ئێمە لە تۆرە کۆمەڵایەتیەکان

کوردستان

ئەمریكا پڕۆژەیەك بۆ ڕۆژنامەنووسانی هەرێم ڕادەگەیەنێت

 

خەڵك- ئارام سەردار
ئەمڕۆ چوارشەممە ۱۱ی كانوونی یەكەمی ۲۰۱۹ وەزارەتی دەرەوەی ئەمریكا بەهاوكاری ڕۆژنامەنووسان لە پێكھاتە جیاوازەكانی كوردستان و سەنتەری میترۆ پڕۆگرامێكی نوێیان ڕاگەیاند، كە ئامانج لێی گەشەپێدانی توانای كاری ڕۆژنامەنووسی پێكهاتەكانە و بەشداردەبن لە جێبەجێكردنی پڕۆگرامێكی ڕاھێنان دەكات، ماوەی سێ ڕۆژ بەردەوام دەبێت.

ستیڤن فیگن، كوونسووڵی گشتی ئەمریكا لە ھەرێمی كوردستان لەوتەیەكیدا ڕایگەیاند، یەكێك لە كۆڵەكە گرنگەكانی ھەر كۆمەڵگایەكی دیموكراسی بە باوەڕی ئەمریكا ئازادی ڕاگەیاندنە بۆ ئەوەش ڕۆژنامەنووسان لە كۆمەڵگای دیموكراسیدا بتوانن بەبی سانسۆر كار بكەن و لە ترس و تۆقاندن و ھەراسانكردن و ھەڕەشەیان لەسەر نەبێت، ئازادیان بۆ فەراهم بكرێت.

دەشڵێت: “لە پێناو پەرەپێدانی ژینگەیەك، كە ڕۆژنامەنووسان بتوانن تیایدا ئازادانە كار بكەن، بەردەوام ھانی حكوومەت و كۆمەڵگەی مەدەنی دەدەن بۆ گرتنەبەری ھەنگاوی گرنگ”.

لەباڕەی پڕۆگرامەكەشەوە كونسوڵی گشتی ئەمریكا ئەوەی خستەڕوو، ۱۰۰ ڕۆژنامەنووس تیایدا بەشدار دەبن، وەك پاڵپشتی و سەرخستنی پڕۆگرامەكە وڵاتەكەی بڕی ٩٤ ھەزار دۆلاری كۆمەكی دارایی پێشكەش كردووە ئەم پرۆگرامە ئەم كۆمەكە یارمەتیدەرە لە دڵنیابوونەوەی ئەوەی، كە ڕۆژنامەنووسانی پێكھاتەكان دەوڵەمەند دەكرێن بە بنەما سەرەكییەكانی ڕۆژنامەگەری و كەرستەی بونیادنانی پردی پتەوی پەیوەندی لە نێوان خەڵك و كۆمەڵگا و حكومەت.

جەختیشی كردەوە، كەوا سەرجەم ڕۆژنامەنووسان مافی ئەوەیان ھەیە بۆچوونەكانیان ئازادانە دەرببڕن بەبێ بوونی ترسی ھەرەشە و تۆقاندن و نابێت هەوڵی تۆڵەسەندنەوە و سزادانیان بەرامبەر هەبێ، چونكە ڕەخنەگرتنی ڕۆژنامەنووسان لە حكوومەت یان دەربڕینی بۆچوونێكیان، كە لە ئەنجامدا دەبێتە ھۆی ھێنانە كایەی كۆمەڵگایەكی شەفافتر.

لای خۆشیەوە ئایدن مەعروف، وەزیری هەرێم بۆ كارووباری پێكهاتەكان وتی، “وێڕای پشتیوانیان لەم پڕۆگرامە، لە هەرێمی كوردستان یەكەم پڕۆژەیە، كە تایبەت بێت بۆ پێكهاتەكان”.

ئاماژەی بۆ ئەوەشكرد، لای هەمووان ئاشكرایە میدیا و ڕاگەیاندن فاكتەرێكی گرنگە لە كۆمەڵگا، بۆ ئەوەی سیمای پێكەوە ژیانیش جوانتر بكەین لە هەرێم و پیویستە زیاتر هەوڵ بدەن بۆ هۆشیاركردنەوەی خەڵك، ئێستاش ئەو سیمای پێكەوەژیانە لەهەرێم بەدی دەكرێت زۆر بە ڕێكوپێكی و سیمایەكی جوان، وەزارەتەكەشی نموونەی ئەو كارە جوانترەیه كە ئەم دەزگایە نوێنەرایەتی هەموو پێكاهتەكان دەكات بەبێ جیاوازی”.

