ئێمە لە تۆرە کۆمەڵایەتیەکان

ئابوری

هاوردەكردنی 17 بەروبوومی خۆراكی لە ئێرانەوە قەدەغە كرا

خەڵك- بەشی هەواڵ
بەهۆی بوونی بەرهەمی ناوخۆیی و پاڵپشتی كردنی جوتیاران، هاوردەكردنی 17 بەروبوومی خۆراكی لە كۆماری ئیسلامی ئێرانەوە بۆ عیراق قەدەغە دەكرێن.

ئاژانسی هەواڵی (فارس)ی ئێرانی بڵاویكردەوە، بەپێی نووسراوێكی وەزارەتی كشتوكاڵی عیراقی، كە بۆ وەزارەتی كشتوكاڵی ئێران ڕەوانە كراوە، بڕیار دراوە بە قەدەغە كردنی هاوردەی 17 بەروبووم بۆ عیراق ئەوەش بەهۆی هەبوونی ئەو بەرهەمانە لە ناوخۆی وڵات، كە گەیشتۆتە ئاستی خۆژێنی.

بەپێی بڕیارەكە، هەریەكە لە بەرهەمەكانی (تەماتە، خەیار، پەتاتە، باینجان، گێزەر، پیاز، كاهوو، گەنمەشامی، خورما و شوتی، سیر، كولەكە، قەرنابیت، هەنار و كەلەرم).

سەرچاوەیەك بە ئاژانسەكەی وتووە، لە 27ی مانگی ڕابردووەوە ئەو نووسراوە لەنێوان نووسینگەی ڕاوێژكاری كۆماری ئیسلامی ئێران لە بەغدا و وەزارەتی كشتوكاڵی ئەو وڵاتە ئاڵوگۆڕ كراوە.

لە چەند ڕۆژی ڕابردووشدا شاهرخ شجری، بەڕێوەبەری گشتی گەشەپێدانی هەناردە لە وەزارەتی كشتوكاڵی ئێران ڕایگەیاند، كە بەڕێژەی 35%ی بەرهەمە كشتوكاڵیەكان هەناردەی عیراق دەكەین.

جەختیشی كردۆتەوە، ئەوەش پێویستمان بە پلانێكی 3 بۆ 5 ساڵەیە تاوەكو بەڕێژەی 10% ئەو هەناردەیە كەم بكەینەوە و زیاتر پشك بدەینە بازاڕی ئەوروپی.

ئابوری

نرخی زێڕ و دراوەكان

خەڵك – بەشی هەواڵ
نرخی زێڕ و دراوەکان بۆ ئەمڕۆ یەك شەممە بەم شێوەیەیە كە لە زەڕنگەری پێشین لە سلێمانی وەرگیراوە:

زێڕ:
Oz: 2035$
24K: 405,000
21K: 354,000
18K: 303,000
Lira 22K= 431$

دراوەكان:
100$= 123.750
100€= 145,000
100£= 159,000
100$= 723 لیرەی تورکی
100$= 2,180,000 تمەن (نەقدی)
100$= 2,300,000 تمەن (حەواڵە)

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 9ی‌ ئابی 2020 بە جێگیری ماوەتەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 56 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

بێگەرد تاڵەبانی: چەندین بەرهەمی هاوردەمان قەدەغەكرد

خەڵك – بەشی هەواڵ

وەزیری كشتوكاڵ و سەرچاوەكانی ئاوی هەرێم ڕایدەگەیەنێت: ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی وەزیری كشتوكاڵ و سەرچاوەكانی ئاو لە ڕاگەیەنراوێكدا ڕایگەیاند: لەپێناو پاراستنی بەرهەمی جوتیارانمان چەندین بەرهەمی هاوردەمان قەدەغەكرد و ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی ئاماژەی بەوەشداوە: لەماوەی ڕابردوو زانیاریمان دەستكەوت كە لە چەند دەروازەیەك بەرهەمی قەدەغەكراو هاوردە دەكەن، ئەمەش كاریگەری ڕاستەوخۆی لەسەر بەرهەمی جوتیارانمان دەبێت، بۆیە نووسرامان ئاڕاستەی ئەنجومەنی وەزیران كرد بۆ ئەوەی هەماهەنگی پێویستمان لەگەڵ بكەن و ڕێگربن لە هاوردەكردنی بەرهەمی قەدەغەكراو.

وەزیری كشتوكاڵ و سەرچاوەكانی ئاو ئەوەشی خستەڕوو: بە سوپاسەوە لە ئێستادا ئەنجومەنی وەزیران و وەزارەتی ناوخۆ هەماهەنگی پێویستمان لەگەڵ دەكەن بۆ ڕێگری لەو بەرهەمانەی قەدەغەمان كردوون.

 

بەردەوام بە لە خوێندنەوە

کوردستان