ئێمە لە تۆرە کۆمەڵایەتیەکان

کوردستان

ڕێواز فایەق: حكومەت داوای ڕەتكردنەوە و دواخستنی 12 پڕۆژە یاسای كردووە

خەڵك- بەشی هەواڵ
ئەمڕۆ چوار شەممە ٤ی كانوونی یەكەمی ۲۰۱۹ بەسەرۆكایەتیی د.ڕێواز فایەق، سەرۆكی پەڕلەمانی كوردستان دانیشتنی پەڕلەمانی كوردستان بەڕێوەچوو و ئاشكرای كرد، كە حكومەت داوای ڕەتكردنەوە و دواخستنی 12 پڕۆژە یاسای كردووە، كە پاشخانی داراییان هەیە.

د.ڕێواز فایەق، سەرۆكی پەڕلەمانی كوردستان لەكۆبوونەوەكەدا ڕاگەیاند، “لەخوولی بەهارە خوێندنەوەی یەكەم بۆ 3 پێشنیازه ‌یاسا و بڕیار و له ‌خوولی پایزە 21 پێشنیازه ‌یاسا و بڕیار خوێندنەوەیان بۆ ئەنجامدراوە، لەكۆی ئەو ژمارەیەش 5 بڕیار و یاسا دەركراون و جگە لەوەش 150 پرسیار لەلایەن پەڕلەمانتارانەوە ئاڕاستەی وەزیرانی حكومەتی هەرێم كراون و 86 پرسیار وەڵامدراونەتەوە و 64 پرسیاریش تائێستا وەڵامیان نەهاتۆتەوە”.

سەرۆكی پەڕلەمان سەبارەت بەكەمیی دەرچوواندنی یاسا و بڕیارەكان ئاماژەی بۆ ئەوەكرد،‌ بەپێی مادەی 79 لە پەیڕەوی پەڕلەمان بەتایبەت ئەو پێشنیازه ‌یاسا و بڕیارانەی، كە بارگرانی دارایی دروست دەكەن پێویستی بەڕای حكومەت هەیە و لەو ژمارەیەش 21 پێشنیازە یاسا و بڕیار ئاڕاستەی حكومەتی هەرێم كراون و 12 پێشنیازه ‌یاسا و بڕیار وەڵامیان هاتۆتەوە بۆ نموونە بەشێكیان داوای ڕەتكرانەوەی كراوە و بەشێكیشی داوای پێدانی كاتی زیاتری بۆ كراوە، هاوكات بەشێكیش لە پێشنیازه ‌یاسا و بڕیارەكانیش لەلای لێژنەكانی پەڕلەمانن و زیاتر لەكاتی دیاریكراو بەپێی پەیڕەوی ناوخۆ لایان ماوەتەوە و ڕاپۆرتی لەسەر ئامادە نەكراوە و بۆ سەرۆكایەتی پەڕلەمانیان نەگەڕاندۆتەوە”.

ئەوەشی خستەڕوو، هەر پێشنیازه ‌یاسا و بڕیارێك ڕێككارە یاساییەكانی خۆی چ لەلایەن لێژنەكانی پەڕلەمانەوە بێت چ لەوەرگرتنەوەی وەڵامی حكومەت بێت، تەواو بووبێت ئەوا سەرۆكایەتی دانیشتنی بۆ ڕێكخستووە، ڕەتیشی كردەوە، كەوا تائێستاش هیچ داواكارییەكی پەڕلەمانتاران، كە بەپێی پەیڕەوی ناوخۆ 10 پەڕلەمانتار یان زیاتر دەتوانن داوای ڕێكخستنی دانیشتنی تایبەت بكەن، بەدەست سەرۆكایەتی پەڕلەمان نەگەیشتووە.

