ئێمە لە تۆرە کۆمەڵایەتیەکان

کوردستان

وەزیری نەوتی عیراق: سەرەتای ساڵی نوێ رێككەوتنی هەولێر و بەغدا جێبەجێدەكرێت

خەڵك –بەشی هەواڵ

بە گوتەی وەزیری نەوتی عیراق، رێككەوتنی نێوان هەولێر و بەغدا لەسەرەتای ساڵی نوێوە جێبەجێدەكرێت.

سامر غەزبان بۆ ڕۆژنامەی سەباح-ی نیمەفەڕمی عیراق ئاشكرایكرد، هەردوو حكومەتی عیراق و هەرێمی كوردستان دەیانهەوێت رێككەوتنی نێوانیان جێبەجێبكەن بۆ چارەسەركردنی كێشەكانی نەوت.

غەزبان لەلێدوانەكەیدا رونیكردووەتەوە هەردوولایەنی هەرێم و بەغدا لە گفتووگۆكانی ڕابردوویاندا لەسەر بودجەی ساڵی نوێ گەیشتوون بە ڕێككەوتن و رێوشوێنەكانی ناردنی پشكی هەرێم.

وەزیری نەوتی عیراق لە بارەی ئاستی هەناردەكردنی نەوتی هەرێمی كوردستان دەڵێت “بڕی بەرهەمهێنانی نەوتی هەرێم لە ئێستادا نزیكەی 450 هەزار بەرمیلی ڕۆژانەیە و زۆرینەی هەناردەی دەرەوە دەكرێت”.

دەشڵێت “رێككەوتن كراوە لەسەر زیادنەكردنی بەرهەم تاكو كاریگەری لەسەر پشكی عیراق لە رێككەوتنی ئۆپێك نەبێت، ئەو بڕەشی لە ڕێگەی سۆمۆوە دەفرۆشێت لە نەوتی هەرێم 250 هەزار بەرمیلە”.

ریکلام

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان