ئێمە لە تۆرە کۆمەڵایەتیەکان

کوردستان

بۆ بەرژەوەندی خاوەن پێداویستییە تایبەتەكان 6 بڕیار بۆ فەرمانگەكان دەركرا

خەڵك – بەشی هەواڵ
بەڕێوەبەرایەتی‌ گشتی‌ چاودێری ‌‌و گەشەپێدانی‌ كۆمەڵایەتی ‌سلێمانی‌ ڕایدەگەیەنێت، مۆڵەت بە هیچ پڕۆژەیەك نادرێت تایبەتمەندی‌ خاوەن پێداویستی‌ تایبەت ڕەچاو نەكات، دەشڵێت: “لە هەر فەرمانگەیەك دوو كارمەند تەرخان دەكرێت بۆ ڕاییكردنی‌ مامەڵەی‌ هاووڵاتیانی‌ خاوەن پێداویستی‌ تایبەت”.

بەڕێوەبەرایەتی‌ گشتی‌ چاودێری ‌‌و گەشەپێدانی‌ كۆمەڵایەتی ‌سلێمانی‌ لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ یەك شەممە 8-12-2019 لە هۆڵی‌ هۆتێل تایتانیك، بە ئامادەبوونی‌ پارێزگار‌ و سەرۆكی‌ ئەنجوومەنی‌ پارێزگای‌ سلێمانی‌‌ و بەڕێوەبەری‌ گشتی‌ چاودێری‌ و گەشەپێدانی‌ كۆمەڵایەتی‌ لە پارێزگای‌ سلێمانی كۆبوونەوەیەكی‌ فراوان بە ناونیشانی‌ سلێمانی‌ بەرەو ئامانجی‌ باشترین ژینگە بۆ هاووڵاتیانی‌ خاوەن پێداویستی‌ تایبەت بەڕێوەچوو.

ڕاشیگەیاندووە، كۆبوونەوەكە پێكهاتبوو لە خستنەڕووی‌ ڕاپۆرتی‌ فەرمانگەكان و بەشداربووان سەبارەت بەو پڕۆسە كارگێڕی‌ و یاساییانەی‌ لە دامەزراوەكانیانە تایبەت بە كەمئەندامان بەڕێوەدەچێت ‌و ئەو ئاسانكارییانەی،‌ كە بۆ هاووڵاتیانی‌ كەمئەندام بەڕێوە دەچن.

ئەوەشخراوەتەڕوو، لە كۆبوونەوەكەدا گەڵاڵەكردنی‌ چەند پێشنیارێكی‌ دیكەی گونجاو بۆ دامەزراوەكان لە ئاستی‌ وەزارەت بۆ دەركردنی‌ ڕێنمایی ‌‌و بۆ پەڕلەمان بۆ هەمواركردنەوەی‌ یاسا.

بەپێی ڕاگەیەنراوەكە، لە ئەنجامی‌ كۆبوونەوەكەدا ئامادەبووان كۆكبوون لەسەر ئەم خاڵانەی‌ خوارەوە:

١ـ مۆڵەت بە هیچ بین او پڕۆژە‌ و شوێنێكی‌ ئیش نەدرێت ئەگەر تایبەتمەندی‌ هاووڵاتیانی‌ خاوەن پێداویستی‌ تایبەت ڕەچاو نەكات ‌و جێبەجێ نەكات.

٢ـ فەرمانگەكان كۆبوونەوەیەكی‌ بەڕێوەبەرایەتی‌‌ و فەرمانگەكانیان تەرخان بكەن بە گفتوگۆی‌ ئەو پڕۆسە كارگێڕییانەی‌ بۆ هاووڵاتیانی‌ خاوەن پێداویستی‌ تایبەت بەڕێوە دەچن.

٣ـ لە هەر فەرمانگەیەك دوو كارمەند تەرخان بكرێت بۆ ڕاییكردنی‌ مامەڵەی‌ هاووڵاتیانی‌ خاوەن پێداویستی‌ تایبەت.