هاوكات ئازاد حەمەدئەمین، نەقیبی ڕۆژنامەنووسانی كوردستان باسی لەوەكرد، هیچ جیاوازیەك نیە لەیاسای كاری ڕۆژنامەنووسی هەرێمدا لە بابەتی جیاوازی ڕەگەزیی، ئایینی و نەتەوەیی، پێشیان وایە بوونی پێكهاتەكان لە هەرێمی كوردستان بۆخۆی بەشێكە لە ئازادی بیروڕا، لەئێستاشدا هاوڵاتیانی هەریەكە لە توركیا، ئێران و سووریا ئەندامی سەندیكان.

هاوكات ڕەخنەشی گرت لە كونسووڵخانەی ئەمریكا، كەوا تەنها ئەو بابەتانەی لە سایتەكەیان بڵاوی دەكەنەوە، كە كێ زۆرترین دەنگی ناڕەزایی دژی حكومەت هەیە یان پڕۆژەیان پێ دەدەن، یاخوود ڕێكخراوەكانی دەرەوەیان هێناوە، لەكاتێكدا سەندیكا تاكە دەزگای تەشریعیە بۆ ڕێكخستنی كاری ڕۆژنامەگەری.

کوردستان

نزیكەی هەزار تووشبووی كۆرۆنا لە سلێمانی چاكبوونەوە

خەڵك – بەشی هەواڵ
بەڕێوەبەرایەتی گشتی تەندروستی سلێمانی ڕایدەگەیەنێت، لە ماوەی چوار هەفتەی ڕابردوودا نزیكەی هەزار تووشبوی ڤایرۆسی كۆرۆنا لە شاری سلێمانی چاكبوونەتەوە.

د. سەباح هەورامی، بەڕێوەبەری گشتی تەندروستی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، لە ماوەی چوار هەفتەی ڕابردوودا 911 توشبووی ڤایرۆسی كۆرۆنا لە شاری سلێمانی چاكبوونەتەوە.

ڕاشیگەیاندووە، لە سەرەتای سەرهەڵدانی ڤایرۆسەكەوە تا ئێستا لە ڕۆژی 13-5-2020 تا ئەمڕۆ 7021 توشبووی كۆرۆنا چاك بوونەتەوە.

بەردەوام بە لە خوێندنەوە

کوردستان

هەرێم؛ لە 24 كاتژمێری ڕابردوودا 23 حاڵەتی مردن بە كۆرۆنا تۆماركراوە

خەڵك- بەشی هەواڵ

وەزارەتی تەندروستی هەرێم ئاشكرای دەكات ، كە لە 24 كاتژمێری ڕابردوودا 612 كەس تووشی كۆرۆنا بوون و 23 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە ، 4146 پشكنین ئەنجام دراوە و دەركەوتووە لە هەولێر72 كەس و سلێمانی 94 كەس و لە گەرمیان 28 كەس و دهۆك 418 كەس تووشی كۆرۆنا بوون.

ئاشكراشی كردووە، كە 534 كەس چاكبوونەوە و 23 كەسیش گیانیان لەدەستداوە.

بەردەوام بە لە خوێندنەوە

کوردستان

یەكگرتوو بارەگاكانی لە پارێزگایەكی هەرێم داخست

خەڵك – بەشی هەواڵ
بەرپرسێكی یەكگرتووی ئیسلامی كوردستان ڕایدەگەیەنێت، بەهۆی مەترسییەكانی ڤایرۆسی كۆرۆناوە لە هەڵەبجە بۆ ماوەی 2 هەفتە تەواوی ئۆرگان و بارەگاكانیان بەداخراوی دەهێڵنەوە.

حەسەن شێخ عەبدوڵا، ئەندامی سەركردایەتی و بەرپرسی مەڵبەندی 5ی یەكگرتووی ئیسلامی لە لێدوانێكی ڕۆژنامەوانیدا ڕایگەیاندووە، دوای ئەوەی لەلایەن لیژنەی نەخۆشخانەی وەفای تایبەت بە ڤایرۆسی كۆرۆناوە ئاگاداركراونەتەوە بۆ ڕێگریكردن لەبڵاوبونەوەی ڤایرۆسەكە بارەگاكانیان داخستووە.

ڕاشیگەیاندووە، بەهۆی مەترسی بڵاوبونەوەی ڤایرۆسی كۆرۆنا ماوەی یەك هەفتەیە بارەگاكانیان داخستووە و هەفتەیەكی دیكەش بەداخراوی دەمێنیتەوە.

بەردەوام بە لە خوێندنەوە

کوردستان