ئێمە لە تۆرە کۆمەڵایەتیەکان

ژینگە

بەفر لە حاجی ئۆمەران دەبارێت
“ناو بەناو ڕێگای سەرەكی هاتوچۆی شۆفێران دەگیرێت”

خەڵك-بەشی هەواڵ

بەڕێوەبەری ناحیەی حاجی ئۆمەران ڕایدەگەیەنێت، لە ئێستادا بەفرێكی زۆر لە ناوچەكە دەبارێت.

بەهۆی ئەو شەپۆلە باران و بەفر بارینەی هەرێمی كوردستان گرتووەتەوە لە هەندێك لە ناوچە سنوورییەكانی هەرێم ئاستەنگ بۆ هاتوچۆی شۆفێران دروست بووە، هاوكات تیمەكانی ڕاماڵینی بەفریش لە ئامادەباشیدان.

فەرزنگ ئەحمەد بەڕێوەبەری ناحیەی حاجی ئۆمەران بە (خەڵك)ی ڕاگەیاند، تا ئێستا بەشێوەیەكی گشتی ڕێگای هاتوچۆ بە بەردەوامی نەگیراوە، بەڵام ناوبەناو بەفرێكی زۆر دەبارێت و ڕێگاكە بۆ ماوەیەك دەگیرێت و دواتر كێشەی نامێنێت.

وتیشی”ئێمە تیمی بەفر ڕاماڵینمان هەیە و بەردەوام لەئامادەباشیدان و لە ئێستاشدا هەڵمەتی بەفر ڕاماڵین دەستی پێكردووە و تیمەكانی هاتوچۆ و ئاوەدانكردنەوە و ڕێگاوبان و بەرگری شارستانی و بۆ هەر حاڵەتێكی نەخوازر لە ئامادەباشیداین و هەوڵ دەدەین هاتوچۆ بەردەوام بێت و ڕانەوەستێت.

ئاشكراشیكرد، لە ئێستادا بەفرێكی زۆر باش لە حاجی ئۆمەران و دەوروبەری دەبارێت.

ژینگە

شەپۆلێكی سەرما و باران هەرێم و عیراق دەگرێتەوە

خەڵك- بەشی هەواڵ
شارەزایەكی بواری كەشناسی ئاماژە بەوەدەكات، كە ناوچەكانی وڵات دەكەونە ژێر كاریگەری شەپۆلێكی سەرما و بارانی بەلێزمە و دەشڵێت: “لە ناوەڕاستی ئەم هەفتەیەوە دەستپێدەكات”.

عەلی جابر زیادی، شارزای كەشناسی عیراقی لە ڕوونكردنەوەیەكدا ئاماژەی بەوەداوە، بەپێی نەخشەی گشتی كەشوهەوا، ناوچەكانی وڵات پێشوازی دەكات لە نزمە پاڵەپەستۆیەكی بەهێز و چالاك لە ڕۆژانی سێ‌ شەممە و چوار شەممەی ئەم هەفتەیە.

ڕاشیگەیاندووە، بەهۆی ئەو شەپۆلەوە، ناوچەكانی وڵات دەكەونە ژێر كاریگەری لێزمە باران و هەندێك كاتیش بارانی مام ناوەند.

ڕوونیشی كردۆتەوە، زۆرترینی ئەو باران و سەرمایە ناوچەكانی هەرێمی كوردستان و ڕۆژهەڵاتی شاری میسان و بەسرە و كوت و بەشێكی فوڕاتی ناوەڕاست.

جەختیشی كردۆتەوە، كە ئەو بارانە بەلێزمەیە بارستە هەوایەكی ساردی لەگەڵە بەتایبەتی لە ڕۆژانی چوار شەممە و پێنج شەممە و بەهۆیەوە پلەكانی گەرما دادەبەزن.

أ.ح

بەردەوام بە لە خوێندنەوە

ئۆتۆمبێل و تەکنەلۆژیا

حەزدەكەیت بچی بۆ مەریخ؟ ئەوا لەئێستاوە ناوی خۆت تۆمار بكە

خەڵك – لوقمان غەفوور

ئیلۆن ماسك زانا و ئەندازیار و بزنسمانی ئەمریكایی لەبواری تەكنۆلۆژیای گەردوونی، پلانی هەیە كە یەك ملیۆن كەس تا ساڵی 2050 لەڕێگەی 3 كەشتی ئاسمانی جۆری (Starship) بگەیەنێتە سەر مەریخ.

