ئێمە لە تۆرە کۆمەڵایەتیەکان

ژینگە

شەپۆلێكی بەفر و باران هەرێمی كوردستان دەگرێتەوە

خەڵك- بەشی هەواڵ
بەپێی پێشبینییە كەشناسییەكان لە كۆتایی ئەم هەفتەیەدا دوو شەپۆلی دەریای سپی ناوەڕاست و دەریای ڕەش هەڵدەكاتە سەر ناوچەكانی عیراق و هەرێمی كوردستان و بەهۆیەوە بەفر و باران دەبارێت و پلەكانی گەرما ڕوو لە نزمبوونەوەی زیاتر دەكەن.

بەپێی ڕاپۆرتێكی دەستەی كەشناسی عیراق، لە ڕۆژی پێنج شەممەوە بارستە هەوایەكی سارد ناوچەكانی عیراق و هەرێمی كوردستان دەگرێتەوە و پلەكانی گەرما بەتایبەتی لە ناوچەكانی هەرێمی كوردستان و موسڵ ڕوو لە دابەزین دەكەن.

ئاماژەی بەوەشكردووە، كە بەهۆی كاریگەری شەپۆلێكی هاتوو لە دەریای ناوەڕاستەوە باران بارین زۆربەی شار و شارۆچكەكانی عیراق و هەرێمی كوردستان دەگرێتەوە و بەفر لە ناوچە شاخاوییەكان دەبارێت.

لای خۆشیەوە، صادق عەتیە، شاره‌زای كه‌شناسی عیراقی لە هەژماری خۆی لە فەیسبووك ڕایگەیاندووە، لە كۆتایی ئەم هەفتەیەدا نزمه‌ پاڵه‌په‌ستۆی جه‌مسه‌ری كاریگه‌رییەکانی لەسەر عراق و سوریا و توركیا و كوێت و باكوری سعودیه‌ دەردەكەوێت و بەهۆیەوە بارانێكی بەلێزمە ناوچەكان دەگرێتەوە.

ڕاشیگەیاندووە، شه‌پۆله‌كه‌ بارسته‌ هه‌وایه‌كی زۆر ساردی له‌گه‌ڵ ده‌بێت و ده‌بێته‌ هۆی دابه‌زینی پله‌كانی گه‌رما و بەهۆیەوە له‌ ناوچه‌ شاخاوییەكانی هەرێمی كوردستان به‌فر ده‌بارێت.

ژینگە

كەشناسی: بەرزترین پلەی گەرما دەگاتە 45

خەڵك – بەشی هەواڵ
بەڕێوەبەرایەتی گشتی كەشناسی و بوومەلەرزەزانی هەرێمی كوردستان ڕایگەیاند بە بەراورد بە ڕۆژانی ڕابردوو، پلەی گەرمای ئەمڕۆ هەینی نزم دەبێتەوە.

كەشناسی ڕوونیشیكردەوە كە پێشبینی دەكرێت سبەی گەرما لە لە هەولێر یەك پلە و لە سلێمانیش دوو پلە بەرزبێتەوە و لە كەركوك و دهۆكیش پلەی گەرما هاوشێوەی ئەمڕۆ دەمێنێتەوە.

بەردەوام بە لە خوێندنەوە

ژینگە

وەرزی بارانبارینی ئەمساڵ چۆن دەبێت؟
پێشبینییە كەشناسیيەكان لەبارەی شەپۆلی گەرما و بارینی بەفر دەخرێنەڕوو

خەڵك- بەشی هەواڵ
بەپێی ڕاپۆرتە كەشناسییەكان، هیچ شەپۆلێكی گەرمای توندی هاوشێوەی شەپۆلەكەی كۆتایی مانگی ڕابردوو عیراق و هەرێم ناگرێتەوە و پلەكانی گەرما ڕوو لە دابەزین دەكەن و شارەزایەكی كەشناسی-ش دەڵێت: “دەنگۆی بەفربارین ڕاست نییە”.

بەپێی ڕاپۆرتێكی كەشناسی هەرێم، پلەكانی گەرما ڕوو لە دابەزین دەكەن و ئەگەری هەیە ئەمڕۆ باران لە چەند ناوچەیەكی شاخاوی دهۆك و هەولێر ببارێت.

ڕوونیشی كردۆتەوە، هەر ئەمڕۆ بارستە هەورێكی گەورە لە ئاڕاستەی ڕۆژئاوای هەولێر و لەكاتێكی ناوازەی ئێستای هاویندا ئاسمانی پایتەختی گرتۆتەوە.

لای خۆشیەوە، محەمەد كەمال، شارەزای كەشناسی بۆ (خەڵك) ڕایگەیاند، هاوینی ئەمساڵ كۆتایی بە شەپۆلەكانی گەرمای توند هاتووە، ئەگەری شەپۆلی گەرمای توندی هاوشێوەی پێش شەپۆلەكەی جەژنی قوربان ناوچەكەمان ناگرێتەوە و پلەكانی گەرمی بەم شێوەیەی ئەمڕۆ و هەندێك ڕۆژیش چەند پلەیەك دادەبەزێت.

سەبارەت بە دەنگۆی سەرما و بەفربارین لەم مانگەدا، كە لە تۆڕە كۆمەڵایەتییەكان هەیە، وتی، “دەنگۆی بەفربارین و سەرما لەم مانگەدا واتە مانگی هەشت (ئاب) لە ناوچە كوێستانییەكان ڕاست نییە و ئەوەی هەیه ناوچە شاخاوییە بەرزە سنورییەكان ئەگەری هەندێ بەفری كەم هەیە، ئەمەش لەساڵانی ڕابردوودا هەر هەبووە و كارناكاتە سەر دابەزینی پلەكانی گەرمی لەم مانگەدا”.

سەبارەت بەوەی وەرزی بارانبارینی ئەمساڵ چۆن دەبێت؟ ئەو شارەزا كەشناسییە وتیشی، “پێشبینی كەشوهەوا تەنها هەفتەیەك تا 10 ڕۆژە، ئەو زانیارییانەی بۆ وەرزی باران بارینی ئەمساڵ بڵاودەكرێنەوە، وشكەساڵی یان بارانی زۆر تەنها بۆچوونە و هیچ بنەمایەكی زانستییان نییه، لە مانگی ئەیلول واتە (9) نیشانەیەك بۆ چۆنییەتی وەرزی بارانبارین دەردەكەوێت، ئەو نیشانەیەش بە ڕێژەی 30% زیاتر نییە”.

بەردەوام بە لە خوێندنەوە

ژینگە

كەشناسی: لە هەندێك ناوچە باران دەبارێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ چوار شەممە ئاسمان ساماڵ دەبێت و پەڵە هەوریش دەردەكەوێت و لە دهۆكیش ئەگەری بارینی نمە باران بەتایبەت لە ناوچە شاخاوییەكان.

هەر بەپێی پێشبینییەكان، سبەینێ پێنج شەممە، هەیە ئاسمان ساماڵ دەبێت و پاشان دەگۆڕێت بۆ نیمچە هەور و پلەكانی گەرماش بەرز دەبنەوە.

بەردەوام بە لە خوێندنەوە

کوردستان