ئێمە لە تۆرە کۆمەڵایەتیەکان

کوردستان

كارەبای سلێمانی ڕونكردنەوەیەكی لەسەر دەنگۆی نەمانی كارەبای نیشتیمانی بڵاوكردەوە

خەڵك- بەشی هەواڵ

لە ڕونكردنەوەیەكدا بەڕێوەبەرایەتی كارەبای سلێمانی ئەو دەنگۆیانەی ڕەتكردەوە، كە باس لە ئەگەری نەمانی كارەبای نیشتیمانی دەكەن، لەزاری بەڕێوەبەری گشتییەوە و ڕایگەیاندوە، بەمەبەست دەستكاری قسەكانی بەڕێوەبەری كارەبای سلێمانی كراوە.

دەقی ڕونكردنەوەكە:

سەبارەت بەو لێداوانەی ئەمڕۆی ئەندازیار سالار حسام الدین بەڕێوەبەری گشتی كارەبای سلێمانی لە چوارچێوەی سیمینارێكدا، كە لەسەر پێوەری زیرەك و دۆخی كارەبا سازكرابوو لە زانكۆی كەشەپێدان ساكرابوو، بەرێوەبەری گشتی لە میانی لێدوانێك بۆ كەناڵەكانی راگەیاندن ئاماژەی بە دۆخی كارەبای كوردستان كردوە، كە لەسەرەتا هاتنی وەرزی زستاندا پلەكانی گەرما بەشێوەیەك دابەزی كە مەسجێكی ترسناكی پێدانی كە ئەمساڵ بارودخی كارەبا خراپ دەبێت، ئەوكات بەرێوەبەری كۆنترڵی كارەبای سیلێمانی ئاگاداری كردین كە ئەگەر كارەبا نیشتمانی بۆ كەمتر لە (7) كاتژمێر دابەزێت، رەنگە هەر بتوانین كارەبا بە شوێنە گشتییەكان بدەین.

بەڵام خۆشبەشخانە لە رۆژانی رابردوو ئاستی بەرهەمهێنانی كارەبا بەرەوپێشچوونی باشی بەخۆیەوە بینی و 300 بۆ 400 مێگاوات بۆ ناو تۆڕی كارەبا زیاد بوو، ئەوەش وایكرد دوێنی 8 بۆ 9 كاتژمێر كارەبا بە هاوڵاتیان بدەن، ئەو مەترسیە تێپەرێنین، لەگەڵ ئەوەی بەفرێكی زۆر لە سنورەكە باریوە.

بەداخەوە بەشێك لە میدیاكان بۆ سەرلێشواندنی خەڵك و زیادركردنی ریچ و لایكی پەبجەكانیان لێدوانەكەی بەرێوەبەری گشتیان بەپێچەوانەی مەبەست بڵاوكردوە، كە دڵەڕاوكێی لەناوخەڵك دروستكردوە.

راگەیاندنی بەڕێوەبەرایەتی گشتی كارەبای سلێمانی
8/12/2019

کوردستان

یاسین مەحمود ڕەشید بروسكەیەكی ماتەمینی ئاڕاستەی سیداد بارزانی دەكات

خەڵك – بەشی هەواڵ

یاسین مەحمود ڕەشید سەرۆكی یەكێتی وەبەرهێنەرانی كوردستان – سلێمانی بروسكەیەكی ماتەمینی ئاڕاستەی سیداد بارزانی دەكات، بەبۆنەی كۆچی دوایی هاوژینی (عەبدولموهەیمین شێخ سولەیمان) ئامۆزایان.

 

دەقی بروسكەكە:

 

بەناوی خوای مەزن و دلۆڤان

بروسكەی ماتەمینی

بەرێز؛ جەنابی كاك سیداد بارزانی

لەدەستدانی ئەندامێكی دیار و تێكۆشەری بنەماڵەسەربەرزەكەتان هاوژینی بەڕێز (عەبدولموهەیمین شێخ سولەیمان)ی ئامۆزاتان، لە دڵەوە خەمباری كردووین، پرسەو سەرەخۆشی خۆمانتان ئاڕاستە دەكەین، لە یەزدانی گەورەو باڵادەست خوازیار و دوعاخوازین، كۆچكردوو جێی بەهەشت بێ و تەمەنی درێژی بۆ جەنابتان جێهێشتبێت.

جارێكی دیكە سەرخۆشی خۆم و سەرجەم وەبەرهێنەرانی كوردستان بە تایبەت ئاڕاستەی جەنابی سەرۆك مەسعود بارزانی دەكەین و هیواخوازی لەشساخی و تەمەن دڕێژین بۆ بەرێزیان و دوا ناخۆشی بنەماڵەكەتان بێت.

