ئێمە لە تۆرە کۆمەڵایەتیەکان

جیهان

لیژنەی پەیوەندییەكانی دەرەوەی ئەنجومەنی پیران دەنگی لەسەر پڕۆژەیاسای سزادانی توركیادا

خەڵك – بەشی هەواڵ

بەهۆی ئۆپراسیۆنی توركیا بۆسەر ڕۆژئاوای كوردستان و كڕینی سیستمی ئێس 400ی ڕوسیایی، لیژنەی پەیوەندییەكانی دەرەوەی ئەنجومەنی پیرانی ئەمریكا دەنگیدا بە سەپاندنی سزا بەسەر توركیادا.

لە دەنگدانەكەدا 18 كەس لە ئەندامانی لیژنەكە بە (بەڵێ) بۆ سەپاندنی سزا بەسەر توركیادا دەنگیاندا و چوار كەسەكەی تریشیان بە (نەخێر) دەنگیاندا.

هەروەك، قۆناغی داهاتووی جێبەجێكردنی بڕیارەكە پەیوەندی بە هەنگاوی میچ مكۆنیڵ لێپرسراوی زۆرینەی ئەنجومەنی پیرانەوە هەیە كە ئایا پڕۆژەكە لە ئەنجومەنەكە دەخاتە دەنگدانەوە یان ڕایدەگرێت.

جێی ئاماژەیە، پڕۆژەكە چەندین خاڵی تێدایە كە ئەگەر جێبەجێ بكرێت كاریگەری گەورەی لەسەر توركیا دەبێت، لەوانەش سەپاندنی سزا بەسەر ئەو لێپرسراوانەی ئەنقەرە كە لە ئۆپراسیۆنی توركیادا بۆ سەر ڕۆژئاوای كوردستان ڕۆڵیان هەبووە، هەروەها سەپاندنی سزا بەسەر سیستمی ئابووری و پیشەسازیی توركیا، هەروەك پڕۆژەكە پێشنیازی سنوورداركردنی پێدانی ڤیزە و مامەڵەی بانكیش دەكات، ئەوەش لە بەرامبەر كڕینی سیستمی ئێس 400ی ڕوسیايی لەلایەن ئەنقەرەوە.

جیهان

سەرۆك وەزیرانی ئۆكرانیا دەستلەكاردەكێشێتەوە

خەڵك – بەشی هەواڵ

سەرۆك وەزیرانی ئۆكرانیا نامەی دەستلەكاركێشانەوەی پێشكەشی سەرۆكی وڵاتەكەی كرد.

ئۆلیسكی هۆنچاروك سەرۆك وەزیرانی ئۆكرانیا لە لاپەڕەی تایبەتی خۆی لە تۆڕی كۆمەڵایەتی فەیسبوك بڵاویكردەوە، كاتێك پۆستی سەرۆك وەزیرانی وەرگرتووە بۆ جێبەجێكردنی بەرنامەی سەرۆكی وڵات بووە و بڕوای وابووە ئەو كارە دەبێتە دەستپێكێكی باش بۆ كرانەوە و ڕێكخستنەوەی كارەكانی حكومەت.

سەرۆك وەزیرانی ئۆكرانیا ئاماژەی بەوەشداوە، بۆ لادانی هەر گومانێك لەسەر ڕێز و بڕوای تەواوی بە سەرۆكی ئۆكرانیا دەستلەكاركێشانەوەی پێشكەشی سەرۆك كرد, هەروەك مافی ئەوەشی هەیە كە دەستلەكاركێشانەوەكەی بخاتە بەردەم پەرلەمان.

ئۆلیسكی هۆنچاروك سیاسەتمەدار و پارێزەری تەمەن 36 ساڵ لە 29 ی ئابی 2019 پۆستی سەرۆك وەزیرانی وەرگرت و بەوەش بووە بچووكترین سەرۆك وەزیرانی ئۆكرانیا لە مێژووی نوێی ئەو وڵاتەدا.

