ئێمە لە تۆرە کۆمەڵایەتیەکان

عێراق

ڤیديۆیەكی تۆقێنەر.. لە بەغدا داوای كردنەدەرەوەی حەشدی شەعبی دەكرێت

لوقمان غەفوور

ئەمڕۆ ١٠ی دیسێمبەر ڕۆژنامەی وۆڵ ستریت جۆرناڵ ئاشكرای كردووە، جەنگی خوێناوی دەخوڵقێت لە عیراق ئەگەر لەیەكەم ھەنگاودا لەبەغدای پایتەختی عیراق و دەوروبەری حەشدی شەعبی نەكرێتە دەرەوە.
سەرچاوەیەك بەناوی بەرپرسی ھێزە چەكدارەكانی عێراق لیوا روكن عەبدولكەریم خەڵەف ئاشكرای كردووە، كە بەرپرسی ھێزە چەكدارەكان كۆمەڵێك بڕیاری بەپەلەی دەركردووە تایبەت بە ھێزەكانی حەشدی شەعبی لەناو شاری بەغدای پایتەخت.
سەرچاوەكە باسی لەوەشكردووە، كە یەكەم ھەنگاو دوورخستنەوەی تەواوی ھێزەكانی حەشدی شەعبی یە لە بەغدا، چونكە لەماوەی ڕابردوودا كارەساتی خۆێناویان خوڵقاندووە.

لە بڕیارەكانی بەرپرسی ھێزە چەكدارەكاندا ھاتووە كە پێویستە دۆخی ئەمنی بەغدا ڕادەستی سوپای عیراق بكرێت.

وۆڵ ستریت جۆرناڵ پشتبەستن بە لێدوانێكی ڕۆژی ٩ی دیسێمبەر -ی سەرچاوەیەك لە وەزارەتی بەرگری عیراق بۆ ڕادیۆی مۆنتی كارلۆ، نووسیویەتی كە لیژنەی ئەمنی ئەنجومەنی نوێنەرانی عیراق داوایەكی خێرای ئاڕاستەی سەرۆكایەتی ئەنجومەنی وەزیران و وەزارەتی ئاسایش و ھەواڵگری و ناوخۆ و بەرگری كردووە كە دەستبەجێ حەشدی شەعبی بەغدا و دەوروبەری جێبهێڵێت.

ڕۆژنامەكە نووسیویەتی: “كۆبوونەوەیەكی ئەنجومەنی ئاسایشی عیراق كراوە، كە فالح فەیاز بەرپرسی گشتی حەشدی شەعبی ئامادەبووە، ڕەخنەی توندی ئاڕاستەكراوە دوای ئەو ھێرشانەی كراوەتە سەر خۆپیشاندەران لە ڕۆژی ٦ نۆڤێمبەری مانگی ڕابردوو لە سەر پردی سنەك و گۆڕەپانی خەللانی كە بووەتە هۆی كوژرانی زیاتر لە ٤٠ كەس و دەریشكەوتووە كە میلیشیاكانی حزبوڵلا ئەنجامیانداوە”.

بەپێی وۆڵ ستریت جۆرنال كە لە مۆنتی كارلۆ-ی وەرگرتووە، كردنەدەرەوەی حەشدی شەعبی لە دوای كۆبوونەوەكەی تۆلەر-ی باڵیۆزی ئەمریكا لە بەغدا دێت لەگەڵ د.بەرھەم ساڵح سەرۆك كۆماری عیراق و ئەو سێ نامەیەی فەڕەنسا و بەریتانیا و ئەڵمانیا ئاڕاستەی سەرۆك وەزیرانی دەستلەكاركێشاوە عادل عەبدولمەھدی-یان كرد.

ئەو گرتە ڤیدیۆییە بەشێكە لەھێرشەكانی میلیشیای حەشدی شەعبی بۆ سەر خۆپیشاندەران..