٤ـ كارئاسانی‌ تەواو بكرێت بۆ كەمئەندامان‌ و ئیشوكارەكانیان لەسەر قورس نەكرێت.

٥ـ لە سەرجەم شوێنەكانی‌ وەستانی‌ ئۆتۆمبیل شوێنی‌ تایبەت بە ئۆتۆمبیلی‌ كەمئەندامان تەرخان بكرێت.

٦ـ بەشی‌ ئەندازیاری‌ لە بەڕێوەبەرایەتی‌ گشتی‌ ئامادەی‌ پێشكەشكردنی‌ هاوكارییە بۆ سەرجەم فەرمانگەكان بۆ جێبەجێكردنی‌ ڕێبەری‌ ستانداردە ئەندازیارییەكان بۆ ڕەچاوكردنی‌ تایبەتمەندی‌ كەمئەندامان لە پڕۆژە و بینا و باڵەخانەكاندا.

ئابوری

ڕوونکردنەوە لەسەر کاتی دابەشکردنی ١٠٠ هەزار دینارەکەی حکومەتی هەرێم دەدرێت

خەڵک – بەشی هەواڵ

وەزیری کار و کاروباری کۆمەڵایەتی حکومەتى هەرێم ڕایدەگەیەنێت، هەرکاتێک وردبینی لەو فۆڕمانە کرا، کە هاوڵاتییان پڕیانکردۆتەوە، وەزارەت پارەکە خەرجدەکات.

 

کوێستان محەمەد وەزیری کار و کاروباری کۆمەڵایەتی حکومەتى هەرێم لەکۆنفڕانسێکی ڕۆژنامەوانیدا، ڕوونکردنەوەی لەسەر کاتى دابەشکردنی بڕی ١٠٠ هەزار دیناری هاوکاری بەسەر خێزانە هەژارەکاندا دا.

 

ناوبراو ئاماژەى بەئەوەدا، فۆڕمە پڕکراوەکان لەلای بەڕێوەبەرایەتییەکانی چاودێری و گەشەپێدانی کۆمەڵایەتییە، ئەوان وردبینی دەکەن، هەرکاتێک ئەوان لە وردبینی تەواوبوون بۆ وەزارەتی دەنێرن.

 

ئاماژەى بەئەوەشدا، پاشئەوەی بەدەستیان گەیشت، ئەو پارەیە خەرجدەکەن، کە ١٠٠ هەزار دینارە.

 

بەردەوام بە لە خوێندنەوە

ئابوری

داوای کەمکردنەوەی نرخی بینینی پزیشک و دەرمان و پشکنینە پزیشکییەکان دەکرێت

خەڵک – بەشی هەواڵ

 

لەگەڵ ئەوەی داهاتی تاک لەهەرێمی کوردستان کەمیکردووە و ڕێژەى بێکاری و هەژاری بەرزبۆتەوە، بەڵام هێشتا نرخی بینینی پزیشک و دەرمان و  پشکنینەکان هەر بەرزە، بۆیە ئەنجومەنی فشار لەهەوڵدایە کە ئەم نرخانە دابەزێنن و هاوتای داهاتی تاکی بکەن.

 

دڵشاد بابانی ئەندامی ئەنجومەنى فشار لەسلێمانی بە(خەڵک)ی ڕاگەیاند، پێشتر لەگەڵ سەندیکای پزیشکان و ئەنجومەنی پارێزگای سلێمانی کۆبوونەتەوە و ئەم هەفتەیەش لەگەڵ پارێزگاری سلێمانی و سەندیکای دەرمانسازان و سەندیکای بایۆلۆجی کۆدەبنەوە و دواتر سەردانی وەزیری تەندروستی دەکەن.

