ئێمە لە تۆرە کۆمەڵایەتیەکان

عێراق

كۆبوونەوەی پەڕلەمان دواخرا و (خەڵك) هۆكارەكەی ئاشكرادەكات

خەڵك- بەشی هەواڵ
دانیشتنەی ئەمڕۆ پەڕلەمانی عیراق، كە بڕیار بوو دەنگ لەسەر پڕۆژە یاسای هەڵبژاردنی پەڕلەمانی عیراق بدات، بۆ كاتێكی نادیار دواخرا، پەڕلەمانتارێكی هاوپەیمانی سائیرونیش هۆكارەكەی ئاشكرا دەكات.

غایب عمێری، پەڕلەمانتاری هاوپەیمانی سائیرون لە پەڕلەمانی عیراق لە لێدوانێكی ڕۆژنامەوانیدا ڕایگەیاند، “هەندێك لە فراكسیۆنە سیاسییەكان، لەژێرەوە یاسای هەڵبژاردن ڕەتدەكەنەوە و بەئاشكراش پشتیوانی لێدەكەن”.

بە وتەی پەڕلەمانتارەكەی سائیرون، “هەندێك لە فراكسیۆنە سیاسییەكان یاسای نوێی هەڵبژاردن لە پەڕلەمانی عیراپ ڕەتدەكەنەوە لەڕێی خستنەڕووی ڕاوبۆچوونەكانی لە ژوورە تاریكەكاندا، بەڵام بەئاشكرا و لە دانیشتنەكاندا پشتیوان لە یاساكە دەكەن”.

غایب عمێری دەڵێت: “كاتێك محەمەد حەلبوسی، سەرۆكی پەڕلەمان داوای خستنەڕووی ڕاوبۆچوونی فراكسیۆنە سیاسییەكانی كرد لەبارەی یاساكەوە، هەموویان ڕاوبۆچوونی خۆیان گۆڕی و ڕەزامەندییان لەسەر دەربڕی، بەڵام پێش دانیشتنەكە ڕەتیان كردەوە”.

عمێری پێیوایە، “ئەو گۆڕانكارییە لە ڕاوبۆچوونی فراكسیۆنەكان دوای ئەوە بوو، كە سەرۆكی پەڕلەمان پێی ڕاگەیاندن دانیشتنەكە ئاشكرادەبێت”، جەختیشی لەسەر پێویستی بەردەوامبوونی گەل كردەوە لە گوشارەكانی بۆ داڕشتنی یاسایەكی هەڵبژاردنی دادپەروەرانە، كە جێگەی ڕەزامەندی خۆپیشاندەران بێت.

عێراق

چەكی زۆری بەدەستەوەیە
عیراق باس لە وەڵامدانەوەی توركیا دەكات

خەڵك- بەشی هەواڵ
وەزارەتی دەرەوەی عیراق ڕایدەگەیەنێت، وڵاتەكەی چەكی زۆری بەدەستەوەیە بۆ وەڵامدانەوەی دەستدرێژییەكانی توركیا بۆسەر خاكی عیراق.

ئەحمەد سەحاف وتەبێژی وەزارەتی دەرەوەی عیراق لە لێدوانێكیدا بۆ كەناڵی (العراقیە)ی نیمچە فەرمی ڕایگەیاند:”عیراق چەكی زۆری بەدەستەیە بۆ مامەڵەكردن لەگەڵ توركیا، لەوانە بودجەی بازرگانی كە زیاترە لە 16 ملیار دۆلاری ساڵانە، دەیان كۆمپانیای توركی لە عیراقدان، وێڕای پەیوەندییە نێودەوڵەتییەكانی و قوڵایی عەرەبی كە عیراق هەیەتی”.

بە وتەی سەحاف”ئۆپەراسیۆنێكی وەك ئەو ئۆپەراسیۆنە، دەبێتە مایەی لەقكردنی سەقامگیریی لە ناوچەكە، لەگەڵ ئەوەشدا كاتێك عیراق بەشێوازێكی دیپلۆماسی لەگەڵ ئەو دوژمنكاریی و دەستدرێژیانەدا مامەڵە دەكات، مانای ئەوە نییە كە توانای چارەسەری نییە”.

وتەبێژی وەزارەتی دەرەوەی عیراق، ئاماژەی بە بوونی هەماهەنگی نێوان وەزارەتی دەرەوە و سێ‌ سەرۆكایەتییەكەش كرد، سەبارەت بە دەستدرێژییەكانی ئەم دواییەی توركیا.

سەحاف دەڵێت”ئێمە جەخت لەسەر بنەما دەستورییەكان دەكەین كە نابێت خاكی عیراق بكرێتە ڕێڕەو بۆ دەستدرێژكردنە سەر وڵاتانی دراوسی، لەگەڵ ئەوەشدا ڕەتیدەكەینەوە خاكی عیراق بكرێتە شانۆ بۆ ئەنجامدانی ئۆپەراسیۆنە سەربازییەكان “.