داوای کردنەدەرەوەی حەشدی شەعبی دەکرێت لە بەغدادلوقمان غەفوورئەمڕۆ ١٠ی دیسێمبەر ڕۆژنامەی وۆڵ ستریت جۆرناڵ ئاشکرای کردووە، جەنگی خوێناوی ئەخوڵقێت لە عیراق ئەگەر لەیەکەم ھەنگاودا لەبەغدادی پایتەختی عێراق و دەوروبەری حەشدی شەعبی نەکرێتە دەرەوە.سەرچاوەیەک بەناوی بەرپرسی ھێزە چەکدارەکانی عێراق لیوا روکن عەبدولکەریم خەڵەف ئاشکرای کردووە کە بەرپرسی ھێزە چەکدارەکان کۆمەڵێک بڕیاری بەپەلەی دەرکردووە تایبەت بە ھێزەکانی حەشدی شەعبی لەناو شاری بەغداد-ی پایتەخت.باسی لەوەشکردووە کە یەکەم ھەنگاو دوورخستنەوەی تەواوی ھێزەکانی حەشدی شەعبی یە لە بەغداد، چونکە لەماوەی رابردوودا کارەساتی خۆێناویان خوڵقاندووە.لە بڕیارەکانی بەرپرسی ھێزە چەکدارەکاندا ھاتووە کە پێویستە دۆخی ئەمنی بەغداد تەسلیمی سوپای عیراق بکرێت. وۆڵ ستریت جۆرناڵ پشتبەستن بە لێدوانێکی ڕۆژی ٩ی دیسێمبەر -ی سەرچاوەیەک لە وەزارەتی بەرگری عێراق بۆ رادیۆی مۆنت کارلۆ، نوسیویەتی کە لیژنەی ئەمنی ئەنجومەنی نوێنەرانی عیراق داوایەکی خێرای ئاراستەی سەرۆکایەتی ئەنجومەنی وەزیران و وەزارەتی ئاسایش و ھەواڵگری و ناوخۆ و بەرگری کردووە کە دەستبەجێ حەشدی شەعبی بەغداد و دەوروبەری جێھێڵێت.ڕۆژنامەکە نووسیویەتی: "کۆبوونەوەیەکی ئەنجومەنی ئاسایشی عیراق کراوە کە،فالح فەیاز بەرپرسی گشتی حەشدی شەعبی ئامادەبووە، ڕەخنەی توندی ئاڕاستەکراوە دوای ئەو ھێرشانەی کراوەتە سەر خۆپیشاندەران لە ڕۆژی ٦ نۆڤێمبەری مانگی ڕابردوو لە سەر پردی مسنەک و گۆڕەپانی خلانی کە بۆتە کۆژرانی زیاتر لە ٤٠ کەس و دەریشکەوتووە کە میلیشیاکانی حزبوڵلا ئەنجامیانداوە."بەپێی وۆڵ ستریت جۆرنال کە لە مۆنت کارلۆ-ی وەرگرتووە، کردنەدەرەوەی حەشدی شەعبی لە دوای کۆبوونەوەکەی تۆلەر-ی باڵیۆزی ئەمریکا لە بەغداد دێت لەگەڵ د.بەرھەم ساڵح سەرۆک کۆماری عیراق و ئەو سێ نامەیەی فەرەنسا و بەریتانیا و ئەڵمانیا ئاراستەی سەرۆک وەزیرانی دەستلەکارکێشاوە عادل عەبدولمەھدی-یان کرد.ئەو گرتە ڤیدیۆیەی خوارەوە بەشێکە لەھێرشەکانی میلیشیای حەشدی شەعبی…

Posted by Luqman Ghafour on Tuesday, December 10, 2019

عێراق

كەرەنتینە و قەدەغەی هاتووچۆ دەستپێدەكاتەوە؟

خەڵك- بەشی هەواڵ

وەزارەتی تەندروستی‌ عیراق هۆشداری دەداتە هاووڵاتیان، كە ئەگەر پابەندی ڕێكارەكانی خۆپارێزی نەبن بڕیاری كەرەنتینە و قەدەغەی هاتووچۆ ڕادەگەیەنن.

ڕیاز حەلفی،‌ بەڕێوەبەری‌ تەندروستی‌ گشتی لە وەزارەتی تەندروستی عیراق بە ڕۆژنامەی (الصباح)ی نیمچە فەرمی ڕاگەیاندووە، بەهۆی‌ پێشێلكردنی‌ مەرجەكانی‌ خۆپارێزی‌ لەلایەن هاووڵاتیانەوە، ژمارەی‌ توشبووانی‌ ڕۆژانە چوار هەزار حاڵەتی‌ تێپەڕاندووە.

دەشڵێت: “تەنها 20%ی‌ هاووڵاتیان دەمامك بەكاردەهێنن و پابەندن بە ڕێكارەكانی خۆپارێزییەوە”.

ئاماژەی بەوەشكردووە، ئەو ڕێكارانەی وەزارەت دەیانگرێتە بەر بۆ ڕووبەڕووبوونەوەی پەتاكە فراوان دەكرێن لەڕێگەی زیادكردنی بێدی نەخۆشخانەكان و بنیاتنانی باڵەخانەی نەخۆشخانە لە بەغدا و پارێزگاكان.

ڕاشیگەیاندووە، لە ڕۆژانی‌ داهاتوودا وەزارەت لە نزیكەوە چاودێری‌ كۆبوونەوەی‌ هاووڵاتیان و ئاستی‌ پابەندبوونیان بە ڕێنماییەكانەوە دەكات.