 

ئاماژەى بەئەوەشدا، ئەنجومەنى پارێزگای سلێمانی هاوکارە و سەندیکای پزیشکانیش بەهەمانشێوە هاوکارن، بەڵام چەند گرفتێکیان هەیە و داوادەکەن، ئەوەیان بۆ چارەسەربکەن.

 

زیاتر ڕوونیکردەوە، پزیشکەکان گرفتی دەرمانخانە و تاقیگەکان و باج و هەندێک شتی دیکەیان هەیە، ئەوان داوای چارەسەرکردنی ئەو گرفتانە دەکەن، بۆئەوەی بتوانن نرخ بهێننە خوارەوە.

 

باسی لەئەوەشکرد، دوای ئەوەی بۆچوونی هەموو سەندیکاکان و ڕا جیاوازەکانیان کۆکردەوە، سەردانی وەزیری تەندروستی دەکەن و لەسەر ئەو پرسە گفتوگۆی لەگەڵ دەکەن.

 

بەهۆی بڵاوبوونەوەی ڤایرۆسی کۆرۆنا و دابەشنەکردنی موچە لەلایەن حکومەتى هەرێمەوە، ئاستی داهاتی تاک بەشێوەیەکی بەرچاو دابەزیوە، کە ئەرکی حکومەتە هەموو سێکتەرەکانی هەرێم ڕێکبخاتەوە، بەڵام لەساڵی ٢٠٢٠دا تەنها دوو موچەى بەتەواوی دابەشنەکردووە و هیچکام لەسێکتەرەکانی ژیانی لەگەڵ ئەو بێ موچەیی و بێکارییەدا ڕێکنەخستۆتەوە، لەو چوارچێوەیەدا نرخی بینینی پزیشک هاوشێوەی ساڵی ئاڵتونی هەرێمە کە ٢٠ هەزار یان ٢٥ هەزار دینارە، کە تەنها چەند خولەکێکی کەم نەخۆش دەبینرێت، ئەمەش بۆتە بارگرانی بەسەر هاوڵاتییانەوە.

 

 

بەردەوام بە لە خوێندنەوە

کوردستان

حكومەتی هەرێم دەست بە دابەشكردنی مووچەی مانگی 3 دەكات

خەڵك-بەشی هەواڵ

سەرۆكی فراكسیۆنی یەكگرتووی ئیسلامی كوردستان لە پەڕلەمانی كوردستان ڕایدەگەیەنێت، پێشبینی دەكرێت بەمزوانە هەرێم و بەغدا ڕێككەوتنێك واژۆ بكەن و لەم ڕۆژانەشدا مووچەی مانگی سێ دابەش بكرێت.

د.شێركۆ جەودەت سەرۆكی فراكسیۆنی یەكگرتووی ئیسلامی كوردستان لەپەڕلەمانی كوردستان بە میدیای حزبەكەی ڕاگەیاند، لە ئێستادا پێشبینیەك هەیە كە هەواڵێكی دڵخۆشكەرە و لەم ڕۆژانەدا ڕێككەوتنێك لەسەر چارەسەركردنی كێشەی مووچەخۆرانی هەرێم لە نێوان حكومەتی هەرێم و حكومەتی بەغدا واژۆ دەكرێت.

وتیشی”بەپێی زانیارییەكان حكومەتی بەغدا بڕێك پارە بۆ مووچە دەنێرێت و حكومەتی هەرێمیش لە داهاتی ناوخۆ پارە ئامادە دەكات و بەو شێوەیە مووچەی مانگی سێی پێ دابەش دەكات”.
ئاشكراشیكرد، تا ئێستا ڕوون نیە كە مووچەی تەواوەتی دابەش دەكرێت یاخود بە لێبڕینەوە دەبێت و پێشبینی ئەوەش دەكرێت مانگانە مووچە لەكاتی خۆیدا دابەش بكرێت.

بەردەوام بە لە خوێندنەوە

کوردستان