ئێمە لە تۆرە کۆمەڵایەتیەکان

جیهان

توركیا 11 داعشی ڕەوانەی فەڕەنسا كردەوە

لوقمان غەفوور

دوای ڕێكەوتنەكەی لوتكەی ناتۆ لەنێوان توركیا و فەڕەنسا و ئەڵمانیا و بەریتانیا، ئەمڕۆ 9ی دیسێمبەر، فەڕەنسا 11 داعش-ی وڵاتەكەی لە توركیا وەرگرتەوە.

لەچوارچێوەی ئەو ڕێككەوتنەی كە وڵاتانی ناتۆ لەگەڵ هاوتا ناتۆییەكەیان (توركیا) كردوویانە لە لوتكەی ناتۆ كە ڕۆژانی 3 و 4ی دیسێمبەر لە بەریتانیا، ڕێكخرا. توركیا 11 داعشی بەڕەگەز فەڕەنسی گەڕاندەوە بۆ وڵاتەكەی خۆیان كە بەشێكە لەو ڕێككەوتنەی نێوانیان بۆ گەڕاندنەوەی تیرۆریستان بۆ وڵاتەكەیان.

توركیا لە پڕۆسەی داگیركردنی باكووری سوریا لە سەرەتای ئۆكتۆبەر و هێرشكردنە سەر ڕۆژئاوای كوردستان، زیاتر لە 250 ژن و پیاوی چەكداری داعش-ی كەوتە دەست، لە چەند ڕۆژی ڕابردووەوە بەپێی ڕێككەوتنێك لەنێوان وڵاتانی ناتۆ دەستكراوە بەگێڕانەوەیان و لەو چوارچێوەیەدا ڕۆژی 4ی دیسێمبەر، لیزا سمیس، كارمەندی وەزارەتی بەرگری ئێرلەندا لەناو ڕیزەكانی داعش، دوای دەستبەسەربوونی لە توركیا، گەیەندرایە دادگای تاوانەكان لە دبلن، تا بە تۆمەتی تاوانی هەڵاتن لە سەربازیی و خیانەتی نیشتمانی لە ئۆكتۆبەری ٢٠١٥ – دیسێمبەری ٢٠١٩، دادگایی بكرێت.

هەرچەندە ئاژانسەكانی فەڕەنسا داوای لێدوانی فەڕمی لە وەزارەتی ناوخۆی فەڕەنسا دەكەن، بەڵام وەزارەتەكە هەموو لێدوانێك ڕەتدەكاتەوە، بەڵام سەرچاوەیەكی دیپلۆماتی دەڵێت:”11 تیرۆریستەكە، چوار ژن و 7 منداڵن”.

ئەنقەرە نیگەرانە لە پڕۆسەكە و داوادەكات پەلەبكرێت لە وەرگرتنەوەی هەموو ئەو داعشانەی لە ئەوروپاوە هاتوون بۆ ڕۆژهەڵاتی ناوەڕاست بۆ شەڕكردن لەناو ڕیزەكانی ڕێكخراوی داعش و ئێستا دەستبەسەرن لەوڵاتەكەی.

سلێمان سۆیلۆ وەزیری ناوخۆی توركیا بۆ ڕۆیتەرز وتویەتی، كە توركیا هەموو ئەو داعشانە دەگێڕێتەوە بەر لەهاتنی 2020.

جێی ئاماژەیە پاریس ڕێككەوتنێكی كۆنی لەگەڵ توركیا هەیە كە بۆ 5 ساڵ لەمەوبەر دەگەڕێتەوە كە هەر كەسێكی فەڕەنسی هەڵاتوو لە وڵاتەكەی دەستبەسەربێت، دەگێڕێتەوە بۆ فەڕەنسا. تا ئێستا لەم چوارچێوەیەدا 300 هاووڵاتی فەڕەنسی گەڕێندراوەتەوە بۆ فەڕەنسا. بەڵام سەبارەت بە گەڕانەوەی داعش-ە دەستبەسەركانی لای توركیا، فەڕەنسا ئامادەنەبوو بیانگێڕێتەوە تا دواجار ڕێككەوتنێك لە لوتكە كرا بۆ گەڕانەوەیان، بەڵام تائێستا نەزانراوە ئەوروپا و توركیا لەبەرامبەر چی ئەمە دەكەن!

هەروەها ڕۆژنامەی زە نیویۆرك تایمز لە چاپی ئەمڕۆدا، ئەوەی ئاشكراكردووە كە تا 17 نۆڤێمبەر-یش، توركیا بڕیاری داوە 18 تۆمەتباری داعش بگێڕێتەوە ئەڵمانیا و دوێنێ 8 دیسێمبەر، كەسێكی سەر بە ڕێكخراوی داعش-ی بەڕەگەز ئوسترالی گێڕایەوە بۆ وڵاتەكەی.

ڕۆژنامەی ستار سترێب-ی ئەمریكی-ش لەژمارەی ئەمڕۆدا نووسیویەتی:”توركیا 60 دەستبەسەركراوی داعشی ئامادەكردووە لەماوەی 5 ڕۆژی داهاتوودا بیگێڕیتەوە بۆ ئەڵمانیا و هۆڵەندا و دانیمارك و بەریتانیا و ئەمریكا”، دەشڵێت:”لە پەراوێزی ناتۆ-دا و لە دانیشتنێكی نا فەڕمیدا سەرۆك دۆناڵد ترەمپ ڕازی بووە كە ئەو سێ كەسە داعشە وەرگرێتەوە كە هەڵگری ڕەگەزنامەی ئەمریكین و لە ئەمریكا دادگایی بكرێن”.