جەختیشی كردەوە، لەحاڵەتێكدا ژمارەی‌ توشبووان بە ڤایرۆسەكە بەرزبووەوە وەزارەت بەرەو كەرەنتینە و قەدەغەكردنی‌ هاتووچۆ هەنگاو دەنێت.

ئاشكراشی كرد، ئەگەر ژمارەی‌ توشبووان وەك ئێستا مایەوە، ئەوە مانای‌ وایە كۆمەڵگە بەرگرییەكی‌ بەهێزی‌ هەیە و ئەوەش خواستی‌ ئەوانە و دەخوازن بەو شێوەیە بێت.

بەردەوام بە لە خوێندنەوە

عێراق

عیراق، ڕێژەی چاكبوونەوە لە پەتای كۆرۆنا 80%یە

خەڵك- بەشی هەواڵ
وتەبێژی سەرۆك وەزیرانی عیراق، سێ‌ پەرەسەندنی ئەرێنی سەبارەت بە ڕووبەڕووبوونەوەی پەتای كۆرۆنا لە عیراقدا ڕادەگەیەنێت.

ئەحمەد موللا تەڵاڵ وتەبێژی سەرۆك وەزیرانی عیراق لە كۆنفرانسێكی ڕۆژنامەوانیدا ڕایگەیاند”وەزیری تەندروستی پێی ڕاگەیاندوون كە ڕێژەی چاكبوونەوە لە پەتای كۆرۆنا گەیشتۆتە نزیكەی 80%”.

بە وتەی موللا تەڵاڵ”ڕێژەی مردن بە كۆرۆنا بۆ 2.7%دا دابەزیوە، وەزارەتی تەندروستیش ڕێكەوتنی كردووە بۆ وەرگرتنی 20%ی پێداویستی عیراق لە ڤاكسینی كۆرۆنا لە حاڵەتی پەسەندكردنی لەلایەن ڕێكخراوی تەندروستی جیهانی”.

وتەبێژی سەرۆك وەزیرانی عیراق، پێشبینی كرد ژمارەی تووشبوان بە كۆرۆنا لەگەڵ هاتنەبەری وەرزی پایز، ڕوو لە زیادبوون بكات، داواشی لە هاووڵاتیان كرد، هەموو ڕێكارەكانی خۆپارێزی بگرنەبەر.

بەردەوام بە لە خوێندنەوە

عێراق

عیراق و هەرێم، زیاتر لە 4700 حاڵەتی تووشبوونی نوێ‌ بە كۆرۆنا تۆماركرا

خەڵك- بەشی هەواڵ
وەزارەتی تەندروستی عیراق 4724 حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە چاكبوونەوەی 3682 كەسیش دەكات كە نەخۆشییەكەیان پەڕاندووە و چاكبوونەتەوە.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 4724 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران، لەگەڵ ئەمەشدا 3682 حاڵەتی چاكبوونەوەش لە هەمان ماوەدا تۆماركراوە.

بەپێی ئامارەكان، بەغدا زۆرترین ژمارەی مردن و تووشبوانی تۆماركردووە، و پاشان پارێزگەی واست لە پلەی دووەمدایە كە 430 كەس تووشی كۆرۆنا بوون.
لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا ڕەسافە: 440 حاڵەت، مەدینە توب: 87 حاڵەت، بەغدا كەرخ: 938 حاڵەت، بەسرە: 389 حاڵەت، نەجەف: 175 حاڵەت، سلێمانی: 173 حاڵەت، هەولێر: 110 حاڵەت، كەركوك: 161 حاڵەت، دهۆك: 353 حاڵەت، كەربەلا: 120 حاڵەت، واست: 430 حاڵەت، دیالە: 89 حاڵەت، میسان: 170 حاڵەت، زیقار: 289 حاڵەت، ئەنبار: 26 حاڵەت، بابل: 131 حاڵەت، سەڵاحەدین: 211 حاڵەت، نەینەوا: 127 حاڵەت، دیوانیە: 199 حاڵەت، موسەننا: 107 حاڵەت”.

هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 57 حاڵەتی گیانلەدەستدانیش كردووە لەماوەی 24 كاتژمێری ڕابردوو لە تێكڕای پارێزگەكانی عیراق و هەرێمی كوردستان، ئەمەش بەراورد بە ڕۆژانی پێشوو بە ژمارەیەكی كەمتر دادەنرێت.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 327580 كەس و لەو ژمارەیەش 8682 كەس گیانیانلەدەستداوە و 261757 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 57141 كەسن كە 546 حاڵەتیان باری تەندروستییان.

بەردەوام بە لە خوێندنەوە

کوردستان