ئێمە لە تۆرە کۆمەڵایەتیەکان

عێراق

لێكۆڵینەوە لە ڕووداوەكەی شەوی ڕابردووی بەغدا دەكرێت

خەڵك- بەشی هەواڵ
فەرماندەیی ئۆپەراسیۆنە هاوبەشەكانی بەغدا رایگەیەنێت، لێكۆڵینەوە لە ڕووداوی هێرشكردنە سەر خۆپیشاندەران دەكەن، داوای دروستكردنی پەرژینێكی ئەمنیش دەكات لە چواردەوری خۆپیشاندەران.

بەپێی ڕاگەیەندراوێك كە لەلایەن فەرماندەیی ئۆپەراسیۆنە هاوبەشەكانی بەغداوە بڵاوكراەوەتەوە”قەیس ئەلحەمداوی فەرماندەی فەرماندەیی ئۆپەراسیۆنە هاوبەشەكانی بەغدا ڕایگەیاندووە، ئەو چەكدارانەی هێرشیان كردە سەر خۆپیشاندەران بە ئۆتۆمبێلی تایبەوە هاتبوون”، جەختیشی لەسەر ئەنجامدانی لێكۆڵینەوەیەكی ورد كرد لەو بارەیەوە.

هەر لە ڕاگەیەندراوەكەدا هاتووە”ڕوداوەكە بەهۆی ئەوەوە بووە كە خۆپیشاندەران ڕەتیانكردبووەوە هێزە ئەمنییەكان لە ناوچەكەدا بن و پارێزگاریان لێبكەن”، داواشی كرد لەمەودوا پەرژینێكی ئەمنی بەچواردەوری خۆپیشاندەراندا دروست بكرێت “تا ڕووبەڕووی هێرش نەبنەوە” ڕەتیشكردەوە هەوڵ بۆ بڵاوەپێكردنیان بدات.

فەرماندەی فەرماندەیی ئۆپەراسیۆنەكانی بەغدا دەڵێت”شەوی ڕابردوو پێكداهەڵپژان لەنێوان خۆپیشاندەراندا ڕوویداوە و دوابەدوای ئەوەش لەلایەن گروپێكی چەكداری نەناسراوەوە پەلاماردراون”.

میدیاكانی عیراق دەڵێن، بەهۆی تەقەكردنەكەی شەوی ڕابردوو لە گۆڕەپانی خەڵانی و پردی سنەك لە بەغدا لەلایەن ژمارەیەك چەكداری دەمامكدارەوە، 21 كەس كوژران و 123 كەسی تر برینداربوون، كۆمسیۆنی باڵای مافەكانی مرۆڤیش هۆشداریی دابوو لەبارەی داڕوخانی ڕەوشی ئەمنی لە وڵاتدا.

عێراق

عادل عەبدولمەهدی‌ هۆشداری‌ دەدات

خەڵك – بەشی هەواڵ

سەرۆك وەزیرانی‌ دەستلەكاركێشاوەی عیراق ڕایدەگەیەنێت، نابێت بە هیچ شێوەیەك هێرش بكرێتەسەر نوێنەرایەتییە دیپلۆماتییەكان، هۆشداریشیدا لەوەی‌ بە ئامانجكردنی‌ باڵیۆزخانەی‌ ئەمریكا دەرەنجامی‌ خراپی‌ بۆ عیراق دەبێت.

عادل عەبدولمەهدی سەرۆك وەزیرانی دەستلەكاركێشاوەی عیراق لە ڕاگەیەنراوێكدا سەبارەت بە مووشەكبارانكردنی ناوچەی سەوز و باڵیۆزخانەی ئەمریكا لە بەغدا، نیگەرانیی سەبارەت بە پێشێلكردنی سەروەریی عیراق و زیانگەیاندن بە نێردە دیپلۆماتییەكان دەربڕی.

عەبدولمەهدی ئاماژەبەوەدەكات: “فەرمان كراوە بە بڵاوەكردنەوەی‌ هێزە ئەمنییەكان تا دەستبكەن بە پشكنین بۆ ڕێگرتن لە دووبارەبوونەوەی ئەو دەستدرێژییانە”.

سەرۆك وەزیرانی دەستلەكاركێشاوەی عیراق ئەوەشیخستەڕوو: “حكومەت پابەندە بە پاراستنی سەرجەم نێردە دیپلۆماتییەكانی وڵاتان لە خاكی عیراقدا و نابێت بە هیچ شێوەیەك هێرش بكرێتەسەر نوێنەرایەتییە دیپلۆماتییەكان”.

عادل عەبدولمەهدی هۆشداریدا لە هێرشكردنە سەر نێردە دیپلۆماتییەكانی وڵاتان و مووشەكبارانكردنیان و ڕایگەیاند:”ئەو جۆرە كارانە مەترسیی گەورەی بۆسەر عیراق هەیە و وڵات دەكاتە گۆڕەپانی شەڕ، بەتایبەت لەكاتێكدا كە حكومەت دەستیكردووە بە گرتنەبەری ڕێوشوێنەكان بۆ جێبەجێكردنی بڕیارەكەی ئەنجومەنی نوێنەران تایبەت بە دەركردنی هێزە بیانییەكان لە عیراقدا”.

ئەمەش لەكاتێكدایە، شانەی ڕاگەیاندنی ئەمنی عیراقی لە ڕاگەیەنراوێكدا ئاشكرایكرد، ئێوارەی ئەمڕۆ یەكشەممە پێنج مووشەكی جۆری كاتیۆشا ئاڕاستەی ناوچەی سەوز لە بەغدا كراون و هێرشەكە هیچ زیانێكی بەدواوە نەبووە، هەروەها بەهۆی ئەو مووشەكانەوە باڵیۆزخانەی ئەمریكا زەنگی ئاگاداركردنەوەی لێداوە.
ك.ج

بەردەوام بە لە خوێندنەوە

عێراق

هاوپەیمانی نێودەوڵەتی: ئۆپراسیۆنەكانمان دژ بە داعش لە عیراق ڕاگیراون

خەڵك – بەشی هەواڵ

وتەبێژی ئۆپەراسیۆنە هاوبەشەكانی هاوپەیمانیی نێودەوڵەتیی دژ بە داعش ڕایدەگەیەنێت: “ئۆپراسیۆنەكانمان دژ بە داعش لەمكاتەدا ڕاگیراون، بەڵام لەكاتێكدا ڕاگیراون كە ئێمە هێشتا پەیوەندیی نزیكمان لەگەڵ هێزە ئەمنییە عیراقییە هاوبەشەكانمان هەیە”.

مایڵز كاگینز وتەبێژی ئۆپەراسیۆنە هاوبەشەكانی هاوپەیمانیی نێودەوڵەتیی دژ بە داعش ڕایگەیاند:”ئۆپراسیۆنە سەربازییەكانی دژ بە داعش راگیراون و هاوپەیمانی ئۆپراسیۆنی سەربازی دژ بە داعش لە دەرەوەی بنكە سەربازییەكان ئەنجام نادات و كاری لەپێشینەی ئێمە پاراستنی هێزە سەربازییەكانمانە. ئێمە ئاستی بەرگریكردن لە بنكەكاندا بەرزتر دەكەینەوە. دیواری كۆنكرێتی زیاتر و هەندێك بابەتی تر كە ئاسایشی ئێمە لەو هەڕەشانەی ماوەی ڕابردوو و هەڕەشە مووشەكییەكان بپارێزێت. هاوپەیمانیی نێودەوڵەتی پلانی نییە هێزی سەربازی زیاتر بهێنێت یان بەشێوەیەكی گەورە جووڵە بە هێزەكانی لە عیراق بكات”.

مایڵز كاگینز لەبارەی هێزەكانیان لە ڕۆژئاوای كوردستان ئەوەیخستەڕوو:”هێزەكانی هاوپەیمانان لەگەڵ هێزەكانی سوریای دیموكرات (هەسەدە) هاوبەشن. ئەركی سەرەكیمان تێكشكاندنی چەكدارە هەڵاتووەكانی داعشە، هەروەها ئێمە لەوێین تا بەرگری لە نەوتەكە بكەین. نەوتەكە بۆ (هەسەدە) گرنگە تا خەرجیی ئەركەكانیان دابینبكەن و بتوانن خەرجیی پڕۆسەكانی هێشتنەوەی زیاتر لە 10 هەزار ئەندامی دەستگیركراوی داعش دابین بكەن”.

ك.ج

بەردەوام بە لە خوێندنەوە

عێراق

بەغدا.. پێنج مووشەك ئاڕاستەی ناوچەی سەوز كران

خەڵك – بەشی هەواڵ

شانەی ڕاگەیاندنی ئەمنی عیراقی بڵاویكردەوە، پێنج مووشەكی كاتیۆشا لە ناوچەی سەوزی بەغدا كەوتوونەتە خوارەوە.

شانەی ڕاگەیاندنی ئەمنی عیراقی لە ڕاگەیەنراوێكدا ئاشكرایكرد، ئێوارەی ئەمڕۆ یەكشەممە پێنج مووشەكی جۆری كاتیۆشا ئاڕاستەی ناوچەی سەوز لە بەغدا كراون.

شانەی ڕاگەیاندنی ئەمنی عیراقی ئەوەشیخستووەتەڕوو، هێرشەكە هیچ زیانێكی بەدواوە نەبووە، هەروەها بەهۆی ئەو مووشەكانەوە باڵیۆزخانەی ئەمریكا لە بەغدا زەنگی ئاگاداركردنەوەی لێداوە.

ك.ج

بەردەوام بە لە خوێندنەوە

کوردستان