ئێمە لە تۆرە کۆمەڵایەتیەکان

ئابوری

لیستی خواردنى ڕێپێدراو و قەدەغەكراوی ناو فرۆشگای خوێندنگەكان بڵاودەكرێتەوە

خەڵك- بەشی هەواڵ
بەڕێوەبەرایەتی چاودێری تەندروستی سلێمانی جەخت لە جێبەجێ‌ كردنی بڕیاری وەزارەتی تەندروستی دەكاتەوە سەبارەت بە لیستی خواردنە ڕێگەپێدراو و قەدەغەكراوەكان لەناو فرۆشگای خوێندنگەكان و بۆ ئەوەش مەڵبەند و بنكە تەندروستیەكان ڕادەستپێرێت بۆ جێبەجێ‌ كردنی.

بەپی نووسراوی بەڕێوەبەرایەتی خۆپاراستنی تەندروستی سلێمانی ژمارە (8465)، كە ئەمڕۆ 3-12-2019 دەرچووە و وێنەی دەست (خەڵك) كەوتووە، ئاگاداری هەموو مەڵبەند و بنكە تەندروستیەكانی ناو شار و دەرەوی شار كراوە، ئەوانەی لیژنەی چاودێری تەندروستیان تیایە ئاگاداری لیژنەكانی چاودێری بكەن بۆ جێبەجێ كردنی ناوەڕۆكی نووسراوی وەزارەتی تەندروستی تایبەت بە لیستی ئەو خواردن و خواردنەوانەی لە فرۆشگای خوێندنگەكان ڕێگەپێدراوە یان قەدەغەكراوە.

بەپێی بڕیاری وەزارەتی تەندروستی حكومەتی هەرێم، كە بە ژمارە (16083) لە 26-11-2019 دەرچووە تایبەتە بە پێدانی ڕێنمایی بۆ فرۆشكای خوێندنگەكان و تێیدا لیستی ئەو خواردن و خواردنەوانە بڵاوكراوەتەوە، كە ڕێگەپێدراون بۆ فرۆشتن یان قەدەغەكراون و نابێت بە خوێندكاران بفرۆشرێن.

لیستی خواردن و خواردنەوە ڕێگەپێدراوەكان:
۱- میوە وەك (مۆز، سێو، پرتەقاڵ، لالەنگی ۰۰۰۰ هتد)
۲- میوەی وشك كراو و داپۆشراو (مێوژ، گوێز، بادەم، فستەق، كشمیش، ۰۰۰۰هتد )
۳- شیری لەقوتو كراو (بەروبوومەكانی شیر)
٤- ئاو
۵- گەنمەشامی
٦- لەفەی هێلكەی كوڵاو
۷- لەفەی پەتاتەی كوڵاو
۸- لەفەی مریشكی كوڵاو
۹- لەفەی نۆكاو

لیستی ئەو خواردن و خواردنەوانەی قەدەغەكراون:
۱- خواردنەوە گازییەكان و وزە بەخشەكان
۲- چپیس بەهەموو جۆرەكانییەوە.
۳- سماق و لیموندزی.
٤- تمر هندی.
۵- چەرەساتی بە پلك (توێكڵدار)
٦- بنێشت
۷- ئەندۆمی

ئابوری

عیراق، هەناردەكردنی نەوت بۆ ئەردەن دەستپێدەكاتەوە

خەڵك- بەشی هەواڵ
ئەمڕۆ پێنج شەممە، هەناردەكردنی نەوتی عیراقی بۆ ئەردەن دەستیپێكردەوە، ئەمەش دواى ڕاگرتنی هەناردەكردن بەهۆی دابەزینی نرخی نەوت لە ئاكامی بڵاوبوونەوەی كۆرۆنا كە سێبەری خۆی بەسەر ئابورییەكانی جیهاندا كێشا.

ئاژانسی (عیون) لە زاری سەرچاوەیەكی ئاگادار لە وەزارەتی وزە و سامانی كانزایی ئەردەنی بڵاویكردەوە”ڕێكەوتنی كۆتایی كراوە لەنێوان هەردوو لایەنی ئەردەنی و عیراقی بۆ دەستپێكردنەوەی هاوردنی نەوت”.

بەگوێرەی زانیارییە ڕۆژنامەوانییەكان، تەنكەرە نەوتهەڵگرەكانی عیراق لە شوێنی باركردن ڕاوەستاون و چاوەڕوانی پڕكردنی تەنكەرەكان دەكەن، تا بۆ ئەردەنی بگوازنەوە.

پێشتر هانی زواتی وەزیری وزە و سامانی كانزایی ئەردەنی ڕایگەیاندبوو، هاوردەكردنی نەوتی عیراقی لەماوەی دوو ڕۆژی داهاتوودا دەستپێدەكاتەوە.

بە وتەی زواتی، بەهۆی دابەزینی نرخی نەوت، هاوردنی نەوتی عیراقی ڕاوەستابوو، لەنێوان هەردوولاشدا ڕێكەوتن لەسەر دواخستنی هاوردەكردن كرابوو.

وەزیری وزە و سامانە كانزاییەكانی ئەردەن دەڵێت”ئەردەن ڕۆژانە 10 هەزار بەرمیل نەوت لە عیراقەوە هاوردە دەكات، ئەمەش لەكاتێكدایە كە لە شانشینی هاشمی 150 هەزار بەرمیل نەوت بەكاردەبرێت، بۆیە ئەو بڕەی لە عیراقەوە هاوردە دەكرێت، بە 7%ی نەوتی هاوردە بۆ ئەردەن دادەنرێت”.

