ئێمە لە تۆرە کۆمەڵایەتیەکان

جیهان

ترەمپ: لەگەڵ ئەردۆغان پرسی كورد و دۆخی سوریامان تاووتوێ‌ كرد

خەڵك – بەشی هەواڵ

سەرۆكی ئەمریكا ئاشكرای دەكات لە كۆبوونەوەكەیدا لەگەڵ سەرۆكی توركیا لە پەراوێزی كۆبوونەوەی سەركردەكانی ناتۆ گفتوگۆیان لەسەر پرسی كورد و سوریا كردووە.

دۆناڵد ترەمپ سەرۆكی ئەمریكا لە لێدوانێكدا بۆ ڕۆژنامەوانان ڕایگەیاند، لە كۆبوونەوە دوو قۆڵییەكەیدا لەگەڵ ڕەجەب تەیب ئەردۆغان سەرۆكی توركیا تاووتوێی پرسی كورد و دۆخی سوریایان كردووە.
ترەمپ وتیشی، “ئاگربەست لە باكووری سوریا تا ئێستاش بەردەوامە و لەوبارەیەوە توركیا كاری باشی لەسەر سنوور كردووە”.

هاوكات میدیاكانی توركیا بڵاویانكردووەتەوە، دوای دانیشتنی سەرەكی لوتكەی سەركردەكانی ناتۆ، ئەردۆغان و ترەمپ كۆبوونەوە و كۆبوونەوەكەش لە هۆتێل The Grove كە لوتكەكەی تیادا بەڕێوەدەچێت بەداخراوی بەڕووی ڕاگەیاندنەكاندا بەڕێوەچووە و نیو كاتژمێری خایاندووە.

جێی ئاماژەیە، وتەكانی ترەمپ لە بارەی بەردەوامی ئاگربەست لە باكووری سوریا و هەڵسوكەوتی توركیا لەو ناوچەیە لە كاتێكدایە، بەردەوام لێپرسراوانی هێزەكانی سوریای دیموكرات (هەسەدە) باس لە پێشێلكردنی ئاگربەست دەكەن لە لایەن دەوڵەتی توركیاوە و لە نوێترین هێرشی توركیاش بۆ سەر ناوچە كوردنشینەكان 12 هاووڵاتی مەدەنی لە تەلڕەفعەت كە زۆرینەیان منداڵ بوون شەهید بوون و 8 منداڵیش برینداربوون.

جیهان

ئێران، هەڵویستی خۆی لەسەر ڕێكەوتنی ئیمارات و ئیسرائیل ڕاگەیاند

خەڵك-بەشی هەواڵ

سەرۆك كۆماری ئێران ڕایدەگەیەنێت، ڕاگرتنی 4 كەشتی ئێرانی لە لایەن ئەمریكاوە درۆیەكی گەورەیە.

حەسەن ڕۆحانی سەرۆك كۆماری ئێران لە كۆبوونەوەیەكیدا لەگەڵ لیژنەی بەرەنگار بوونەوەی كۆرۆنا ڕایگەیاند، ڕاگرتنی 4 كەشتی ئێرانی لە لایەن ئەمریكاوە درۆیەكی گەورەیە.
وتیشی”ئەمریكا بۆ پەردەپۆشكردنی شكستەكەی لە ئەنجومەنی ئاسایش ئەو بابەتە دەوروژێنێت”.

ئاشكراشیكرد، شكستی ئەمریكا لە ئەنجومەنی ئاسایش سەركەوتنی سیاسی ئێران بووە، تەنانەت ڕێككەوتنی ئەتۆمیش دەتوانێ ئەمریكا زەلیل بكات.

سەبارەت بە ڕێككەوتنی ئیسرائیل و ئیمارات ناوبراو ڕایگەیاند، هیوادارین وڵاتانی ناوچەكە وانە فێر ببن لە زەلیل بوونی ئەمریكا و نزیكی ئەو ڕژێمە داگیركەر و ستەمكارە نەكەون كە ساڵانێكە خەریكی ستەم كردنە.

بەردەوام بە لە خوێندنەوە

جیهان

ڕوسیا دەستی بە بەرهەمهێنانی ڤاكسینی دژ بە كۆرۆنا كرد

خەڵك-بەشی هەواڵ

 

وەزارەتی تەندروستی ڕوسیا ڕایدەگەیەنێت، دەستمان كردووە بە بەرهەمهێنانی ڤاكسینی دژە كۆرۆنا.

وەزارەتی تەندروستی ڕوسیا ئاشكرایكرد، ئەمڕۆ شەمە ١٥-٨-٢٠٢٠ دەستمانكردووە بە بەرهەمهێنانی ڤاكسینی دژە ڤایرۆسی كۆرۆنا بۆ ئەوەی بە زووترین كات هاووڵاتیان بەكاریبهێنن و چارەسەر بكرێن.

جەختی لەوەش كردەوە، ئەم ڤاكسینە لەلایەن ناوەندی بایۆلۆجی (غامالیا)ەوە پەرەی پێدراوە و بەرهەم دەهێنرێت.

ئەمەش لەكاتێكدایە 20 وڵات داوایان لە حكومەتی ڕوسیا كردووە و ئامادەییان بۆ كڕینی ڤاكسینەكە دەربڕیوە و سەرۆكی ڕوسیاش ڕایگەیاندوە كە ڤاكسینەكەیان لەسەر مرۆڤ تاقی كردوەتەوە و ئەنجامی باشی هەبووە.

بەردەوام بە لە خوێندنەوە

جیهان

نوێترین زانیاری لەسەر تووشبووانی ڤایرۆسی كۆرۆنا لە جیهان

خەڵك-بەشی هەواڵ

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 21 ملیۆن و 372 هەزار و 792 حاڵەت.

بە گوێرەی ئامارە جیهانییەكان، تاكو كاتژمێر 11ی ئەمڕۆ شەممە ژمارەی تووشبووانی كۆرۆنا لە جیهاندا گەیشتە 21 ملیۆن و 372 هەزار و 792 حاڵەت، لەو ژمارەیەش حەوت سەد و 63 هەزار و 730 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە پێنج ملیۆن و 476 هەزار و 266 كەس و 171 هەزار و 535 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

کوردستان