بەپێی ڕاگەیەنراوێكی پەڕلەمانی كوردستان، كە دەست (خەڵك) كەوتووە، بەپێ بەرنامەی كار، خاڵی یەكەم بەپێی ڕاپۆرتی لێژنەی یاسایی داواكراوە دەستەواژەی “زێدەڕۆكار” شوێنی “زێدەڕۆ” بگرێتەوە، ئەم خاڵە بەزۆرینەی دەنگ پەسندكرا، خاڵی دووەمیش داوای گۆڕینی دەستەواژەی “بەپێی ماستەرپلان یان نەخشەی وردەكاریی شارەوانییەكان” بۆ دەستەواژەی “بەپێی ماستەرپلان و نەخشەی وردەكاریی شارەوانییەكان” پەسندكردنی ئەو خاڵەش بەزۆرینەی دەنگ كرا.

کوردستان

(خەڵك) مەترسییەكانی هەڵبژاردنەكانی داهاتووی عیراق لە كەركوك ئاشكرا دەكات

خەڵك-تەنیا هەورامی

بەرپرسی مەڵبەندی كەركوكی بزوتنەوەی ئیسلامی ڕٍایدەگەیەنێت، لە پەڕلەمانی عیراق پیلانێكی زۆر گەورە بەڕێوەیە دژی كورد.

حەسەن شیخانی بەرپرسی مەڵبەندی كەركوكی بزوتنەوەی ئیسلامی بە (خەڵك)ی ڕاگەیاند، ئێستا لە بەغدا نەیارانی كورد لە بەغدا بە دوو ڕیتم كار دەكەن، یەكەم پشێوێ لەناوچە دابڕاوەكان و چۆڵكردنی كوردنیشینان لەو ناوچانە، دووەم بەناوی هەمواركردنەوەی دەستور دەیانەوێ دەسەڵاتەكانی هەرێم كەم بكەنەوە و لەمانە مەترسیدارتر هەمواركردنەوەی یاسای هەڵبژاردنە.
وتیشی”بیرمان نەچێت كورد لە كاتی نووسینەوەی ڕەشنووسی دەستووردا لەوپەری هێزدا بوو، توانی هەندێك لە مەرجە چارەنووسازەكانی گەلەكەمان بچەسپێنن لە دەستوری عیراقدا، دیارە هەمواركردنەوەی دەستور ویستی پێكهاتەی عەرەبە بەتایبەت و توركمان كەمتر بەمەبەستی كەمكردنەوەی كورسیەكانی كوردە لە پارێزگای كەركوك و ناوچە دابڕینراوەكان”.

ئاماژەی بۆ ئەوەش كرد، ئەوان مەبەستیانە هەر پارێزگایەك بكرێتە چەند بازنەیەك بۆ دابەشبوونی دەنگەكانی كورد، لای هەموومان ئاشكرایە لەو هەڵبژاردنانەی كە عیراق یەك بازنەیی یان بازنەیەكی داخراو بوو، كورد زۆرترین كورسی بەدەستهێنا بۆ ئەنجومەنی نوێنەرانی عیراق، لەكاتی هەمواركردنەوەی یەكەمی هەڵبژاردنەكاندا كە سیستمی یەك بازنەیی بوو، كورسیەكانی ناوچە دابڕاوەكان زۆر كەمی كرد، بۆیە پەنا دەبەن بۆ سەدەها پسپۆری بیانی و ناوەوە بۆ هەمواركردنەوەكەی دەستوور.
ڕوونیشیكردەوە، ئەگەر كورد یەكڕیز نەبێت لە پەڕلەمانی عیراق، پیلانێكی زۆر گەورە بەڕێوەیە لە دژی كورد بۆ ناوچە دابرێنراوەكان، ئەگەر فراكسیۆنە كوردییەكان یەك هەڵوێست نەبن بۆ وەستانەوە دژی و ڕێپێوانی جەماوەری نەكرێ وەك ساڵی ٢٠٠٨ كەنزیكەی ٢٨ شەهیدمان دا بەیاسا و دەستور نیوەی خاكی كوردستان دەدۆرێنین.
ئاشكراشیكرد، پێشبینی دەكرێت كورسییەكانی كورد لە كەركوك هەشت كورسین لە كۆی دوانزە كورسی، دادەبەزێت بۆ دوو یان سێ كورسی، ئەم كارە وردكاری زۆری تێدا كراوە بە شێوازێك ڕۆژێك دێت كورد خۆی داوا دەكات ماددەی ١٤٠ جێبەجێنەكرێ .