انا للە و انا الیە راجعون

براتان

یاسین مەحمود ڕەشید
سەرۆكی یەكێتی وەبەرهێنەرانی كوردستان – سلێمانی

بەردەوام بە لە خوێندنەوە

ئابوری

“بەشێكی زۆری هاووڵاتیان لە نەوتی سپی بێبەش دەبن”

خەڵك – بەشی هەواڵ

ئەندامێكی لیژنەی وزە و سامانە سروشتییەكانی پەرلەمانی كوردستان ڕایدەگەیەنێت: بەشێكی زۆری هاووڵاتیان لە نەوتی سپی بێبەش دەبن.

كاروان گەزنەیی ئەندامی لیژنەی وزە و سامانە سروشتییەكانی پەرلەمانی كوردستان ڕایگەیاند، ئەمساڵیش بەهەمانشێوەی ساڵانی ڕابردوو هاووڵاتیان لە نەوتی سپی بێبەش دەبن، لەكاتێكدا حەوت مانگ لەمەوبەر كێشەكە بە 15 ملیۆن دۆلار چارەسەر دەبوو.

جێی ئاماژەیە، لەلایەن حكومەتی عیراقەوە بڕی 150 ملیۆن لیتر نەوتی سپی بۆ هاووڵاتیانی هەرێم دیاری كراوە و ڕۆژانە ڕەوانەی شارەكانی هەرێم دەكرێت و لە ئێستاشدا لە پارێزگای سلێمانی و ناوچە ساردەكانی دهۆك دەست بە دابەشكردن كراوە، بەڵام دابەشكردنەكە لەو شوێنانە دەستی پێكردووە كە ساڵی پار دابەش كردن تێیدا وەستابوو بەمەش ئەمساڵ بەشێكی زۆر لەو هاووڵاتیيانەی كە پار نەوتیان وەرگرتووە بێبەش دەبن لەوەرگرتنی ئەو بڕە نەوتە.

بەردەوام بە لە خوێندنەوە

کوردستان

لوتكە: 10 كۆچبەری كورد ئەشكەنجە دراون

خەڵك – بەشی هەواڵ

دەزگای لوتكە بۆ كاروباری ئاوارە و پەنابەران ڕایدەگەیەنێت، لەلایەن پۆلیسی كراوتیاوە، 10 كۆچبەری كورد ڕووبەڕووی لێدان و ئەشكەنجە بوونەتەوە و سەگیش بەردراوەتە یەكێك لەكۆچبەرە ژنەكان.

دەزگای لوتكە بۆ كاروباری ئاوارە و پەنابەران لە ڕاگەیەنراوێكدا ڕایگەیاند، 10 كۆچبەری كورد كە چەند جارێك هەوڵی گەیشتنیان داوە بۆ ئەڵمانیا، لەلایەن پۆلیسی كرواتیاوە ڕووبەڕووی لێدان و ئەشكەنجە بوونەتەوە و سەگی پۆلیسیش بەرداوەتە گیانی ژنێك، كەلوپەل و مۆبایل و پارەكانیان لێسەندوون لەپێناو تۆمارنەكردنی هیچ بەڵگەیەك لەلایەن كۆچبەرەكانەوە.

بەپێی ڕاگەیەنراوەكەی دەزگای لوتكە، یەكێك لە كۆچبەرەكان ڕایگەیاندووە، لە بۆسنەی پایتەخت نیشتەجێن و لەسەر ئەركی خۆیان نان و شوێنی مانەوە دابیندەكەن، بەهۆی وەرزی سەرماوە تەندروستی زۆرینەیان ناجێگیرە، ناشزانن بردراون بۆ چ زیندانێك بەڵام لەوێ ئەشكەنجەیان داون و لە درەنگانی شەودا لە چیایەكی بۆسنە بەجێیانهێشتوون، هەموو جارێكیش هەشت كاتژمێر بەبێ هیچ ئامێرێكی زیرەك بەپێ ڕۆیشتوون.

باسی لەوەشكردووە، ئەوان 10 كەسن كە لە نێویاندا ئافرەتێك و منداڵێكیان لەگەڵدایە و تەمەنیان لە نێوان 16-45 ساڵانە، بەشێكیان نەخۆشی درێژخایەنیان لەگەڵدایە، لەلایەن پۆلیسی كرواتیاشەوە، پەنجەمۆر و واژۆ بە كۆچبەرەكان دەكەن سەرەڕای ئەوەش دواتر دیپۆرتی بۆسنەیان دەكەنەوە.

دەزگای لوتكە بۆ كاروباری ئاوارە و پەنابەران ئاماژەی بەوەشكردووە، پەنابەرەكان داوا دەكەن دەنگیان بگاتە لایەنی پەیوەندیدار، لەپێناو دەركەوتنی ڕەفتارەكانی پۆلیسی كرواتیا.

بەردەوام بە لە خوێندنەوە

کوردستان