ئێمە لە تۆرە کۆمەڵایەتیەکان

جیهان

ئەمریکا، چەند بەرپرسێکی عیراقی سزا دا

خەڵک ـ بەشی هەواڵ

وه‌زاره‌تی گه‌نجینه‌ی ئه‌مریكا، سزای چەند به‌رپرسێکی عیراقی دا، كه‌ سیانیان به‌رپرسی حه‌شدی شه‌عبین.

وه‌زاره‌تی گه‌نجینه‌ی ئه‌مریكا، هه‌ریه‌ك له‌ قه‌یس خزعه‌لی سه‌رۆكی عه‌سائیبی ئه‌هلی حه‌ق، له‌یس خزعه‌لی برای،  خه‌میس خه‌نجه‌ر و حوسێن فالح عه‌زیز لامی له سزا دا.

وه‌زاره‌تی گه‌نجینه‌ی ئه‌مریكا باس له‌وه‌ ده‌كات، قه‌یس خزعه‌لی و ئه‌للامی، تۆمه‌تبارن به‌ به‌رته‌سكردنه‌وه‌ی ئازادی به‌رده‌می خۆپیشانده‌ران و خه‌میس خه‌نجه‌ریش كه‌ به‌رپرسێكی حكومییه‌ كاری له‌سه‌ر رێككه‌وتنی “گه‌وره‌ی گه‌نده‌ڵی” كردووه‌.

پێشتر ستیڤن منوچین، وه‌زیری گه‌نجینه‌ی ئه‌مریكا رایگه‌یاندبوو، سزای زیاتر به‌سه‌ر ئێراندا ده‌سه‌پێنن و ئه‌وه‌شی ئاشكرا كردبوو، كه‌ چه‌ند به‌رپرسێكی عێراقیش ده‌كه‌ونه‌ لیستی سزاكانی واشنتن.

ئەم سزایەی وەزارەتی گەنجینەی ئەمریکا لەسەر بنچینەی پێشێلکاری لە مافەکانی مرۆڤ و گەندەڵییە.

جیهان

ئاماری قوربانیانی خۆپیشاندانەكانی بەیروت ئاشكرا كرا

خەڵك-بەشی هەواڵ

 

زیاتر لە 700 كەس بەهۆی پێكدادانی نێوان خۆپیشاندەرانی بەیروت و هێزە ئەمنییەكان بریندار بوون.
كەناڵی ئەلجەزیرە بڵاویكردەوە، 728 خۆپیشاندەر بەهۆی پێكدادانیان لەگەڵ هێزە ئەمنیەكان بریندار بوون.
ئاشكراشیكرد، هێزە ئەمنییەكان گازی فرمێسك ڕێژیان بەسەر خۆپیشاندەراندا ڕشتووە.

خۆپیشاندانەكانی بەیروت دوای تەقینەوەكانی 4ی ئەم مانگە لە نزیك بنكەیەكی هێزە دەریاییەكانی لوبنان سەریهەڵدا و لە ڕووداوەكەدا 158 كەس گیانیان لەدەستدا و 6 هەزاری دیكەش بریندار بوون و بە دەیان خانو و ئۆتۆمبێلی لەناوبرد.

بەردەوام بە لە خوێندنەوە

جیهان

ئیسپەر پشتیوانی بڕیاری كشانەوەی هێزەكانیان لە ئەڵمانیا دەكات

خەڵك – بەشی هەواڵ
مارك ئیسپەر وەزیری بەرگری ئەمریكا پشتیوانی لە بڕیاری كشانەوەی بەشێكی هێزە سەربازییەكانیان لە ئەڵمانیا دەكات و دەڵێت بەشێكە لە سنوورداركردنی جموجوڵەكانی ڕوسیا.

ئیسپەر لە میانی لێدوانێكی بۆ كەناڵی فۆكس نیوز ڕایگەیاند دەمانەوێت هێزی زیاترەمان لە ڕۆژهەڵاتی ئەوروپا هەبێت بۆ ئەوەی نزیكتربن لە سنوورەكانی ڕوسیا.

جەختیشیكردەوە كە ئەو پلانە بەشێكە لە ستراتیژی سنوورداركردنی جموجوڵەكانی ڕوسیا و تیشی: “زۆربەی هاوپەیمانەكانمان كە قسەم لەگەڵ كردوون ئەو پلانە بە هەنگاوێكی باش دەزانن”.

پێشتر وەزارەتی بەرگری ئەمریكا ڕایگەیانبدوو كە نزیكەی 12 هەزار سەرباز لە ئەڵمانیا دەكێشێتەوە و دوابەدوای ئەوەش هەزار سەربازی بۆ پۆڵەندە ڕەوانەكرد و چوونە پاڵ ئەو چوار هەزار و 500 سەربازەی پێشتر لەو وڵاتە جێگیركرابوون.

بەردەوام بە لە خوێندنەوە

جیهان

حەوت تووشبووی كۆرۆنا لە شوێنی چارەسەركردنیان سووتان

خەڵك – بەشی هەواڵ
لە ناوەندێكی چارەسەركردنی تووشبووانی كۆرۆنا لە هندستان، حەوت كەس بە هۆی ئاگرەوە گیانیان لە دەست دا.

ئەمڕۆ یەك شەممە پۆلیسی هندستان ڕایگەیاند لە هەرێمی ئەندرا برادیسی باشووری هندستان ئاگر لە هۆتێل كەوتەوە كە بۆ چارەسەركردنی تووشبووانی كۆرۆنا بەكاردەهێنرا.

ڕوونیشیكردەوە كە لانیكەم حەوت كەس لە نێو هۆتێلەكەدا سووتان و گیانیان لە دەست دا.

بەردەوام بە لە خوێندنەوە

کوردستان