی ستراتیجی هەندێک زانیاری لەسەر یاسای چاکسازی ئاشکرادەکات

خەڵک – بەشی هەواڵ

 

سەرۆكی سەنتەری زانیاری و لێكۆڵینەوەی ستراتیجیی كوردستان ڕایگەیاند، بەشی یەکەمی یاساى چاکسازییەکان بریتیدەبێت لە بڕینى مووچە و دەرماڵە و شایستە داراییەکانى فەرمانبەران.

 

ئاراس خۆشناو ئاماژەى بەئەوەشدا، نابێت ڕێژەی مووچەی کارمەندەکانی لە 25%ـی هەموو داهاتەکە زیاتر بێت.

 

باسی لەئەوەشکرد، بەشی یەکەمی یاساى چاکسازییەکان بریتى دەبێت لە بڕینى مووچە و دەرماڵە و شایستە داراییەکانى فەرمانبەران.

 

ئەوەشی خستەڕوو، حکومەت تەنیا مووچە نییە و دەبێت ئاگاداری بژێویی ژیانی خەڵکی دیکە، خزمەتگوزارییەکان و رەخساندنی هەلی کار بۆ گەنجان و چەندین کاری دیکە بێت.

بەردەوام بە لە خوێندنەوە

کوردستان