ئێمە لە تۆرە کۆمەڵایەتیەکان

جیهان

چی لە پشت خۆپیشاندانەكانی ڕۆژهەڵاتی ناوەڕاستەوەیە؟

خەڵك- بەشی هەواڵ

ماوەی چەند مانگێكە خەڵكانێكی زۆر لە بەشێك لە وڵاتانی ڕۆژهەڵاتی ناوەڕاستدا دژ بە حكومەتی وڵاتەكانیان ڕژاونەتە سەر شەقامەكان، كە زیاتر لە 60%ی ئەو كەسانە تەمەنیان لە خوار 30 ساڵانەوەن و توڕەن لە گەندەڵی و بێكاری.

هەر وڵاتێك لەوانە خاوەنی تایبەتمەندی خۆیەتی، بەڵام لە چەند خاڵێكی گشتییدا یەكسانن، دەسەڵاتدارەكان دەسەڵات و پارەیان قۆرغكردووە، خەڵكی وڵاتەكان هەژارن و هەژارتر دەبن.

لە ڕاپۆرتێكدا كە تەلەفزیۆنی”bbc“ئامادەی كردووە، ڕونكراووەتەوە، خۆپیشاندانەكان توانیویانە دوو سەرۆك وەزیران”لە عیراق و لوبنان” لە كارەكانیان دوربخەنەوە و جۆرێكە لە سەرهەڵدانەوەی ناڕەزایەتییەكانی ساڵی 2011، كە بە”بەهاری عەرەبی” ناودەبرا.

دیمەنێك لە خۆپیشاندانەكانی لوبنان

لە ڕاپۆرتەكەدا باس لەوەكراوە، خۆپیشاندانەكانی لوبنان دوای ئەوە دەستیان پێكرد، كە باج لەسەر هاووڵاتیان زیادكرا، بەڵام ئەوە تەنها خاڵی ئاشكرابووە و چەندین خاڵی شاراوەش هەبوون لە پشتەوە، لە لوبنان خۆپیشاندان ئاساییە، بەڵام لە عیراق خوێنڕشتنی تێكەوتووە.

لە عیراق 400 خۆپیشاندەر كە زۆرینەیان گەنج بوون لەلایەن هێزە ئەمنییەكانەوە كوژراون و زیاتر لە 15 هەزاری دیكەش برینداربوون، خۆپیشاندەران ئامادەن بكوژرێن، بەڵام كۆتایی بە بێكاری و گەندەڵی بهێنن.

دیمەنێك لە خۆپیشاندانەكانی عیراق

ئەوان تەنها دژی دەسەڵاتدارەكانی خۆیان نین، بەڵكو دژن بە هاوپەیمانێتی وڵاتەكەیان و ئێران، كۆنسوڵخانەی ئەو وڵاتەیان لە نەجەف و كەربەلا سوتاند.
هەروەها لە ئێران خۆپیشاندان دەستی پێكرد، دوای ئەوەی نرخی بەنزین بەرزكرایەوە، سزاكانی سەر ئەو وڵاتە ئابوری ئێرانی بە تەواوەتی بێهێز كردووە، 200 خۆپیشاندەر كوژران.

ڕاپۆرتەكە لە كۆتاییدا ئەوەی خستووەتەڕوو، دوو جەمسەری گەورە لە وڵاتانی ناوچەكەدا ڕووبەڕووی یەكتربوونەتەوە، ئەوانیش”تیمی ئێران” و “تیمی ئەمریكا”ن و جۆرێك لە دژایەتیش لە نێو عیراق و لوبناندا بۆ ئێران دروستبووە، كە لەلایەن ئەمریكا، سعودییە و ئیسرائیلەوە پشتیوانی دەكرێت، هەروەها ئێرانیش بەردەوامە لە پشتیوانی دۆستەكانی لە عیراق و سوریا و لوبنان.

ریکلام

جیهان

دواین ئاماری تووشبووانی ڤایرۆسی كۆرۆنا لە جیهان

خەڵك-بەشی هەواڵ

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 18 ملیۆن و 732 هەزار و 108 حاڵەت.

بە گوێرەی ئامارە جیهانییەكان، تاكو كاتژمێر 2ی ئەمڕۆ چوار شەممە ژمارەی تووشبووانی كۆرۆنا لە جیهاندا گەیشتە 18 ملیۆن و 732 هەزار و 108 حاڵەت، لەو ژمارەیەش حەوت سەد و 5 هەزار و 29 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە چوار ملیۆن و 918 هەزار و 789 كەس و 160 هەزار و 326 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

جیهان

لە تەقینەوەی بۆمبێكدا چوار پۆلیسی ئێرانی بریندار بوون

خەڵك – بەشی هەواڵ
سوپای پاشداران برینداربوونی چوار پۆلیسی لە شاری زاهیدان ڕاگەیاند.

سوپای پاسدارانی ئێران ڕایگەیاند ئەمڕۆ چوار شەممە، بۆمبێكی دەنگیی لە ناوچەی زیباشەهری سەر بە زاهیدان تەقییەوە و بە هۆیەوە چوار پۆلیس بریندار بوون.

ڕوونیشیكردەوە كە بۆمبەكە لە نزیك ئۆتۆمبێلێكی پۆلیس تەقیوەتەوە و سەرباری برینداركردنی پۆلیسەكان، زیانیشی بە ئۆتۆمبێلەكە گەیاندبووە.

بەڵام هیچ لایەنێك بە دانانی بۆمبەكە تۆمەتبار نەكراوە.

بەردەوام بە لە خوێندنەوە

جیهان

185 تووشبووی دیكەی كۆرۆنا لە ئێران گیانیان لە دەست دا

خەڵك – بەشی هەواڵ
وەزارەتی تەندروستی ئێران ڕایگەیاند ژمارەی حاڵەتەكانی مردن بە كۆرۆنا لە وڵاتەكە گەیشتە 17 هەزار و 802 كەس.

ئەمڕ سیما سادات وتەبێژی وەزارەتی تەندروستی ئێران ڕایگەیاند لە ماوەی 24 كاتژمێری ڕابردوودا 185 كەسی دیكە بە هۆی تووشبوونیان بە كۆرۆناوە گیانیان لە دەست دا، بەوەش كۆی گشتی حاڵەتەكانی مردن بۆ 17 هەزار و 802 كەس بەرزبووەوە.

ڕوونیشیكردەوە كە تۆماركردنی دوو هەزار و 679 تووشبووی نوێ، ژمارەی تووشبووانی كۆرۆنا گەیشتە 317 هەزار و 483 كەس كە 274 هەزار و 932یان چاكبوونەتەوە.

وتەبێژی وەزارەتی تەندروستی ئێران ڕاشیگەیاند دۆخی تەندروستی چوار هەزار و 129 تووشبووی پەتاكە ناجێگیرە.

بەردەوام بە لە خوێندنەوە

کوردستان