شێخانی ڕاشیگەیاند، ئەم پڕۆژە یاسایە لەلایەن سەرۆكایەتی كۆمارەوە پێشنیاز كراوە چۆن دكتۆر بەرهەم واژووی لەسەر كردووە ڕەوانەی كۆمسیۆنی هەڵبژاردنەكان كراوە و ئەوانیش بە دەستكاریەوە ڕەوانەی پەڕلەمانی عیراقی دەكەن بۆ دەنگدان لەسەری و پەسەندكردنی، بەڵام ئەو ڕاویژكارە كوردانەی سەرۆك كۆمار هیچ یاداشتێكیان نەنووسیوە بۆ سەرۆك كۆمار لەسەر مەترسییەكانی ئەم یاسایە یان هەر نەیانخوێندوەتەوە.

حەسەن شیخانی بەرپرسی مەڵبەندی كەركوكی بزوتنەوەی ئیسلامی

حەسەن شیخانی بەرپرسی مەڵبەندی كەركوكی بزوتنەوەی ئیسلامی

بەردەوام بە لە خوێندنەوە

کوردستان

“ڕاگەیاندنی قەدەغەی هاتوچۆ لە هەولێر ئەگەرێكی دوورە”

خەڵك-بەشی هەواڵ

قائیمقامی هەولێر ڕایدەگەیەنێت، ئەمڕۆ دەوام لە فەرمانگەكانی حكومەتی هەرێمی كوردستان ئاساییە.

نەبەز عەبدولحەمید قائیمقامی قەزای ناوەندی هەولێر لە لێدوانێكی ڕۆژنامەوانیدا ڕایگەیاند، ئەمڕۆ یەك شەممە دەوام لە فەرمانگەكانی حكومەت ئاساییەو ڕاگەیاندنی قەدەغەی هاتوچۆش ئەگەرێكی دوورە.

وتیشی”ئەگەر هاووڵاتیان پابەندنەبن، ناچاردەبین ڕێكارەكان توندتر بكەینەوە، كە ئەگەری قەدەغەی هەیە هاتوچۆ وەك بژاردە بەكاربێنین”.

ئەمەش لەكاتێكدایە، لە چەند ڕۆژی ڕابردوودا ژمارەی تووشبووانی ڤایرۆسی كۆرۆنا لە پارێزگای هەولێر بەڕێژیەیەكی بەرچاو زیادی كرد و بەو هۆیەشەوە تاقیكردنەوەكانی خولی دووەمی پۆلە ناكۆتاكان دواخرا.

بەردەوام بە لە خوێندنەوە

کوردستان

توركیا كوژران و برینداربوونی چوار سەربازی ڕاگەیاند

خەڵك – بەشی هەواڵ
توركیا كوژران و برینداربوونی چوار سەربازی لە حەفتانین ڕاگەیاند.

وەزارەتی بەرگری توركیا ڕایگەیاند سەربازێكی هێزەكانیان لە ناوچەی حەفتانین كوژراوە و سیانی دیكەش بریندار بوون.

ئەمە لە كاتێكدایە كە پێشتر میدیای پارتی كرێكارانی كوردستان ڕایگەیاندبوو كە 13 سەربازیان لە ناوچەی پیربولای حەفتانین كوشتووە و شەڕیش درێژەی هەیە.

ئەمشەویش فڕۆكەكانی توركیا شوێنی شەڕوپێكدانانەكەیان بۆردومان كرد.

بەردەوام بە لە خوێندنەوە

کوردستان