ئێمە لە تۆرە کۆمەڵایەتیەکان

ئابوری

مەسرور بارزانی: دەستكەوتی بەرچاو بەدیهاتوون


خەڵك- بەشی هەواڵ
سەرۆك وەزیرانی هەرێمی كوردستان بەبۆنەی تێپەڕبوونی 100 ڕۆژ بەسەر دەستبەكاربوونی حكومەتی هەرێمەوە ڕایدەگەیەنێت، كە دەستكەوتی بەرچاوومان بەدەستهێناوە و دەشڵێت: “50%ی داهاتی ناوخۆ لەڕێگەی ڕێكخستنەوەی باج زیاد دەكەین”.

مەسرور بارزانی، سەرۆك وەزیرانی هەرێم لە وتارەكەیدا ئاماژەی بەوەكرد، كە ڕێكاری توندمان گرتۆتە بەر بەرامبەر ئەوانەی بۆ ڕاپەڕاندنی كارەكان لە دامودەزگا حكومیەكان بەرتیل وەردەگرن و چەندین كارمەند و خاوەن كارمان لەكار لاداوە.

ڕاشیگەیاند، كە قۆناغی باشمان بڕیوە و دەستكەوتی باش بەدیهاتوون و بە پشتیوانی خوا و هاووڵاتیان بەردەوام دەبین و چاوپۆشی لە گەندەڵكاران ناكەین.

ئاشكراشی كرد، كە دوای پێداچوونەوەیەكی ورد بە پڕۆژەی چاكسازی لە ئێستادا ئامادە بووە و ڕەوانەی پەڕلەمانی دەكەین بۆ پەسەند كردنی.

سەرۆك وەزیرانی هەرێم وتیشی، “تا كۆتایی ساڵ 50%ی داهاتی ناوخۆ زیاد دەكەین ئەوەش لەڕێگەی ڕێكخستنەوەی سیستمی باج و ناهێڵین كۆمپانیاكان لە پێدانی باج خۆیان بدزنەوە”.

جەختیشی، “ئێستا داوامی فەرمانبەران باشتر بووە و دەوامی ڕێكوپێك دەكەن و كاردانەوەی هاووڵاتیانمان بەدەست دەگاتەوە، كە خۆشحاڵن كاروبارەكانیان خێرا ڕایی دەكرێت”.

سەبارەت بە پەیوەندیەكانی هەولێر و بەغدا، مەسرور بارزانی ئاماژەی بەوەكرد، كە پەیوەندییەكان بەرەو باشتر چوون و دوای دەستبەكاربوونمان ڕاستەوخۆ بۆ دەربڕینی نازپاكی چووینە بەغدا و دەمانەوێت ڕێككەوتنی گشتگیر بكەین و خۆشحاڵانە لەسەر چوار تەوەر لەگەڵ بەغدا گفتوگۆ دەكەین، كە بودجە و دەسەڵاتەكانی هەرێم و ناوچە دابڕێنراوەكان و هێزی پێشمەرگەیە.

جەختیشی كردەوە، كە هەوڵەكانمان بەردەوامە بۆ ئەوەی بودجەی هەرێم دابین بكرێت تاوەكو مووچەی فەرمانبەران كێشەی نەبێت و جارێكی دیكە تووشی كێشەی پاشەكەوتی مووچە نەبینەوە.

داواشی لە حزب و لایەنەكان كرد، “ئەم حكومەتە هی هەمووانە و لە كارە چاكەكان هاوكارمان بن و خاڵە خراپ و كەموكوڕەكانمان بۆ دیاری بكەن” و جەختیشی كردەوە، كە لەم دۆخە نالەبارەی ناوچەكە پێویستمان بە یەكگرتوویی و هەماهەنگی زیاترە.

دەقی وتارێکمان بەبۆنەی تێپەڕبوونی 100 رۆژ کارکردنی کابینەی نۆیەمی حکومەتی ھەرێمی کوردستان،

