ئێمە لە تۆرە کۆمەڵایەتیەکان

ماڵداری

10 به‌كارهێنانی سه‌یر و سه‌مه‌ره‌ بۆ سوراوی له‌ماع کە زۆر بەسوودە بۆت

خێزان

كه‌رسته‌ی جوانكاری Lip balm كه‌ له‌ كوردستان به‌ سوراوی له‌ماع ناسراوه‌ له‌ بنه‌ڕه‌تدا بۆ پێدانی ره‌ونه‌ق و شێداركردنه‌وه‌ی لێوه‌كانه‌، له‌ كاتێكدا ده‌توانیت له‌ چه‌ندین بواری دیكه‌دا سوودی لێوه‌ربگریت:

 

-گه‌ر پێڵاوه‌كه‌ت ته‌نگبێت ده‌توانیت كه‌مێك ئه‌و سوراوه‌ی لێبده‌یت و دواتر به‌ باشی له‌پێی بكه‌یت.

-له‌ كاتێكدا كه‌ ئه‌ڵقه‌ بۆ په‌نجه‌تان ته‌نگه‌ ده‌توانن سودی بیده‌ن له‌ ده‌ور و به‌ره‌كه‌یی و ئه‌ڵقه‌كه‌ بهێننه‌ ده‌ره‌وه‌.

-بۆ لابردنی ئه‌و شوختانه‌ی له‌سه‌ر پێڵاوی چه‌رم دروستده‌بێت زۆر به‌سوده‌.

-به‌هۆی جۆری پێكهاته‌كه‌یه‌وه‌ ده‌توانیت برینه‌ بچوكه‌كانی پێچاره‌سه‌ربكه‌یت و خوێنه‌كه‌ی بوه‌ستێنیت.

-ده‌توانیت له‌ رێگه‌ی ئه‌و سوراوه‌ له‌ ماعه‌وه‌ برۆكانت چڕتر و جوانتر ده‌ربخه‌یت.

-له‌ كاتی وه‌رزی سه‌رما گه‌ر له‌ هه‌ڵامه‌ت ده‌ترسیت، ده‌توانیت كه‌مێك ئه‌و سوراوه‌ بده‌یت له‌ نزیك لێوه‌كانت و ڕێگری له‌ دروستبونی سوربونه‌وه‌و خوروو بگریت.

-له‌ كاتی پێویستدا كه‌ هیچ ڕوناكیه‌ك ده‌ستنه‌كه‌وت ده‌توانیت وه‌ك مۆم به‌كاری بهێنیت.

-له‌ پێكهاته‌كه‌یدا نه‌وت هه‌یه‌ كه‌ بۆ ئاگر كردنه‌وه‌ زۆر گونجاوه‌ گه‌ر داری وشكت ده‌ستنه‌كه‌وت.

-گه‌ر زنجیره‌كه‌ت گیری خوارد به‌م سوراوه‌ چاره‌سه‌ری بكه‌.

-به‌ر له‌وه‌ی بۆن له‌ خۆت بده‌یت كه‌مێك له‌ماع له‌ شوێنه‌كه‌ی بده‌، دواتر ده‌بینیت بۆنه‌كه‌ زۆر زیاتر ده‌مێنێته‌وه‌.

ریکلام

ماڵداری

قەیسی وشک و هەنگوین تێکەڵبکە و گیراوەیەکی بۆ مووی روخسارت لێ درووستبکە، زۆر کاریگەرە

خێزان
به‌شێك له‌ خانمان كێشه‌ی بونی موویان هه‌یه‌ له‌ ده‌وروبه‌ری لێویان كه‌ وه‌ك سمێڵێكی ته‌نك ده‌رده‌كه‌وێت، بۆ ئه‌وه‌ش كه‌ره‌سته‌ی جۆراوجۆر بۆ لابردنی مووه‌كه‌ به‌كارده‌هێندرێت.