ماسك ئەمڕۆ 18ی نۆڤێمبەر، دەڵێت:”هیوادرم بنیاتی 1000 كەشتی گەردوونی بكەم لە ماوەی 10 ساڵدا كە هەر ساڵەی 100 كەشتی دەكات”.

هەروەها ئەوەشی خستەڕوو كە ئامانج لەم كارەی ئەوەیە هەر ڕۆژەی 3 كەشتی لە خەڵكی سەر زەوی لە تەكساس-ەوە ڕەوانەی مەریخ بكات بۆ هەر كەسێك ئارەزووی گەشتی سەر مەریخ-ی هەبێت.

 

لە نوسینێكدا ئاماژەی بەوەشداوە پێوستە ببێت بە نموونە كە هەركەسێك بتوانێت و گەر بیەوێت گەشتی سەر مەریج بۆ خۆی دابین بكات، هەروەها هەموو كەسێك بە شێوەی قەرزیش بێت ئەتوانێت ئەو دەرفەتە لە كیس خۆی نەدات، گەر نەتوانێت لەو كاتەدا كرێی سەفەرەكە بدات.

ئیلۆن بەرنامەكەی وایە كە هەر كەشتییەك توانای هەڵگرتنی 100 كەسی هەیە لەگەڵ 100 میگا تۆن ماددەی خۆراكی بۆ سەر مەریخ.

سیستمی كەشتییەكەش 22 مووشەكی پێوەیە كە پاڵپشتی ڕۆیشتنەكەی دەكات و درێژی كەشتییەكەش نزیكەی 3887پێ (118) مەترە و تێچووی هەر گەشتێك 1 ملیۆن دۆلارە، كەدەشێت كەسێك بە 100 هەزار دۆلار بگاتە سەر مەریخ، بەپێی خشتەی زەمەنی مانگی سێبتێمبەری 2020، یەكەم گەشت دەست پێدەكات.

ئیلۆن ریف ماسك-49 ساڵ، زانا و ئەندازیار و بزنسمانی بواری تەنكنۆلۆژیای گەردوونی ئەمریكی، خاوەن و سەرۆكی جێبەجێكاری دیزاینی كەشتی ئێكس
(Ship X)  سەرۆكی جێبەجێكار و ئەندازیاری بەرهەمی تێسلا، بەڕێوەبەری كۆمپانیای بۆرین و دامەزرێنەری هاوبەشی نیۆرلینك، دامەزرێنەری ئۆپن ئەی ئێل.

ماسك، لەساڵی 2016 لە لایەن گۆڤاری فۆربس لە لیستی 21ی بەهێزترین كەسایەتییەكانی جیهاندا بوو.

لە ساڵی 2018 هەڵبژێردرا بە هاوڕێی كۆمەڵەی پادشایی (FRS).

ساڵی 2019 ، پلەی یەكەمی بەدەستهێنا لە لیستی باشترین داهێنەرەكانی جیهان.

بەپێی گۆڤاری فۆربس سەروەتەكەی 23ملیار و 600 ملیۆن دۆلارە و بە 40 هەمین ملیاردێری جیهان ناساندویەتی.

بەردەوام بە لە خوێندنەوە

ژینگە

بەفر و باران بارین بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، باران و بەفر بارین دەستپێدەكاتەوە.

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، ئەمڕۆ شەممە ئاسمان هەوری تەواو دەبێت لەگەڵ بارینی باران لە كات و شوێنی جیاجیادات هەروەها بارینی بەفر لە ناوچە شاخاوییەكان.

ئاشكراشیدەكات، سبەینێ یەك شەممە ئاسمان هەوری تەواو دەبێت لەگەڵ بارینی نمە باران لەكات و شوێنی جیاجیادا، هەروەها بارینی بەفر لە ناوچە شاخاوییەكان.

بەردەوام بە لە خوێندنەوە

کوردستان