‎‏‎كوردی / Kurdi Latini / عربي / Türkçeدەقی وتارێکمان بەبۆنەی تێپەڕبوونی 100 رۆژ کارکردنی کابینەی نۆیەمی حکومەتی ھەرێمی کوردستان، کە تێیدا رۆشنایمان خستە سەر ئەو پێشکەوتنانەی تا ئێستا بەدیھاتوون و ھەنگاوەکانی داھاتوو بەرەو کوردستانێکی بەھێزتر.___Naveroka gotareke me ya bi minasebeta derbasbûna 100 roj kar kirina kabîneya nû ya hikûmeta herêma Kurdistanê, ku têde me balkêşandiye ser ev pêşkeftinên ku niha hatine bidestxistin û pêngavên dahatî yên ber bi Kurdistaneke bihêztir ve.___نص الخطاب الذي ألقيناه بمناسبة مرور ١٠٠ يوم من عمل التشكيلة الوزارية التاسعة لحكومة إقليم كوردستان والتي سلطنا الضوء خلالها على الإنجازات التي تحققت خلال الفترة الماضية والخطوات المرتقبة نحو كوردستان اكثر قوة.___Kürdistan Bölgesi’nin yeni hükümet kabinesinin 100’üncü günü münasebetiyle yaptığımız sunumda, güçlü bir Kürdistan için bugüne kadarki gelişmeler ve gelecekteki atılımlara vurgu yaptık.

Posted by Masrour Barzani on Saturday, December 7, 2019

ئابوری

داوا دەكرێت مۆلیدە ئەهلیەكان پارەی ئەم مانگە وەرنەگرن


خەڵك- بەشی هەواڵ
لەدوای ئەو زیانەی بەر خاوەن كێڵگە پەلەوەریيەكان كەوت لەم مانگەدا لەئێستادا ئەو كۆمەڵەیە زیاتر لە ١٥٠٠ خێزان هاوكاری دەكەن و داوایەك ئاڕاستەی خاوەن مۆلیدەكان دەكەن.

نازم عبدوڵا جاف، جێگری سەرۆكی كۆمەڵەی كێڵگە پەلەوەريیەكان ڕایگەیاند، لەمانگی ڕابردودا بڕی پێنج ملیار دینار زیان بەر خاوەن كێڵگە پەلەوەریيەكان كەوتووە، كەزۆربەیان خاوەن كێڵگەكانی سلێمانی بوون، هەربۆیە لەم قەیرانەدا توانیمان هاوكاری زیاتر لە ١٥٠٠ خێزان بكەین و سەبەتەی خواردن بگەیەنین بۆ ماڵەكانیان.

وتیشی، “پێویستە تەواوی خاوەن مۆلیدە ئەهلیەكان لە شاری سلێمانی بە ئەركی نیشتمانی خۆیان هەستن و بۆ ئەم مانگە پارەی مۆلیدە لە هاووڵاتیان وەرنەگرن ئەمەش وەك پشتیوانیەك بۆ هاووڵاتیانی بێكار تا شوێن دەستی خۆیان دیاری بكەن لەم سەردەمی كۆرۆنایەدا”.

لەئێستادا بەشێكی زۆر لەخاوەن موڵكەكان لەكرێی مانگانەی كرێچیەكانیان خۆشبوون و داوادەكەن هەموو لایەك هاوكاری خەڵكی هەژار و كەم دەرامەتان بكەن.

بەردەوام بە لە خوێندنەوە

ئابوری

شارەوانی ڕێكارەكانی دابەشكردنی مووچە بڵاودەكاتەوە


خەڵك- بەشی هەواڵ
سەرۆكایەتی شارەوانی سلێمانی ڕێكارەكانی دابەشكردنی مووچەی فەرمانبەران بڵاودەكاتەوە و جەختیشدەكاتەوە، كە ھەوڵبدرێت مووچەكە بگەیەنرێتە دەستی فەرمانبەران لە ماڵەكانیان و دەشڵێت: “گرنگی تەواو بدرێت بە بەكارھێنانی دەستكێش و دەمامك”.

سەرۆكایەتی شارەوانی سلێمانی لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، بەمەبەستی دابەشكردنی مووچە بەشێوەیەكی تەندروست و خۆپارێزی لە ڤایرۆسی كۆرۆنا تكایە پەیڕەوی ئەم خاڵانەی لای خوارەوە بكە:

١- تەنها لیژنەكانی دابەشكردنی مووچە لەناو فەرمانگەدا دەبن.
٢- لیژنەی دابەشكردنی مووچەی كارمەندانی كارگەی قیر و ئامێرەكان كاتژمێر (١٢:٠٠) سەردانی سەرۆكایەتی شارەوانی سلێمانی بكەن بەمەبەستی وەرگرتنی مووچەی فەرمانبەرەكانیان.
٣- لیژنەی دابەشكردنی مووچەی خزمەتگوزاری (ڕۆژهەڵات – باشور – باكور) كاتژمێر (١٢:٣٠) سەردانی سەرۆكایەتی شارەوانی سلێمانی بكەن بەمەبەستی وەرگرتنی مووچەی فەرمانبەرەكانیان.
٤- لیژنەی دابەشكردنی مووچەی زیادەڕەویی و ئاوەڕۆ و كارگێڕی خزمەتگوزاری كاتژمێر (١:٠٠) سەردانی شارەوانی سلێمانی بكەن بەمەبەستی وەرگرتنی مووچەكانیان.
٥- داوا لە سەرجەم لیژنەكانی دابەشكردنی مووچەی ناو سەرۆكایەتی شارەوانی سلێمانی دەكەین كاتژمێر (٢:٠٠) سەردانی شارەوانی بكەن بەمەبەستی وەرگرتنی مووچەی فەرمانبەرەكانیان.