جیهان

یۆنان هۆشداری دەداتەوە توركیا

خەڵك – بەشی هەواڵ

وەزیری دەرەوەی یۆنان ڕایدەگەیەنێت: پێویستە لەسەر ئەنقەرە بە زووترین كات بە سیاسەتەكانی خۆیدا بچێتەوە.

نیكۆس دیندیاس وەزیری دەرەوەی یۆنان لە تویتێكدا ئاماژەی بەوەدا، وڵاتەكەی ئامادەیە ئەگەر پێویست بكات دۆسیەی ئاڵۆزییەكانی دەریای ناوەڕاست ڕەوانەی دادگای دادی نێودەوڵەتی بكات.

ئەوەشی خستەڕوو ، توركیا دەیەوێت لە بری دۆزینەوەی چارەسەر لەبارەی دیاریكردنی سنوورە ئاوییەكانی ڕۆژهەڵاتی دەریای سپی ناوەڕاست، تۆمەتی بێ بنەما ئاڕاستەی یۆنان بكات. جەختیشیكردەوە، پێویستە لەسەر ئەنقەرە بە زووترین كات بە سیاسەتەكانی خۆیدا بچێتەوە.

وەزیری دەرەوەی یۆنان ئەوەشیخستەڕوو: ئێستا دوو بژاردە لە بەردەم توركیادایە، یان ئامادەیی دەرببڕێت بۆ گفتوگۆ و واز لە ئاڵۆزكردنی دۆخی ڕۆژهەڵاتی دەریای ناوەڕاست بهێنێت، یان خۆی بۆ بەرەنگاربوونەوەی سزاكانی یەكێتیی ئەوروپا ئامادە بكات.

بەردەوام بە لە خوێندنەوە

جیهان

ڕوحانی: كۆرۆنا بەشێوەیەكی خێراتر لە ئێران بڵاودەبێتەوە

خەڵك – بەشی هەواڵ

سەرۆك كۆماری ئێران ڕایدەگەیەنێت: ژمارەی توشبووانی ڤایرۆسی كۆرۆنا لە وڵاتەكەی بەشێوەیەكی خێرا و فراوان بڵاودەبێتەوە.

حەسەن ڕوحانی سەرۆكی كۆماری ئیسلامی ئێران لە میانی كۆبوونەوەی لەگەڵ لیژنەی باڵای بەرەنگاربوونەوەی ڤایرۆسی كۆرۆنا لە وڵاتەكەی، ڕایگەیاند: بەپێی دواین ئامارەكان، ژمارەی توشبووانی ڤایرۆسی كۆرۆنا لە ئێران بەشێوەیەكی خێرا و فراوان بڵاودەبێتەوە.

روحانی وتیشی: پێشبینی دەكرێت لە وەرزی پایزی داهاتوودا، ڤایرۆسەكە بەشێوەیەكی زۆر ترسناك تر لە ئێران بڵاوببێتەوە.

سەرۆك كۆماری ئێران داواشی لە هاووڵاتیانی وڵاتەكەی كرد، زیاتر لە جاران پابەندی ڕێنمایی و ڕێكارەكانی خۆپارێزی ببن و خۆیان لە قەرەباڵغی دووربخەنەوە.

بەردەوام بە لە خوێندنەوە

جیهان

ماكرۆن بە توركی پەیام بۆ ئەنقەرە دەنێرێت

خەڵك – بەشی هەواڵ

سەرۆكی فەڕەنسا ڕایدەگەیەنێت: بەبێ ڕێككەوتن و پەیڕەوكردنی ڕێگە چارەی ئاشتییانە، توركیا ناتوانێت لەسەر هەنگاوەكانی لە ڕۆژهەڵاتی دەریای سپی ناوەڕاست بەردەوام بێت.

ئیمانوێل ماكرۆن سەرۆكی فەڕەنسا لە جریوەیەكدا كە بە زمانی توركی لە تۆڕی كۆمەڵایەتی تویتەر بڵاویكردووەتەوە ئاماژە بەوەدەكات: یەكێتیی ئەوروپا لە بارەی ناكۆكییەكانی ڕۆژهەڵاتی دەریای سپی ناوەڕاست پەیامێكی ڕوونی ئاڕاستەی توركیا كردووە.

ئاماكرۆن ئەوەشی خستووەتەڕوو: پێویستە توركیا بە زووترین كات نیازپاكی خۆی بسەلمێنێت و بێتە سەر مێزی گفتوگۆ و بە جددی كار بكات بۆ چارەسەركردنی كێشە و ناكۆكییەكانی لەگەڵ وڵاتی یۆنان.

سەرۆكی فەڕەنسا دووپاتیشیكردووەتەوە، بەبێ ڕێككەوتن و پەیڕەوكردنی ڕێگە چارەی ئاشتییانە، توركیا ناتوانێت لەسەر هەنگاوەكانی لە ڕۆژهەڵاتی دەریای سپی ناوەڕاست بەردەوام بێت.

 

بەردەوام بە لە خوێندنەوە

کوردستان