ئێمە لە تۆرە کۆمەڵایەتیەکان

عێراق

پەڕلەمانی عیراق كۆبوونەوەی نائاسایی ئەنجام دەدات

خەڵك- بەشی هەواڵ

جێگری سەرۆكی پەڕلەمانی عیراق و ڕەوتی سەدر داوای بەپەلە ئەنجامدانی كۆبوونەوەی نائاسایی پەڕلەمان دەكەن بۆ لێكۆڵینەوە لە كوشتنی خۆپیشاندەران و هێرشكردنە سەر ماڵی سەدر لە نەجەف.

حەسەن كەعبی، جێگری سەرۆكی پەڕلەمانی عیراق لە بەیاننامەیەكدا ئاماژەی بەوەكردووە، كە پێویستە فەرماندە ئەمنییەكان بچنە ژێر باری بەرپرسیارێتی پاراستنی گیانی خۆپیشاندەران، كە داوای چاكسازی و گۆڕانكاری و ڕووبەڕووبوونەوەی گەندەڵی دەكەن.

ڕاشیگەیاندووە، كە پێویستە لێپرسینەوە لە هەموو ئەو لایەن و كەسایەتیانە بكرێت، كە تێوەگلاون لە كوشتنی خۆپیشاندەران لە بەغدا و پارێزگاكان و هەروەها بەئامانج گرتنی ناوچەی حەنانە لە نەجەف.

جێگری سەرۆكی پەڕلەمان داواشی لە سەرۆكایەتی پەڕلەمان كردووە، كە ڕۆژی دوو شەممە كۆبوونەوەی بەپەلە و نائاسایی ئەنجام بدەن بۆ لێكۆڵینەوە لەو ڕووداوانە.

لای خۆشیەوە، ڕەوتی سەدر لە بەیاننامەیەكدا ئیدانەی هێرشی ئاسمانی بۆ سەر ماڵی موقتەدا سەدر دەكات و ڕایدەگەیەنێت، پێویستە لێكۆڵینەوە لە ڕووداوی تەقەكردن لە خۆپیشاندەران و هێرشكردنە سەر ماڵی سەدر لە نەجەف بكرێت.

ڕاشیگەیاندووە، پێویستە پەڕلەمان كۆبوونەوەی نائاسایی بۆ ئەو دۆخە ئەنجام بدات.

عێراق

بەغدا.. ئۆتۆمبێلێك تەقييەوە و سێ‌ كەس بوونە قوربانی

خەڵك – بەشی هەواڵ

بۆمبێكی چێنراو لە ڕۆژهەڵاتی بەغدا تەقییەوە و بەهۆیەوە سێ‌ كەس برینداربوون.

میدیا عیراقییەكان لە زاری سەرچاوەیەكی ئەمنییەوە بڵاویانكردەوە، بۆمبێكی چێنراو لە ناو ئۆتۆمبێلێكی جۆری (كیا) لە ڕێگای (قەناتی جەیش) لە ڕۆژهەڵاتی بەغدا تەقیوەتەوە و بەهۆیەوە سێ‌ لە سەرنشینانی ئۆتۆمبێلەكە بە سەختی برینداربوون.

ئاماژە بەوەشدراوە: دوابەدوای ڕووداوەكە بریندارەكان ڕەوانەی نەخۆشخانە كراون و هێزە ئەمنییەكان دەستیان بە ئەنجامدانی لێكۆڵينەوە لە ڕووداوەكە كردووە.

ك.ج

بەردەوام بە لە خوێندنەوە

عێراق

پەڕلەمانی عیراق پشووی زستانە وەردەگرێت

خەڵك – بەشی هەواڵ
سەرچاوەیەك لە پەڕلەمانی عیراق ڕایدەگەیەنێت، ئاگادار نین لە كۆبوونەوەی ئەمڕۆی پەڕلەمان و كۆبوونەوەكە لە لایەن سەرۆكی پەڕلەمانەوە ڕێكنەخراوە، دەشڵیت: “پەڕلەمان كەوتۆتە پشووەوە و تا 3-3-2020 كۆنابێتەوە”.

سەرچاوەیەك لە پەڕلەمانی عیراق بە (خەڵك) ی ڕاگەیاند، ئێمە لە هەفتەی پێشووەوە ئاگادار كراوینەوە، كە ئەمڕۆ كۆتا ڕۆژە و پەڕلەمان دەكەوێتە پشووی یاسایی زستانەی خۆیەوە، بۆیە ئاگادار نیم كۆبوونەوە لە پەڕلەمانی عیراق كراوە”.

وتیشی، “ئێمە لە لایەن سەرۆكی پەڕلەمانەوە ئاگادار كراوین، كە كۆبوونەوەكە ناكرێت، ئەوەی ئەمڕۆ لە پەڕلەمان كۆبوونەوە بووە لەسەر داوای جێگری سەرۆكی پەڕلەمان بووە، نازانین ئەجێندای كۆبوونەوەكە بۆ چی بووە”.

ڕاشیگەیاند، ئەگەر هەر حاڵەتێكی لەناكاو هاتە پێش و پێویستی بە كۆبوونەوە كرد ئەوا پەڕلەمان كۆبوونەوەی نائاسایی ئەنجام دەدات، بە پێچەوانە هیچ كۆبوونەوەیەكی دیكە تا 3ی ئازاری 2020 ناكرێت.

ئەمە لەكاتێكدایە، لە دانیشتنەكەی ئەمڕۆدا ڕێژەی یاسایی پەڕلەمانتاران ئامادە نەبوون و لە كۆی (329) نوێنەر، تەنیا (74)یان ‌هاتبوونە كۆبوونەوەكە، بۆیە سەرۆكایەتی پەڕلەمان دانیشتنەكەی گۆڕیوە بۆ گفتوگۆی كراوە.

بەردەوام بە لە خوێندنەوە

عێراق

بەهۆی خۆپیشاندانەوە سبەینێ‌ لە پارێزگایەكی عیراق پشووە

خەڵك- بەشی هەواڵ

ئێوارەی ئەمڕۆ دوو شەممە، زوهێر شەعلان، پارێزگای دیوانیە ڕایگەیاند، سبەینێ‌ پشووی فەرمییە.

لە ڕاگەیەندراوێكدا، كە میدیاكانی عیراق بڵاویانكردۆتەوە، پارێزگای دیوانیە وردەكاری و هۆكارەكەی ئاشكرانەكردووە، بەڵام تەنها وتویەتی بۆ پاراستنی سەلامەتی فەرمانبەران و هاووڵاتیان سبەینێ‌ دەبێتە پشوو.

ئەمڕۆ لە خۆپیشاندانێكی فراواندا لە شاری دیوانیە توندوتیژی لێكەوتەوە و چەند خۆپیشاندەرێك برینداربوون.

ماوەی سێ‌ مانگە خۆپیشاندانی فراوان لە عیراقدا بۆ گۆڕینی سیستمی وڵات بەڕێوەدەچێت و تائێستا سەرۆك وەزیرانی عیراق دەستی لەكاركێشاوەتەوە و چەند یاسایەكیش گۆڕانكارییان تێدا كراوە.

بەردەوام بە لە خوێندنەوە

کوردستان