باشترین چاره‌سه‌ر بۆ لابردن و نه‌هێشتنی ئه‌و مووه‌ گیراوه‌ سروشتیه‌كانه‌ كه‌ چه‌ند جۆرێكیی هه‌یه‌و ئه‌مه‌ی خواره‌وه‌ یه‌كێكه‌ له‌ باشترین و گونجاوترین گیراوه‌كان.

 

پێداویستیەکان:
-نیو كوپ قه‌یسی وشك

-کەوچکەچایەک هەنگووین

 

قەیسیە وشکەکە جوان بیشێله‌ تا ده‌بێته‌ هه‌ویرێك، دواتر هه‌نگوینەکەی تێبكه‌و له‌گه‌ڵ هه‌ویره‌كه‌دا جوان تێكی وه‌ربده‌  بیده‌ له‌و شوێنه‌ی ڕوخسارت كه‌ ده‌ته‌وێت مووه‌كه‌ی نه‌مێنێت و بۆ ماوه‌ی 5 تا 10 خوله‌ك پێوه‌ی به‌جێ بهێڵه‌، پاشانیش به‌ ده‌سته‌كانت بۆ ماوه‌ی 20 خوله‌كێك بڵاوی بكه‌ره‌وه‌ و دواتر به‌ ئاوی شله‌تێن بیشۆره‌وه‌.

بەردەوام بە لە خوێندنەوە

ماڵداری

تا ئێستا هێلكه‌ت كوڵاندووه‌و ئه‌و پارچه‌ لیمۆیه‌ت تێنه‌كردووه‌؟ كارێكی نادرووسته‌!

خێزان

كاتێك هێلكه‌ ده‌كوڵێنین خه‌ممان ئه‌وه‌یه‌ كه‌ توێكڵه‌كه‌ی به‌باشی لێنه‌بێته‌وه‌، هه‌موو ئه‌و كاره‌ ئاسان ده‌بێت گه‌ر بۆ له‌مه‌ودوا ئه‌م تاكتیكه‌ به‌كار بهێنیت.

له‌ كاتی كوڵاندنی هێلكه‌دا یه‌ك پارچه‌ی بچوك لیمۆ بكه‌ره‌ ناو ئاوه‌كه‌وه‌، ئیدی پاش ئه‌وه‌ زۆر به‌ ئاسانی و جوانی توێكڵه‌كه‌ی لێده‌بێته‌وه‌.

گه‌ر هه‌ر لیمۆشت له‌به‌رده‌ستدا نه‌بوو ده‌توانیت كه‌وچكه‌چایه‌ك سۆده‌ی تێبكه‌یت و هه‌مان ڕۆڵ ده‌بینێت.

 

بەردەوام بە لە خوێندنەوە

ماڵداری

٤ ڕێگای ئاسان و کاریگەر بۆ ئەوەی قژت والێبکەیت وەک شوشە ڕەونەق بداتەوە

خێزان

ئەمەی خوارەوە چەند گیراوە و ڕێنماییەکی جوانکارییە بۆ قژت کە بۆ خانمان زۆر بەسوودە:

 

-بۆدرەی منداڵ لەگەڵ سۆدی نان تێکەڵبکە و بیدە لە قژت و پێی دابهێنە، دواتر قژت بشۆرەوە، قژەکە جوان و ڕەونەقدار دەکات.

-مایۆنیز بدە لەقژت و نیو کاتژمێر پێوەی بهێڵەرەوە، دواتر بیشۆرەوە و قژەت زۆر ڕەونەقدار دەکات.

-سەرەتا قژت بە بیرەیەک بشۆرە و دواتر بە ئاو و شامپۆی ئاسایی، قژت زۆر جوان و ڕەونەقدار دەکات.

-کەمێک کۆندیشنەری قژ بکەرە ئاوەوە و دواتر بیکەرە قتویەکەوە و لەکاتی پێویست کەمێک بەسەر قژتدا بپرژێنە، قژەکەت زۆر ڕەونەقدار دەکات.

 

بەردەوام بە لە خوێندنەوە

کوردستان