ئێمە لە تۆرە کۆمەڵایەتیەکان

کوردستان

“یەكێتی بڕیاریدا كۆنگرە دوابخات”

خەڵك – بەشی هەواڵ

دوای بڵاوبوونەوەی هەواڵی ئەنجامنەدانی كۆنگرەی چوارەمی یەكێتیی نیشتمانیی كوردستان كە بڕیاربوو ڕۆژی 7/12/2019 ببەسترێت، ساڵح عوسمان ئەندامی ئەنجومەنی ناوەندی ئەو حزبە لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردووەتەوە، بەپێی پەیڕەوی ناوخۆ، مەكتەبی سیاسی و لیژنەی باڵای ئامادەكاری كۆنگرە ڕێگەپێدراو نین بۆ دواخستن بۆیە ئێستا بیر لەوە دەكرێتەوە بۆ ئەو دواخستنە بخرێتەوە بەردەم كۆبوونەوەی كۆمیتەی سەركردایەتی، ئەو بڕیارەش بەرپرسیاریەتێكی قورس دەبێت بۆ كۆمیتەی سەركردایەتی”.

دەقی نووسینەكە:

(سەرنجێك لەسەر ئەگەری دواخستنی وادەی كۆنگرە)

بەپێی پەیڕەوی ناوخۆی یەكێتی پەسەندكراوی كۆنگرەی سێ، دیاری كراوە كە پاش سێ ساڵی تر كۆنگرەی چوار ببەسترێ، بەڵام دوای ئەوە بەهۆی كۆمەڵێك هۆكاری زاتی و مەزوعی یەكێتی لەو وادەیە نەیتوانی كۆنگرە ببەستێ، بەپێی پەیرەوی ناوخۆ هانا بۆ پلینیۆم برا بۆ دواخستنی كۆنگرە بۆ كاتێكی كەمی دیاری كراو، پاش ئەوەی ئەو وادەیەی پلینێۆمیش كە دیاری كرابوو بەسەرچوو وە كۆنگرە هەر نەكرا، ئەوەبوو لە ژێر فشار و گوشار بۆ سەر مەكتەب سیاسی و سەركردایەتی، ناچار كۆمیتەی سەركردایەتی بەپێی پەیڕەو دوا وادەی دیاری كرد كە ڕۆژی ٧-١٢-٢٠١٩ كۆنگرە بكرێ.

ئێستا پاش تەواو بوونی ئامادەكاری دوو لەسەر سێ ی ئامادەكاریەكانی كۆنگرە، بە هۆی نەگەیشتن بە توافق لەسەر هەندێ پرسی ئەساسی باس لەوە دەكرێ كە وادەی كۆنگرە لەو وادەیەی دیاری كراوە بۆ هەفتەیەك یان دە ڕۆژ دوابخرێ، بۆ ئەمەشیان كە بەپێی پەیڕەوی ناوخۆ مەكتەبی سیاسی و لیژنەی باڵای ئامادەكاری كۆنگرە ڕێگەپێدراو نین بۆ دواخستن بۆیە ئێستا بیر لەوە دەكرێتەوە بۆ ئەو دواخستنە بخرێتەوە بەردەم كۆبونەوەی كۆمیتەی سەركردایەتی، كەئەمەش بەبڕوای من ئەگەر كۆمیتەی سەركردایەتی ئەو بریارەبدات خۆی توشی هەڵەیەكی ڕێكخراوەیی دەكات كە ڕەنگە لە ناو كۆنگرەدا بەچاویان دا بدرێتەوە و باجەكەی بدەن، ئەویش بەوەی كە كۆمیتەی سەركردایەتی بە تێكرای ئەندامانی لە چركە ساتی بڕیاردانی دیاری كردنی وادەی كۆنگرە دەكەوێتە ژێر بەرپرسیارێتی چاودێری و بەدواداچونی بڕیارەكەی كە دەبێ مەكتەبی سیاسی و لیژنەی بالای ئامادەكاری كۆنگرە ملزم بكات بە ئەركە تەنفیزیەكان بە هاوكاری و بەشداری تێكرای ئۆرگانەكان بۆ جێبەجێ كردنی بڕیارێكی وا گرنگ و چارەنوس سازی كۆمیتەی سەركردایەتی وەك بالاترین ئۆرگانی یەكێتی، نەك پێچەوانەی پەیرەوی ناوخۆ مەكتەبی سیاسی و لیژنەی باڵای ئامادەكاری كۆنگرە بە هۆی نەگەیشتن بە توافق و هەندێ گرفتی تەكنیكی كۆمیتەی سەركردایەتی ناچار بكەن بە بریارەكەیدا بچێتەوەو وەك پێدانی كاتی زیادە پێیان بڕیاری دواخستنی كۆنگرە بدات، كە ئەمەش بڕیار و بەرپرسیاریەتێكی قورس دەبێت بۆ كۆمیتەی سەركردایەتی.

ساڵح عوسمان

ئەندامی ئەنجومەنی ناوەندی

٣-١٢-٢٠١٩

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان