ئێمە لە تۆرە کۆمەڵایەتیەکان

کوردستان

لە پارێزگای كەركوك خۆپیشاندان دەستی پێكرد

خەڵك- بەشی هەواڵ
دوابەدوای نوێژی هەینی ئەمڕۆ ژمارەیەك لە هاووڵاتیانی توركمان لە شارەدێی تازە خورماتووی كەركوك خۆپیشاندانیان ئەنجامدا دژی لێدوانەكانی بەڕێوەبەری پەروەردە، كە حەشدی شەعبی بە دەستوەردان لە دامەزراندن تۆمەتبار كردبوو.

بەپێی هەواڵی میجیا عیراقییەكان، ژمارەیەك لە هاووڵاتیانی توركیمان لە تازە خورماتوو خۆپیشاندانیان دەستپێكردووە و ڕێگەی سەرەكی كەركوك – بەغدایان داخستووە و دژایەتی خۆیان بۆ لێدوانەكانی بەڕێوەبەری پەروەردە دەربڕیوە.

بەڕێوەبەری گشتی پەروەردەی كەركوك لە لێدوانێكی ڕۆژنامەوانیدا ڕایگەیاندبوو، كە حەشدی شەعبی دەستوەردان دەكات لە دۆسیەی دامەزراندن لە كەرتی پەروەردە و بەهۆیەوە فشاری زۆر دەكات لەوبارەیەوە.

لای خۆشیەوە، كەرتی باكووری حەشدی شەعبی لە ڕاگەیەنراوێكدا ئەو لێدوانەی بەڕێوەبەری گشتی پەروەردەی كەركوكی ڕەتكردۆتەوە سەبارەت بە دەستوەردان لە دۆسیەی دامەرزاندن.

ڕاشیگەیاندووە، “سەرمان سوڕماوە لەو قسانەی بەڕێوەبەری پەروەردە، كە ئێمەی تۆمەتبار كردووە لەسەر ئەوەی گوایە دەستوەردان و فشار دەكەین لە دۆسیەی دامەزراندن و هەڕەشەی هێرشكردنە سەر باڵەخانەی پەروەردەمان كردووە، بۆیە بەهەموو شێوەیەك ئەوە ڕەتدەكەینەوە”.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان