ئێمە لە تۆرە کۆمەڵایەتیەکان

عێراق

سەركردەیەكی پێشووی حەشدی شەعبی بۆ (خەڵك) باسی بەكارهێنانی توندوتیژی دژی خۆپیشاندەران دەكات

خەڵك- بەشی هەواڵ
سەركردەیەكی پێشووی حەشدی شەعبی هیواخوازە حكومەت سازش بكات و چاكسازی زیاتر ئەنجام بدات، تا بیانووی خۆپیشاندەران ببڕێت، بەڵام بە وتەی ئەو، “هەنگاونەنانی ڕووەو ئەو ئاڕاستەیە و بەكارهێنانی توندوتیژی دژ بە خۆپیشاندەران، ڕەوشەكەی ئاڵۆزتر كردووە”.

كەریم نوری، سەركردەی پێشووی حەشدی شەعبی بە (خەڵك)ی ڕاگەیاند، “ڕێگەچارەی سەربازی و سەركوتكردنی خۆپیشاندەران، نابێتە مایەی چارەسەركردنی تەنگژەكان، بەڵكو پێویستی بە هەوڵی كۆمەڵایەتی و سیاسییە، بۆیە ئەوانەی ویستیان بەهێز چارەسەری كێشەكە بكەن، لەئێستادا باجی ئەو هەڵەیە دەدەن، بەكارهێنانی چەك دژ بە خۆپیشاندەران، زیادەڕۆیی و خراپ بەكارهێنانی چەك دەردەخات”، بەپێویستیشی زانی حكومەت خۆپیشاندەران بپارێزێت.

سەبارەت بە هەڵبژاردنی كاندیدێكی گونجاویش بۆ سەرۆك وەزیرانی داهاتووی عیراق، كەریم نوری دەڵێت: “تائێستا بابەتەكە لەو بارەیەوە یەكلایی نەكراوەتەوە، یەكلانەكردنەوەی ئەو پرسەش، ڕەوشەكە بە هەڵپەسێردراوی دەهێڵێتەوە و ناكرێت چارەسەرێكی واقعی بۆ ئەم تەنگژەیەی ئێستا بدۆزرێتەوە”.

لە مانگی تشرینی یەكەمی 2019وە خۆپیشاندان بەغدا و شارەكانی تری ناوەڕاست و باشووری عیراقی گرتۆتەوە، بەهۆی پێكداهەڵپژانی نێوان هێزە ئەمنییەكان و خۆپیشاندەرانیش، تائێستا سەدان كەس كوژراون و هەزارانی تر برینداربوون، ئەمەش هێندەی تر ڕەوشەكەی ئاڵۆزكردووە و پڕۆسەی سیاسی لە عیراقدا گەیاندۆتە ئاستێكی نەخوازراو.

عێراق

بەرهەم ساڵح: عیراق هەرگیز نابێتە پێگەیەك بۆ دەستدرێژیكردنە سەر وڵاتانی دراوسێ

خەڵك– بەشی هەواڵ

سەرۆك كۆماری عیراق ڕایدەگەیەنێت، عیراق هەرگیز نابێتە پێگەیەك بۆ دەستدرێژیكردنە سەر وڵاتانی دراوسێ یان گۆڕەپانێك بۆ یەكلایی كردنەوەی بەرژەوەندیەكان.

نووسینگەی ڕاگەیاندنی سەرۆكایەتی كۆماری عیراق لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ شەممە 18-1-2020 لە كۆشكی سەلام لە بەغدا بەرهەم ساڵح پێشوازی كرد لە ئەیمن سەفدی، وەزیری دەرەوە و كاروباری تاراوگەی ئەردەن و شاندی یاوەری و سەبارەت بە دواپێشهاتەكانی ناوچەكە و جیهان و پرسە هاوبەشەكانی نێوان هەردوو وڵات گفتوگۆ كرا.

لە دیدارەكەدا وەزیری دەرەوەی ئوردن، ڕێز و سڵاوی شاعەبدوڵای دووەم-ی گەیاندە سەرۆك كۆمار، هاوكات پشتیوانی وڵاتەی بۆ ئاسایش و سەقامگیری عیراق وەك بنەمای ڕاگری ئارامی لەناوچەكەدا دووپاتكردەوە، پەیامی شاعەبدوڵای گەیاند، بۆ پرسینی ھەواڵی تەندروستی سەماحەتی سەید سیستانی و هیوای زوو چاكبوونەوەی بۆ خواست.

بەرهەم ساڵح جەختی لە پێویستی بەرجەستەكردنی بنەماكانی ئاشتی و سەقامگیری و دورخستنەوەی جەنگ و ناكۆكییەكان لە ناوچەكەدا كردەوە، كە دەبێتە هۆی لاوازكردنی توانا مرۆیی و مادییەكان، هاوكات تەئكیدی لە پەنابردنە بەر زمانی گفتوگۆی ڕاستەقینە و ڕوون و ئاشكرا بۆ چارەسەركردنی قەیرانەكان كردەوە.

سەرۆك كۆمار ئاماژەی بەوەشكرد، كە عیراق هەرگیز نابێتە پێگەیەك بۆ دەستدرێژیكردنە سەر وڵاتانی دراوسێ یان گۆڕەپانێك بۆ یەك لاییكردنەوەی بەرژەوەندیەكان، و هەوڵیش دەدات ببێتە فاكتەرێكی گرنگ بۆ كۆكردنەوەی برایان و دۆستان، بەجۆرێك خزمەت بە بەرژەوەندییە هاوبەشەكان بكات، ھاوكات ببێتە هۆكاری بەهێزكردنی ئاشتی و ئارامی لە ناوچەكە و جیهاندا.

هەر لەدیدارەكەدا سەرۆك كۆمار تیشكی خستە سەر گرنگی بەرەوپێشبردنی پەیوەندییە دوو قۆڵییەكانی نێوان عیراق و ئەردەن و فراوانكردنی ئاسۆی هاریكاری بەجۆرێك، كە ببێتە هۆكاری كەمكردنەوەی ئاستەنگە ئابوورییەكان.

بەردەوام بە لە خوێندنەوە

عێراق

بەرپرسی پێشووی هەواڵگری سعودییە هۆشداری دەداتە عیراق

خەڵك- بەشی هەواڵ

توركی فەیسەڵ، بەرپرسی پێشووی دەزگای هەواڵگری سعودییە ڕایگەیاند، هێشتا كاتی كشانەوەی هێزەكانی ئەمریكا لە عێراق دیاری نەكراوە و هۆشداریشی دا بە عیراق لە حاڵەتی نەبوونی ئەو هێزانەدا گروپە چەكدارەكان بەهێز دەبنەوە.

توركی فەیسەڵ، بە كەناڵی CNBS ی ئەمریكی وتووە”بە كشانەوەی هێزەكانی ئەمریكا عیراق خوێنی زیاتری تێدا دەڕژێت”.

هەروەها وتویەتی”كوژرانی قاسم سولەیمانی دەریخست كە ناتوانێت لە دەست سووكایەتییەكانی ساڵی رابردووی دەربازببێت، بەڵام هێشتا رێگرنابێت لەبەردەم ئێراندا بۆ درێژەدان بە بەرنامەی كارەكانی”.

بەردەوام بە لە خوێندنەوە

عێراق

حكومەتی عیراق: بڕیاری دەركردنی هێزەكانی ئەمریكا هەرێمی كوردستانیش دەگرێتەوە

خەڵك- بەشی هەواڵ
وتەبێژی فەرماندەی گشتی هێزە چەكدارەكانی عیراق ڕایدەگەیەنێت، بڕیاری دەركردنی هێزە بیانییەكان هەرێمی كوردستانیش دەگرێتەوە، ڕەتیشدەكاتەوە لەو بارەیەوە هەرێم كێشەی هەبێت.

ئەمڕۆ شەممە، عەبدولكەریم خەڵەف وتەبێژی فەرماندەی گشتی هێزە چەكدارەكانی عیراق، بە ئاژتنسی (العراقیە)ی فەرمی ڕاگەیاند”لایەنی ئەمریكا كاتێكی دیاریی نەكردووە بۆ چوونەدەرەوەی هێزەكانی، بڕیاری دەركردنی هێزە بیانییەكانيش، بڕیارێكی سەروەرییە و هەموو خاكی عیراق دەگرێتەوە بە هەرێمی كوردسنتانیشەوە كە بەشێكە لە عیراق”.

بە وتەی عەبدولكەریم خەڵەف”هەرێم هیچ كێشەیەكی لەو بارەیەوە نییە”.

سەبارەت بە دەنگۆى دەستپێكردنەوەی كاریی هێزەكانی ئەمریكاش لە عیراق، خەڵەف لە بەیاننامەیەكی كورتدا ڕایگەیاندبوو”فەرماندەی گشتی هێزە چەكدارەكان، هیچ ڕەزامەندییەكی لەسەر دەستپێكردنەوەی پرۆسەكانی سوپای ئەمریكا لە عیراق، دەرنەبڕیوە”.

ڕۆژی پێنج شەممەی ڕابردوو، ڕۆژنامەی (نیویۆرك تایمز)ی ئەمریكایی بڵاویكردبووەوە كە بەرپرسانی ئەمریكا جەختییان لەسەر دەستپێكردنەوەی ئۆپەراسیۆنە هاوبەشەكان لەگەڵ عیراق كردووەتەوە، ئەمەش دوای 10 ڕۆژ لە هەڵپەساردنيان لەدوای كوژرانی قاسم سولەیمانی فەرماندەی فەیلەقی قودسی سوپای پاسدارانی ئێرانی و ئەبو مەهدی موهەندیس جێگری سەرۆكی دەستەی حەشدی شەعبی.

 

أ.ج

بەردەوام بە لە خوێندنەوە

کوردستان