ئێمە لە تۆرە کۆمەڵایەتیەکان

عێراق

(خەڵك) ئەو ناوانەی خۆپیشاندەران بۆ سەرۆكی حكومەت كاندیدی دەكەن ئاشكرادەكات

خەڵك- بەشی هەواڵ
چالاكوانێكی مەدەنی عیراقی باس لەو ناوانە دەكات، كە ڕەنگە لەلایەن خۆپیشاندەرانەوە بۆ سەرۆكایەتی حكومەتی داهاتوو پێشكەش بكرێن، ڕەتیشیدەكاتەوە تەوژمی خۆپیشاندانەكان لە بەغدا و شارەكانی فوڕاتی ناوەڕاست و باشووری عیراق هێوربووبێتەوە.

عەلی عەتوانی، چالاكوانی مەدەنی عیراق، بە (خەڵك)ی ڕاگەیاند، “تائێستا لەلایەن خۆپیشاندەرانەوە هیچ ناوێك دیاری نەكراوە، تا وەك كاندید پێشكەش بكرێت بۆ سەرۆكایەتی حكومەت، بەڵام چەند ناوێك پێشنیاركراوە تا وەك كاندیدی خۆپیشاندەران بخرێنەڕوو، لەگەڵ ئەوەشدا ئاشكرایە، كە زۆرێك لە سیاسییەكان لە عیراق لەلایەن فراكسیۆن و هێزە سیاسییەكانەوە پشتیوانیان لێدەكرێت، بۆیە خۆپیشاندەران پەلە ناكەن لە دیاریكردنی ناوێك بۆ سەرۆكایەتیكردنی قۆناغی داهاتووی حكومەت”.

بە وتەی عەتوانی، “هەندێك ناو وەك دادوەر ڕەحیم عجێلی و فەریق ڕوكن عەبدولوەها ساعدی لەلایەن خۆپیشاندەرانەوە باس دەكرێن بۆ سەرۆكایەتیكردنی حكومەتی عیراقی”.

سەبارەت بە هێوربوونەوەی شەقامی عیراقیش لەدوای دەستلەكاركێشانەوەی عادل عەبدولمەهدی، عەلی عەتوانی ڕایگەیاند، “خۆپیشاندەران شەقامیان چۆڵنەكردووە و بەردەوامن لە خۆپیشاندان لە بەغدا و شارەكانی فوڕاتی ناوەڕاست و باشووری عیراق، لە ناوچەكانی خۆرئاوای وڵاتیش بە هەمان شێوە مانگرتن و خۆپیشاندان سازدەكرێت وەك پاڵپشتی لە شەهیدەكانی خۆپیشاندانەكان بە تایبەت شەهیدانی پارێزگاكانی زیقار و نەجەف، ئەم خۆپیشاندانانەش بەردەوام دەبن تا ئەو كاتەی تەواوی داواكاری و داخوازی خۆپیشاندەران دێنەدی”.

پەڕلەمانی عیراق، لە یەك شەممەی ڕابردوودا 1ی كانوونی یەكەمی 2019، ڕەزامەندی لەسەر دەستلەكاركێشانەوەی عادل عەبدولمەهدی دەربڕی، هەر لەو دانیشتنەدا ڕووداوەكانی زیقار و نەجەف تاوتوێ‌ كران.

لە سەرەتای مانگی تشرینی یەكەمی ڕابردووەوە، عیراقییەكان خۆپیشاندان دەكەن و دەیانەوێت سیستمی سیاسی بگۆڕن و گەندەڵی لەناوببەن، هەر لەو خۆپیشاندانانەدا بەهۆی پێكداهەڵپژانی نێوان خۆپیشاندەران و هێزە ئەمنییەكان، سەدان كەس كوژران و هەزارانی تر برینداربوون.

عێراق

قۆناغی چوارەمی ئۆپراسۆنی پاڵەوانانى عیراق بەسەرپەرشتی کازمی دەستیپێکرد

خەڵک – بەشی هەواڵ
سەرلەبەیانی ئەمڕۆ شەممە ئۆپراسیۆنێکی فراوان لەپارێزگای دیالە بۆ لەناوبردنی پاشماوەکانی داعش دەستیپێکرد.
ئۆپراسیۆنی پاڵەوانانی عیراق لەقۆناغی چوارەمیدا لەپارێزگای دیالەیە و ئەمڕۆ بەشێوەیەکی فراوان هەوڵی لەناوبردنی پاشماوەکانی داعش دەدەن.
ئەم ئۆپراسیۆنە بەسەرپەرشیتی ڕاستەوخۆی مستەفا کازمییە و سەرلەبەیانی ئەمڕۆ گەیشتۆتە شوێنی دیاریکراو بۆ سەرپەرشتیکردنی ئۆپراسیۆنەکە.
بەردەوام بە لە خوێندنەوە

عێراق

هێزێکی بەرپەرچدانەوەی خێرای عیراق، چوونە خاڵی سنووریی مونزیرییە

خەڵک ـ بەشی هەواڵ

بەفەرمانى سەرۆکوەزیرانی عیراق، هێزێکی بەرپەرچدانەوەی خێرا، چوونەتە خاڵى سنووریى مونزیریە لە پارێزگاى دیالە و دەروازەکە رادەستى هێزەکە کرا.

بەپێی بەیاننامەیەکى فەرماندەیی هێزەکانى بەرپەرچدانەوە خێرا، بەفەرمانى ڕاستەوخۆی مستەفا کازمى، بە سەرپەرشتى عوسمان غانمى وەزیرى ناوخۆ، کاروبارى دەروازەى سنووریى مونزیریەیان لە پارێزگاى دیالە وەرگرتووە.

دەستەى دەروازە سنورییەکان عیراق، پێشتر داوایەکى ئاڕاستەى سەرۆک وەزیران کردبوو بۆ ناردنى هێز  لەپێناو بەرەنگاربوونەوە هەر دەستوەردانێکى دەرەکى.

هاوکات ئەحمەد مەلا تەلال وتەبێژى سەرۆک وەزیرانى عیراق پێشتر ڕایگەیاندبوو، لەداهاتوودا حکومەت رێوشوێنى توند دەگرێتەبەر لەخاڵە سنورییەکان.

 

بەردەوام بە لە خوێندنەوە

عێراق

نزیکی دوو هەزار تووشبووی کۆرۆنا لەعیراق چاکبوونەوە

خەڵک – بەشی هەواڵ

وەزارەتی تەندروستی عیراق لەڕاگەیەندراوێکدا ڕایگەیاند لەماوەى ٢ کاتژمێری ڕابردوودا هەزار و ٨٧٨ تووشبووی کۆرۆنا چاکبوونەتەوە.

 

لەڕاگەیەندراوەکەی وەزارەتی تەندروستیدا هاتووە، لەماوەى ٢٤ کاتژمێری ڕابردوودا دوو هەزار و ٨٤٨ تووشبووی کۆرۆنا تۆمارکراون.

 

هەر بەپێی ئەو ڕاگەیەندراوە، لەو ماوەیەدا هەزار و ٨٧٨ کەس چاکبوونەتەوە و ٧٨ کەسی دیکەش گیانیان لەدەستداوە.

بەردەوام بە لە خوێندنەوە

کوردستان