ئێمە لە تۆرە کۆمەڵایەتیەکان

کوردستان

نەخۆشخانەی فێركاری ڕانیە دادەخرێت

خەڵك- بەشی هەواڵ
بەڕێوەبەرایەتی گشتی تەندروستی ڕاپەڕین ڕایدەگەیەنێت، لە ئەمڕۆ شەممەوە نەخۆشخانەی فێركاری ڕانیە بە ڕووی هاوڵاتیاندا دادەخرێت، هۆكاریی داخستنەكەش بۆ نۆژەنكردنەوە دەگێڕێتەوە.

بەپێی ڕاگەیەندراوێك كە لەلایەن بەڕێوەبەرایەتی تەندروستی ڕاپەڕینەوە بڵاوكراوەتەوە” نەخۆشخانەی فێركاری ڕانیە لە ڕۆژی شەممە 2019/12/7 بەهۆی نۆژەنكردنەوە دادەخرێت، بۆیە بۆ هەر حالەتێكی كتوپڕی نەخوازراو، واتا فریاگوزاری لە نەخۆشخانەی منداڵان و منداڵبوون ستافەكە لەخزمەت هاوڵاتیاندا دەبن”.

لەبارەی ئەو نەخۆشانەی نۆرەی نەشتەرگەرییان هەیە بەڕێوەیەرایەتی گشتی تەندروستی ڕاپەڕین دەڵێت “بۆ ئەو نەخۆشانەی نۆرەی نەشتەرگەریان گرتووە ، لەمەودوا نەشتەرگەریەكان لە نەخۆشخانەی گشتی چوارقوڕنە دەكرێن كە دەكەوێت پشت ئاسایش و كۆمیتەی چوارقوڕنە”.

هەر لە ڕاگەیەندراوەكەشدا هاتووە”ڕاوێژكاری بەیانیان، واتا ئیستیشاری، هەرلە شوێنی خۆیی دەمێنێت بۆ بینین و چارەسەركردنی نەخۆش لە بەیانیانداو نۆرینگەی دەرەكیش لەدوای نیوەڕۆ و شەوان لەهەمان بینای ئیستیشاری ڕانیە لەخزمەت هاوڵاتیاندا دەبێت”.

کوردستان

سەرۆكی هەرێم: مانەوەی هێزەكانی ئەمریكا لە عیراق پێویستە

خەڵك –بەشی هەواڵ

نێچیرڤان بارزانی رایگەیاند “هەڵوێستی هەرێمی كوردستان لەبارەی هێزەكانی ئەمەریكا و هاوپەیمانانەوە لە عێراق ڕوونە، ئەم هێزانە لەسەر داوای عێراق هاتوون بۆ یارمەتیدانی عێراق لە ساڵی 2014ەوە و تا ئێستاش مانەوەیان لە عێراق بۆ بەرەنگاربوونەوەی داعش پێویستە، چونكە تا ئێستاش داعش مەترسییەكی گەورەیە نەك هەر بۆ هەرێمی كوردستان، بەڵكوو بۆ هەموو عێراق.

سەرۆكی هەرێمی كوردستان لە كۆنگرەیەكی رۆژنامەنووسیدا لە داڤۆس وتیشی “ئەم هێزانە دەبێت بمێننەوە تا ئەو كاتەی هەموو لایەكمان بە بڕواوە دەتوانین بڵێین داعش كۆتایی هاتووە”.

نێچیرڤان بارزانی ڕاشیگەیاند “ئێمە بە شێوەیەكی فەرمی لەلایەن كۆڕبەندی ئابووریی داڤۆسەوە داوەت كراوین كە ئەمساڵ پەنجایەمین ساڵی كۆنفرانسەكەیان بوو. ئێمە لەو چوارچێوەیەدا‌ بەشداریمان كردووە، بۆ ئێمە وەك هەرێمی كوردستان دەرفەتێكە كە بەشدار دەبین لەم شوینانە دید و بۆچوونی خۆمان لەسەر دۆخی هەرێمی كوردستان و ئەو پێشهاتانەی ئەمڕۆ لە عێراقدا بە شێوەیەكی گشتی هەن، لەگەڵ بەرپرسانی باڵای واتانی دیكە كە بەشدار دەبن لەم كۆنفرانسەدا، باس بكەین، چونكە خۆتان دەزانن پرسی عێراق و ئەو پێشهاتانەی لە ناوچەكە بە شێوەیەكی گشتی هەیە، جێی بایەخی هەموو ئەو وڵاتانەیە”.

بەردەوام بە لە خوێندنەوە

کوردستان

وەزارەتی تەندروستی ڕونكردنەوەیەكی بڵاوكردەوە

خەڵك- بەشی هەواڵ

وەزارەتی تەندروستی حكومەتی هەرێمی كوردستان ڕونكردنەوەیەكی لەسەر بڵاوبوونەوەی ڤایرۆسێكی مەترسیدار بڵاوكردەوە و ڕایگەیاند، ڕێوشوێنی پێویست لە هەرێمی كوردستان گیراوەتەبەر.

ڕوونكردنەوەیەك لە وەزارەتی تەندروستی حكومەتی هەرێمی كوردستان دەربارەی ڤایرۆسی كۆڕۆنای نوێ ۲۰۱۹ ی چین
2019-nCov
دوابەدوای بڵاوبونەوەی هەواڵی سەرهەڵدانی جۆرێكی نوێ لە ڤایرۆسی كۆڕۆنا لە شاری ووهان لە وڵاتی چین، كە بەگوێرەی دوا ڕاپۆڕتی ڕێكخراوی جیهانی WHO تاوەكو ئێستا ٥٥۷ كەس توشبوون و ۱۷ كەس مروون و ڕێژەی كوشندەیی تا ئێستا ٤٪ ، جگە لە ووڵاتی چین، لە چەند وڵاتێكی تری ئاسیا وەك یابان، كۆریا، تایلەند و سەنغافورا تۆماركراوە.
لە هەرێمی كوردستان وەك سەرجەم وڵاتانی تری جیهان لەنزیكەوە بەهەماهەنگی لەگەڵ ڕێكخراوی تەندروستی جیهانی WHO چاودێری بارودۆخی پەتاكە دەكەین و ڕێكاری پێویست دەگرینە بەر.
تاوەكو ئێستا ئەو زانیاری و ڕاسپاردانەی هەیە بۆ بەرەنگاربوونەوەی ڤایرۆسەكە پێویست ناكات پشكنین و جاودێری لە فڕۆكەخانە و خاڵە سنوریەكان و شوێنە گشتیەكان بگیرێتەبەر بەڵكو ڕێكارەكان هەمان ڕێوشوێنی كۆنتڕۆڵ و خۆپارێزیە لە پەتای ڤایرۆسی ئەنفلوەنزا وەك پەتاگەری، زوو دۆزینەوە و جیاكردنەوە و چارەسەركردن و هۆشیاری تەندروستی لە خۆپارێزی كەسی وەك زوو زوو دەست شووشتن، خۆ بەدوورگرتن لەشوێنی قەڵەباڵغ و داخراو لەگەڵ پاپەندبوون بە ئەتەكێتی كۆكین و پژمین وەك داپۆشینی دەم و لووت.

وەزارەتی تەندروستی
حكومەتی هەرێمی كوردستان
24 كانونی دووەم 2020

بەردەوام بە لە خوێندنەوە

کوردستان

ئەمشەو تەرمی پێنج قوربانی كورد دەگەڕێنرێتەوە

خەڵك- بەشی هەواڵ

بڕیارە ئەمشەو تەرمی پێنج گەنج، كە لە ڕێگەی گەشتنە وڵاتانی ئەوروپادا گیانیان لەدەستدا بگەڕێنرێنەوە بۆ فڕۆكەخانەی سلێمانی.

بەشی ڕاگەیاندن و پەیوەندییەكانی فڕۆكەخانەی سلێمانی نوسیویەتی”وابڕیارە لە كاتژمێر ٨:٤٥ ی ئەمشەو تەرمی (٥) لە قوربانیانی دەریایی ئایۆن بگاتە فڕۆكەخانەی نێودەوڵەتی سلێمانی”

لە ناوەڕاستی ئەم مانگەدا بەهۆی نقوم بوونی بەلەمێك چەند كۆچبەرێكی كورد بوونە قوربانی و لە ماوەی ڕابردووشدا وتەبێژی حكومەتی هەرێمی كوردستان ڕایگەیاند، ئاسانكارییان كردووە بۆ گەڕانەوەی تەرمەكانیان.

بەردەوام بە لە خوێندنەوە

کوردستان