بەردەوام بە لە خوێندنەوە

جیهان

خامنەیی لە سوجدەدا بوو
بەڤیدیۆ..ڕۆحانی پێش هەموان خامنەیی جێهێشت

خەڵك-بەشی هەواڵ

حەسەن ڕۆحانی سەرۆك كۆماری ئێران لەكاتی نوێژی هەینیدا و لە پشت خامنەیی ڕێبەری باڵای كۆماری ئیسلامی ئێران نوێژی دەكرد، بەڵام زۆر بەخێرایی سەلامی دایەوە و ریزی نوێژخوێنانی جێهێشت.

تۆڕی سپوتنیك چەند ڤیدیۆیەكی بلاوكردووەتەوە كە لە تۆڕە كۆمەڵایەتییەكان بڵاوكراوەتەوە، ئاماژە بۆ ئەوە دەكات، ڕۆحانی لە پشت خامنەیی و لە تەنیشت عەلی لاریجانی سەرۆكی پەڕلەمانی ئێرانەوە دانیشتووە، بەڵام پێش ئەوەی خامنەیی هەستێتەوە، ڕۆحانی شوێنەكە جێدەهێڵێت، هۆكارەكەشی نازانرێت.

ئەمڕۆ هەینی، دوای 8 ساڵ خامنەیی وتاری نوێژی هەینی دا و ڕایگەیاند، ئەمریكا بەشێوەیەكی ترسنۆكانە قاسم سولەیمانیی كوشت و نەیانتوانی ڕووبەڕوو شەڕی سولەیمانی بكەن.

وتیشی”گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات، هەر گەلێك پشت بە خودا ببەستێت سەركەوتن چاوەڕێی دەكات”.

ئاشكراشیكرد، هەزاران كەس بۆ گیانی قاسم سولەیمانی هاتنە سەر شەقامەكان و گەلانی ناوچەكەش تیرۆركردنی سولەیمانیان ڕەتكردەوە.

ڕوونیشیكردەوە، ڕۆژی هێرشی مووشەكی ئێران بۆسەر بنكەكانی ئەمریكا گرنگ بوو، هەروەها مێژووییش بوو، 41 ساڵیشە گەلی ئێران لەسەر یەك سەركەوتن تۆمار دەكات، هەربۆیە دوو هەفتەی ڕابردوو پڕ شكۆ بوون بۆ ئێران.

بەردەوام بە لە خوێندنەوە

جیهان

خامنەیی: گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات

خەڵك-بەشی هەواڵ

 

دوای هەشت ساڵ، عەلی خامنەیی ڕێبەری باڵای كۆماری ئیسلامی ئێران، وتاری ڕۆژی هەینی پێشكەش دەكات.

عەلی خامنەیی ڕێبەری باڵای كۆماری ئیسلامی ئێران لە وتاری ئەمڕۆ هەینی 17-1-2020 ڕایگەیاند، دوو هەفتەی پڕ لە ڕووداومان بەڕێ كرد و دەبێت وانە لە ڕووداوەكانیش وەربگرین.

وتیشی”گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات، هەر گەلێك پشت بە خودا ببەستێت سەركەوتن چاوەڕێی دەكات”.

ئاشكراشیكرد، هەزاران كەس بۆ گیانی قاسم سولەیمانی هاتنە سەر شەقامەكان و گەلانی ناوچەكەش تیرۆركردنی سولەیمانیان ڕەتكردەوە.

ڕوونیشیكردەوە، ڕۆژی هێرشی مووشەكی ئێران بۆسەر بنكەكانی ئەمریكا گرنگ بوو، هەروەها مێژووییش بوو، 41 ساڵیشە گەلی ئێران لەسەر یەك سەركەوتن تۆمار دەكات، هەربۆیە دوو هەفتەی ڕابردوو پڕ شكۆ بوون بۆ ئێران.

بەردەوام بە لە خوێندنەوە

کوردستان