ئێمە لە تۆرە کۆمەڵایەتیەکان

جیهان

ناتۆ: هەڕەشە بۆ سەر هەر ئەندامێكمان هەڕەشەیە بۆ سەر هەموومان

خەڵك- بەشی هەواڵ
هاوپەیمانی باكوری ئەتڵەسی ناسراو بە (ناتۆ) ڕاگەیەنراوی دەربارەی كۆبوونەوەی وڵاتانی ئەندامی ڕێكخراوەكە بڵاوكردەوە و جەختدەكاتەوە، كە هەڕەشە بۆ سەر هەر ئەندامێكمان هەڕەشەیە بۆ سەر هەموومان.

یەنس ستۆڵتنبێرگ، ئەمینداری گشتی ڕێكخراوی ناتۆ لە كۆنگرەیەكی ڕۆژنامەوانیدا ڕایگەیاند، كە پێكەوە كاردەكەین بۆ ڕێگری لە هەر هەڕەشەیەك و بەرقەرار كردنی ئاشتی، بۆ ئەوەش ڕووبەڕووی هەڕەشە و ئاستەنگی جیاواز بووینەتەوە.

وتیشی، “بودجەی بەرگری زیاد دەكەین و چالاكی ناتۆ زیاتر دەكەین و توانای بەرگریەكەشی زیاد دەكەین”.

ئەمینداری گشتی ناتۆ ئاماژەی بەوەشكرد، هەر هەڕەشەیەك بكرێتە سەر ئەندامێكمان، هەڕەشەیە بۆ سەر تەواوی ناتۆ.

ڕاشیگەیاند، جەخت لە پەیوەندی بەهێزی نێوان ئەوروپا و ئەمریكای باكور دەكەینەوە و هەمیشە بەرگریمان لە هاوپەیمانەكانمان كردووە.

یەنس ستۆڵتنبێرگ دووپاتیشی كردەوە، دەمانەوێت بە گفتوگۆ كێشەكانمان لەگەڵ ڕوسیا چارەسەر بكەین و تاوتوێی هێرشەكانی ڕوسیامان كرد، چونكە كارە دوژمنكارەكانی هەڕەشەن بۆ سەر ناتۆ.

جیهان

ترەمپ: ئون پەیوەندییەكانی لەگەڵ مندا تێكنادات

خەڵك –بەشی هەواڵ

دۆناڵد ترەمپ سەرۆكی ئەمریكا هۆشداری دەداتە كیم جۆنگ ئون سەرۆكی كۆریای باكور لە بەردەوامیدان بە كارە سەركەشییەكانی لە دوای تاقیكردنەوەیەكی سەركەوتووانەی مووشەكی.

سەرۆكی ئەمریكا لەلێدوانێكدا دەڵێت “پێویستە كۆریای باكور چەكی ناوەكی لەنێوببات”.

ترەمپ دەڵێت “ئون زیرەكە و زۆر شتی هەیە لە دەستی بدات لە حاڵی بەردەوامیدان بە دووژمنكارییەكانی، لە سینگاپوورە رێككەوتنێكم لەگەڵ كردووە بۆ داماڵینی چەكی ناوەكی، بۆیە نایەوێت پەیوەندییەكانی لەگەڵ ئێمەدا تێكبدات”.

 

بەردەوام بە لە خوێندنەوە

جیهان

پێنج چەكداری ئێرانی لە سووریا كوژران

خەڵك –بەشی هەواڵ
لە ئەنجامی ئەو هێرشانەی گرووپە چەكدارەكانی سەر بە ئێرانی لە سووریا كردە ئامانج، پێنج چەكداری ئێرانی كوژراون.

ڕامی عەبدولڕەحمان بەڕێوەبەری ڕووانگەی سووریایی بۆ مافەكانی مرۆڤ بۆ ئاژانسی فڕانس پرێس ڕایگەیاند، پێنج چەكداری بیانی كوژراون لە هێرشەكەدا.

تاكو ئێستا هیچ لایەنێكی بەرپرسیارێتی هێرشەكەی لە ئەستۆ نەگرتووە، بەڵام سەرچاوە ڕۆژنامەوانییەكان دەڵێن، كوژراوەكان ئێرانین.

 

بەردەوام بە لە خوێندنەوە

جیهان

بارەگایەكی سوپای پاسداران لە سنوورەكانی نێوان عیراق و سوریا بۆردومان كرا

خەڵك-بەشی هەواڵ

بارەگایەكی سوپای پاسدارانی ئێران لە شاری بوكەمال لە سنوورەكانی نێوان عیراق و سوریا لەلایەن فڕۆكەی نەناسراوەوە بۆردومان كرا.

كەناڵی (ئەلحەدەس) بڵاویكردەوە، بنكەیەكی سوپای پاسدارانی ئێران لە بوكەمالی سنوورەكانی نێوان عیراق و سوریا بە فڕۆكەی نەناسراو بۆردومان كراوە.

بەپێی هەواڵی كەناڵەكە، هێزە ئاسمانییەكانی ئیسڕائیل ئەو بۆردومانەیان ئەنجام داوە و لانی كەم 5 سەرباز كوژراون و ژمارەی بریندارەكانیش ئاشكرا نەكراوە و تاكو ئێستاش سوپای پاسداران هیچ لێدوانێكی فەرمیان لەو بارەوە نەداوە.

بەردەوام بە لە خوێندنەوە

کوردستان