ئاماژەی بەوەشكردووە، داوا لە سەرجەم فەرمانبەران دەكەین تەنھا یەك نوێنەریان سەردانی لیژنەی مووچە بكەن بەم شێوەیەی لای خوارەوە:
1- كاتژمێر (٢:٠٠ _ ٣:٠٠ ) ئەو كەسانە ئامادەبن كە ناویان لە لیستی ئەندازیاران و شارەوانی (یەك) و ماستەرپلان و ناوەندی نەخشەداناندا ھەیە.
2- كاتژمێر ( ٣:٠٠ _ ٤:٠٠) ئەو فەرمانبەرانە ئامادەبن، كە ناویان لە لیستی ئەندازیارانی شارەوانی دوو-دا ھەیە.

ڕاشیگەیاندووە، بۆ باش بەڕێوەبردنی پڕۆسەی دابەشكردنی مووچە و دووركەوتنەوە لە بەریەككەوتن و ڕەوشی خۆپارێزی ھەوڵبدەن كەمترین ژمارەی نوێنەر بێنە ناو فەرمانگە و ھەوڵبدرێت مووچەكە بگەیەنرێتە دەستی فەرمانبەران لە ماڵەكانیان.

سەرۆكایەتی شارەوانی سلێمانی جەختیشی كردۆتەوە، گرنگی تەواو بدرێت بە بەكارھێنانی دەستكێش و دەمامك.

بەردەوام بە لە خوێندنەوە

ئابوری

عیراق، بڕی هەناردە و داهاتی نەوتی مانگی ئاداری ڕابردوو ڕادەگەیەنرێت


خەڵك- بەشی هەواڵ
وەزارەتی نەوتی عیراق، بڕی هەناردە و داهاتی بەدەستهاتووی مانگی ئاداری ڕابردوو رادەگەیەنێت، ئەمەش بە پشتبەستن بە ئامارێكی كۆمپانیای بەبازاڕكردنی نەوتی عیراق (سۆمۆ).

ئەمڕۆ چوار شەممە، عاسم جیهاد وتەبێژی وەزارەتی نەوتی عیراق لە بەیاننامەیەكدا ڕایگەیاند”لە مانگی ئاداری رابردوودا، لە كێڵگە نەوتییەكانی باشووری عیراق، بڕی (101) ملیۆن و (395) هەزار 907) بەرمیل نەوت هەنارەكراوە، لە كیڵگە نەوتییەكانی كەركوكیش بەرەو بەندەری جەیهان، (3) ملیۆن و (287) هەزار و (439) بەرمیل نەوت هەناردە كراوە، لە كێڵگەی نەوتی گەیارەش (129) هەزار و (41) بەرمیل نەوت هەناردەكراوە، بڕی (290) هەزار و (450) بەرمیل نەوتیش بۆ ئەردەن هەناردەكراوە.

بە وتەی عاسم جیهاد”كۆی گشتی هەناردەی ڕۆژانەی نەوت لە مانگی ئاداری ڕابردوو گەیشتووەتە (3) ملیۆن و (390) هەزار بەرمیل كە (3) ملیۆن و (271) هەزار بەرمیلیان لە بەندەرەكانی بەسرەوە هەناردەكراوە و لە بەندەری جەیهانی توركیاشەوە هەناردەی ڕۆژانە گەیشتووەتە (106) هەزار بەرمیل، هەناردەی ڕۆژانەی نەوتی كێلًَگەكانی گەیارەش (4) هەزار بەرمیل بووە و بڕی (9) هەزار بەرمیلیش بۆ ئەردەن هەناردەكراوە.

هەر لە بەیاننامەكەی وەزارەتی نەوتدا هاتووە”تێكڕای نرخی بەرمیلێكی فرۆشراو بە (28.436) دۆلار بووە، كۆی داهاتی نەوتە هەناردەكراوەكەش (2) ملیار و (988) ملیۆن و (711) هەزار دۆلار بووە.

بەردەوام بە لە خوێندنەوە

کوردستان