ئێمە لە تۆرە کۆمەڵایەتیەکان

کوردستان

بەڤیدیۆ؛ پۆلیسی سۆران حاڵەتێكی فێڵكردنی پارەی ئاشكرا كرد

خەڵك – بەشی هەواڵ

بەڕێوەبەرایەتی پۆلیسی سۆران ڕایدەگەیەنێت ، دوای چاودێری كردنێكی وورد تیمەكانیان توانیان دوو كەس دەسگیر بكەن، كە بڕێك پارە بە بەكارهێنانی تیپ لەكاتی ژماردنی بۆ دووهێندەی ژمارەكە زیاد دەكەن.

بەڕێوەبەرایەتی پۆلیسی سۆران لە ڕاگەیەنراوێكدا، كەوێنەیەكی دەست (خەڵك) كەوتووە ڕایگەیاندووە، تیمەكانمان لە نەهێشتنی تاوانی سۆران توانیان حاڵەتێكی فێڵكردن ئاشكرا بكەن، لە كاتی گۆرینەوەی دراوەكان لەناو بازاردا.

ڕاشیگەیاندووە، دوای چاودێری كردنێكی وورد توانیان دووكەس دەسگیر بكەن، دەستبگرن بە سەر بری 420 هەزار دینار، كە بە تیپ لێك درابوو بەشێوەیەك لەكاتی ژماردنی پارەكە دوو ئەوەندەی ژمارە ڕاستیەكە دەرچوو واتە لەژمارەی ڕاستی خۆی زیاتر دەردەچوو.

لە ڕاگەیەنراوەكەدا هاتووە، داواكارین لە هاووڵاتیان ئاگاداری ئەم جۆرە فێڵە بن لە كاتی گۆرینەوەی دراوەكان.

بۆ بەرچاو ڕوونی زیاتر لەسەر ئەو دیاردەیە تۆمارێكی ڤیدیۆیی بڵاوكراوەتەوە:

تيمەكانمان لەنەهێشتنی تاوانی سۆران توانیان حالەتێكی فێڵ كردن ئاشكرا بكەن لەكاتی گۆرینەوەی دراوەكان لەناو بازار .دواى چاودێری كردنێكی وورد توانیان دووكەس دەسگیر بكەن لەكاتی ئەنجام دانی تاوانەكە و دەست بگرن بەسەر بری ٤٢٠٠٠٠ چوارسەد و بیست هەزار دینار كەبە تیپ لێك درابوو بەشێوەیەك لەكاتی ژماردنی پارەكە دوو ئەوەندەی ژمارە راستیەكە دەردەچوو واتە لەژمارەی راستی خۆی زیاتر دەردەجو .بۆیە داواكارین لەهەموو خەلكی ئاگاداری ئەم جۆرە فێڵە بن لەكاتی گۆرینەوەی دراوەكان .بەناوی بەرێوەبەری پۆلیسی سۆران عقید ارسلان حمد أمین غفور دەست خۆشی لە بەشی نەهێشتنی تاوانی سۆران و نوسینگەكان و گشت ئەفسەروو كارمەندانیاندەكەین كەچالاكانە ئیش و كاری خۆیان دەكەنبۆ بەرچاو روونی زیاتر لەسەر ئەم دیاردە قێزەونە سەیری ئەم گرتە ڤیدیۆیە بكەن .بەهیوای سود وەرگرتن لەگەل رێزمان

Posted by ‎بەشی راگەیاندنى پۆلیسی سۆران‎ on Thursday, December 12, 2019

جیهان

بەڕێوەبەرایەتی خۆسەر: پڕۆژەكەمان پڕۆژەیەكی نیشتمانییە

خەڵك – بەشی هەواڵ

بەڕێوەبەرایەتی خۆسەر ڕایدەگەیەنێت، لێدوانەكانی جێگری وەزیری دەرەوەی سوریا دەبنە هۆكارێك بۆ پەكخستنی هەوڵەكانی گفتوگۆی نیشتمانیی سوریا.

بەڕێوەبەرایەتیی پەیوەندییەكانی دەرەوە لە بەڕێوەبەرایەتی خۆسەر لە ڕاگەیەنراوێكدا ڕەخنەی لە لێدوانەكانی فەیسەڵ میقداد جێگری وەزیری دەرەوەی سوریا گرت و بە هۆكارێك بۆ پەكخستنی هەوڵەكانی گفتوگۆی نیشتمانیی سوریا ناوبرد و ڕایگەیاند: “پڕۆژەی بەڕێوەبەرایەتی خۆسەر، پڕۆژەیەكی نیشتمانییە و هەرگیز هەڕەشە لە یەكپارچەیی خاكی سوریا و گەلەكەی ناكات”.

ئەو ڕاگەیەندراوەكەی بەڕێوەبەرایەتی خۆسەر لە وەڵامی لێدوانێكی جێگری وەزیری دەرەوەی سوریا هات كە تێیدا ڕایگەیاندبوو:”حكومەتی سوریا بەتەواوەتی بەڕێوەبەرایەتیی خۆسەر ڕەتدەكاتەوە و دیمەشق سوورە لەسەر یەكپارچەیی خاكی سوریا”.

جێی ئاماژەیە، هەفتەی ڕابردوو، ئیلهام ئەحمەد، سەرۆكی دەستەی جێبەجێكاری ئەنجومەنی سوریای دیموكرات ڕایگەیاند، حكومەتی سوریا ڕەزامەندی لەسەر نێوەندگیری ڕوسیا بۆ دەستپێكردن بە گفتوگۆ سیاسییەكان دەربڕیوە تایبەت بە پێكهێنانی لیژنەی باڵا بۆ تاووتوێكردنی یاسای بەڕێوەبردنی خۆجێیی لە سوریا و میكانیزمی بەڕێوەبردنی تایبەت بە بەڕێوەبەرایەتیی خۆجێیی لە باكووری ڕۆژهەڵاتی سوریا.