دوێنێ‌ سێ‌ شەممە، فڕۆكە بێفڕۆكەوانەكانی توركیا هێرشێكیان لەسەر سنوری عیراق ئەنجامدا و لە ئاكامدا پێنج كەس شەهیدبوون كە چەند فەرماندەیەكی پاسەوانی سنوری عیراق لەنێوانیاندا بوو.

سەرۆكایەتی كۆماری عیراق، ئیدانەی هێرشەكەی توركیای كرد بۆسەر ناوچەی سیدەكان لە هەرێمی كوردستان و بە پێشێلكارییەكی مەترسیدار بۆسەر سەروەریی خاكی عیراق ناوی برد.

بەردەوام بە لە خوێندنەوە

عێراق

ملیۆنێك كرێكاری بیانی لە عیراقدا هەیە

خەڵك- بەشی هەواڵ
لیژنەی كار و كاروباری كۆمەڵایەتی لە پەرلەمانی عیراق، ئاماژە بە بوونی ملیۆنێك كرێكاری بیانی دەكات لە عیراق، جەختیش لەسەر چاوخشاندنەوە بە ژمارەی كرێكارانی بیانی و سودوەرگرتن لە دەستی كاریی ناوخۆ دەكاتەوە.

فازڵ فەتلاوی ئەندامی لیژنەی كار و كاروباری كۆمەڵایەتی لە پەرلەمانی عیراق لە لێدوانێكی ڕۆژنامەوانیدا ڕایگەیاند”خۆپیشاندان مافێكی شیاوی هەموو عیراقییەكانە بۆ دەستخستنی هەلی كار و دامەزراندن لە فەرمانگە و دامەزراوەكانی دەوڵەت و كەرتی تایبەت”، داواشی لە حكومەت كرد، گوێ‌ بۆ داواكاریی خۆپیشاندەران بگرێت و بەدەم داخوازییەكانیانیەوە بچێت.

بە وتەی فەتلاوی”ملیۆنێك كرێكاری بیانی هەن لەو كۆمپانیایانەدا كاردەكەن لە عیراق، بە كۆمپانیا نەوتییەكانيشەوە”، ئاماژەی بە 90%ی كرێكارانی بیانيش كرد كە لە كۆمپانیا نەوتییەكاندا لە عیراق كاردەكەن و فرە نەژادن.

ئەو پەرلەمانتارە دەڵێت”ئەوان كاردەكەن بۆ داڕشتنی یاسایەك كە خزمەت بە هاووڵاتی بكات، لەڕێی بەگەڕخستنی كەرتی تایبەت و زامنكردنی مافی كارمەندان بۆ دۆزینەوەی هەلی كار بۆ دەرچوان و بێكاران، وێڕای چاوخشاندنەوە بە ژمارەی كرێكارە بیانییەكان لە وڵاتدا”.

بڵاوبوونەوەی بێكاریی لەنێوان عیراقییەكاندا، هەزاران كەسی لە تشرینی یەكەمی 2019وە ناچاركردووە خۆپیشاندانی ناڕەزایی دەرببڕێت سازبكەن و داوای هەلی كار و خزمەتگوزاریی و چاكسازیی بكەن لە وڵاتدا.

بەردەوام بە لە خوێندنەوە

عێراق

كۆمكاریی عەرەبیش لەسەر بۆردومانەكەی سیدەكان هاتەدەنگ

خەڵك- بەشی هەواڵ
ڕێكخراوی كۆمكاریی عەرەبی، پشتیوانی خۆی بۆ هەر جموجۆڵێك دەردەبڕێت كە لەلایەن حكومەتی عیراقییەوە لەسەر گۆڕەپانی نێودەوڵەتی بگرێتەبەر بۆ ڕاگرتنی”دەستدرێژییەكانی توركیا”.

بەپێی ڕاگەیەندراوێك كە لەلایەن ئەحمەد ئەبو غەیت، ئەمینداری گشتی ڕێكخراوی كۆمكاریی عەرەبییەوە بڵاوكرایەوە”بە توندی ئیدانەی بۆردومانەكانی توركیا دەكەین كە لە 11ی ئەم مانگە كرانە سەر ناوچەی سیدەكان لەسەر سنورەكانی توركیا عیراق و بونە مایەی شەهیدبوونی دوو ئەفسەر و سەربازێكی هێزە چەكدارەكانی عیراق و برینداربوونی ژمارەیەك مەدەنی بێتاوان”.

بە وتەی ئەبو غەیت”ئەو كارەی توركیا پێشێلكردنێكی ئاشكرای سەروەریی عیراق و بنەما و بەڵێننامە نێودەوڵەتییەكان و بنەمای دراوسێتییە”.

هەر لەو چوارچێوەیەدا، سەرچاوەیەكی بەرپرس لە ڕێكخراوی كۆمكاریی عەرەبی ڕایگەیاند، پشتیوانی لە هەر جموجۆڵێكی حكومەتی عیراق دەكەن لەسەر گۆڕەپانی نێودەوڵەتی بۆ ڕاگرتنی دەستدرێژییە سەربازییەكانی توركیا بۆسەر خاكی عیراق و لەپێناو پاراستنی سەروەریی و ئاسایش و سەقامگیریی عیراق.

بەردەوام بە لە خوێندنەوە

کوردستان