ك.ج

بەردەوام بە لە خوێندنەوە

ئابوری

دەستەی ئاماری هەرێم لەبارەی ڕێژەی بێكاری ڕوونكردنەوە دەدات

خەڵك – ئارام سەردار

دەستەی ئاماری هەرێمی كوردستان لەڕوونكردنەوەیەكدا ڕایدەگەیەنێت، ئەو ئامارەی لەچەند وێبسایت و پەیجێك بڵاوكراونەتەوە لەبارەی ڕێژەی بێكاری لەسەر ئاستی هەرێمی كوردستان و عیراق سەرچاوەكەی وەزارەتی پلاندانانی عیراقە و تێكەڵاوی بەئامارەكەوە دیار بووە.

لە ڕوونكردنەوەكەیدا دەستەی ئاماری هەرێمی كوردستان كە وێنەیەكی بۆ (تۆڕی میدیایی خەڵك) نێردراوە تێیدا هاتووە، ئەمڕۆ لە چەندین وێبسایت و پەیج و تۆڕە كۆمەڵایەتییەكان زانیاری ئاماری بڵاو كراوەتەوە و سەرچاوەكەی وەزارەتی پلاندانانی عیراق بووە، سەبارەت بە ڕێژەی هەژاری لە سەر ئاستی هەرێمی كوردستان و پارێزگاكان و عیراق.

لەڕوونكردنەوەكەدا ئاماژەبەوەكراوە، بە گشتی تێكەڵاویەك بە ئامارەكەوە دیار بوو، بۆیە دەستەی ئامار لە خشتەیەكدا ڕێژەی هەژاری بۆ ساڵانی ٢٠١٤و ٢٠١٨ دەخەینەڕوو، لەهەمان كاتدا لە هێڵكارییەكدا كە بۆ ساڵانی ٢٠٠٧ تا ٢٠١٨یە و هەموو ئەو گوڕانكارییانە كە بەسەر ڕێژەكەدا هاتوون پیشان دەدات تا ئەم بابەتە خوێندنەوەی هەڵەی بۆ نەكرێت و ڕاستییەكان وەك خۆی دیاری بكرێت.

بەپێی خشتەی دەستەی ئامار لە ساڵی ۲۰۱۸ ڕێژەی هەژاری لە هەرێم ٥.٥٪ بووە، لە عیراق 20%، لەسەر ئاستی پارێزگاكانیش لە دهۆك زۆرترین ڕێژە هەبووە كە 8.6% بووە، لە هەولێر 6.7% بووە و سلێمانیش كەمترین ڕێژەی بێكاری تێدا تۆماركراوە 4.5% بووە، بەپێچەوانەوە ڕێژەی بێكاری لە ساڵی 2014دا لە دهۆك 12.4% بووە لە هەولێر لە 1.5% بووە، سلێمانیش 1.2% بووە، لەسەر ئاستی هەرێم ڕێژەی بێكاری لە 12.5% بووە، لە عیراقیش لە هەمان ساڵ 22.5% بووە.

لەڕوونكردنەوەكەدا پێناسەی هەژاری كراوە كەبریتییە لە هەژماركردنی هەژاری لە عیراق و هەرێمی كوردستان پشت بەستراوە بە خەرجی خێزان بۆ دابینكردنی پێداویستییە خۆراكییەكان و خواردنەوە لەگەڵ پێداویستییە ناخۆراكییەكان وەك بەشێك لە پێداویستی سەرەكی و سەرەتایی بۆ بەردەوامبوون لە ژیان بۆ هەر یەك لە ئەندامانی خێزان. هێلی هەژاری لە ساڵی 2007 (77500) دیناری عیراقی بوو و لەساڵی 2012 بە (105500) دیناری عیراقی هەژماركراوە، بەڵام بۆ ساڵی 2018 بەپێی نیشاندەرەكانی ڕێژەی هەڵاوسان و ئابوورییەكان لە هەرێمی كوردستان و عیراق هێڵی هەژاری بە 110880 دیناری عیراقی خەمڵێنرا وەك كەمترین خەرجی تاك لە مانگێگدا.

بەردەوام بە لە خوێندنەوە

کوردستان

“كۆبوونەوەكانی ئەنجومەنی سەركردایەتی یەكێتی دەستپێدەكەنەوە”

خەڵك – بەشی هەواڵ

وتەبێژی كۆنگرەی چوارەمی یەكێتی ڕایدەگەیەنێت، لەچەند ڕۆژی داهاتوودا كۆبوونەوەكانی ئەنجومەنی سەركردایەتی یەكێتیی نیشتمانیی كوردستان دەست پێدەكاتەوە.

مەلا یاسین وتەبێژی كۆنگرەی چوارەمی یەكێتیی تایبەت بەكەناڵی فەڕمی حزبەكەی ڕاگەیاند: لەچەند ڕۆژی داهاتوودا كۆبوونەوەی ئەنجومەنی سەركردایەتی یەكێتیی نیشتمانیی كوردستان دەست پێدەكاتەوە.

مەلا یاسین وتیشی: كۆبوونەوەی لیژنە لاوەكییەكان و لیژنەكانی هەمواركردنەوەی پەیڕەوی ناوخۆی یەكێتی بە باشی دەڕوات و پەیوەندی باش لەنێوان ئەو لیژنانەدا هەیە بە ئاڕاستەی دەستوبردكردن لەچاوخشانەوە بەبڕگە و ماددەكانی پەیڕەوی ناوخۆی یەكێتی.

ك.ج

بەردەوام بە لە خوێندنەوە

کوردستان