بەردەوام بە لە خوێندنەوە

ئابوری

“ئێران زۆرترین چاپی دراوی خۆی کردووە و زۆرێکی لەسلێمانى و هەرێمی کوردستان ساغکردۆتەوە”

خەڵک – نزار جەزا

 

بەهۆی دابەزینی بەهای تمەنی ئێرانی، بەشێک لەهاوڵاتییان  لەهەرێمی کوردستان ڕوویان لەکڕینی دراوی ئێرانی کردووە، پسپۆڕێکی دارایی و ژمێریاریش پێی وایە،ئێران زۆرترین چاپی دراوی خۆی کردووە و زۆرێکی لە هەرێمی کوردستان  و بەتایبەت لەسلێمانى ساغکردۆتەوە. پێداگیری لەئەوەشکرد، کە ئەم ئاڵوگۆڕە بۆ هاوڵاتییانی هەرێمی کوردستان کارێکی باش نییە و زیانی زۆری لێ دەکەن، چونکە ئێران وڵاتێکی سەقامگیر نییە.

 

نەبەرد کەریم، پسپۆڕی دارایی و ژمێریاری بە(خەڵک)ی ڕاگەیاند، ئاڵوگۆڕی دراو لەجیهاندا کارێکی ئاساییە، بەڵام ئەوەی گرنگە ڕێژەی ئاڵوگۆڕەکەیە، کە ئایا تا چەندێک دەبێتە هۆی کەمبوونەوەى بەهای دراوی ناوخۆی وڵاتەکە.

 

ئاماژەى بەئەوەشدا، دراوی ئێران بەراورد دراوی وڵاتانی دیکە تاکە دراوە، کە لەم چەند ساڵەى ڕابردوودا بەو شێوە زۆرە بەهاکەی لەدەستبدات و توووشی داڕمان بێت، تەنانەت لەمێژووی ئێرانیشدا نەبووە، کە لەماوەى مانگێکدا لەسەدا ٢٠ی بەهای دراوەکەی لەدەستبدات.

 

ناوبراو کە مامۆستای زانکۆشە، لەگەڵئەوەدا نییە، کە هاوڵاتییان بەم شێوە زۆرەی ئێستا ڕووبکەنە ئاڵوگۆڕی دراوی ئێرانی، چونکە ئێران وڵاتێکی ناسەقامیگرە و بەردەوام لەبەردەم گۆڕانکاریدایە، بەڵام ئەگەر هاوڵاتییەک لەهەرێمی کوردستان یۆرۆ یان دۆلار یان زێڕ بکڕێت کەمترین کات زیانی بەردەکەوێت، لەبەرئەوەی ئەو وڵاتانە سەقامگیری تیایە.

 

زیاتر ڕوونیکردەوە،  ئەگەر لەهەڵبژاردنی داهاتووی ئەمریکادا دووبارە ترامپ سەرکەوێت، ئەوا ئێران تووشی داڕمانێکی دیکە دەبێت، ئەوکاتەش هاوڵاتی توشی زیانێکی زۆر دەبێت.

 

وتیشی:” ئێران لەئێستادا زۆرترین چاپی دراوی خۆی دەکات و زۆرترین دراوی خۆی لەهەرێمی کوردستان و بەتایبەت لەسلێمانى ساغکردۆتەوە و لەبەرامبەردا دۆلار یان دراوی دیکەی وەرگرتووە”.

 

ئەوەشی خستەڕوو، هاوڵاتییان بەدوو شێواز تمەن دەکڕن و هەڵیدەگرن، یەکەم، چاوەڕێدەکەن کە پەیوەندی نێوان ئەمریکا و ئێران باشتر ببێتەوە و بەهای تمەن بەرزببێتەوە، دواتر تمەنەکە بفرۆشێتەوە. دووەم بەمەبەستی بازرگانى و پیشەسازی دەیکڕن، هەتا دراوی ئەو وڵاتانەى هەرێمی کوردستان بازرگانییان لەگەڵ دەکات بەهاکەی دابەزێت، هێندەش هەرێمی کوردستان قازانج دەکات، بۆ نمونە بازرگانانی کورد دەتوانن بەکەمترین پارە زۆرترین کاڵا بکڕن.

 

باسی لەئەوەشکرد، ئێستا لەئێران باس لەوە دەکرێت کە سفرەکانی سەر دراوی ئێرانی لابەرن، ئەمەش ئەو هاوڵاتییانەى هەرێم کە دراوی ئێرانییان بۆ قازانج کڕیوە شۆک دەکات و تووشی کێشەى گۆڕینەوەی ئەو تمەنە دەبنەوە و گرەنتی نییە کە ئێران دووبارە ئەم دراوی ئێرانی لە هەرێمی کوردستان وەربگرێتەوە.

 

ئاماژەى بەئەوەشدا، تاکو ئیستا ئاماژەکان بۆئەوەن کە ئەگەر هاوڵاتییان زیاتر دراوی ئێرانی بکڕن، ئەگەری زیانیان زۆرە، بەڵام ئەگەر گۆڕانکارییەکی چاوەڕواننەکراو بێتە پێشەوە ڕەنگە قازانج بکەن.

 

دەشڵێت: بازاڕی ئاڵوگۆڕی دراو بازاڕێکی ئازادە، بۆیە پێویستە هاوڵاتی هۆشیاربێت و بزانێت چۆن مامەڵەبکات.

 

لەئێستادا بەهای ١٠٠ دۆلاری ئەمریکی بەکاش یەکسانە بە دوو ملیۆن و ٢٣٥ هەزار تومەن، بەڵام بە حەواڵە بەهاکەی دوو ملیۆن و ٤٣٠ هەزار تومەنە.

بەردەوام بە لە خوێندنەوە

ئابوری

بەهۆی هاککردنی کەسایەتییەکان پشکەکانی تویتەر لەسەدا ٤ دابەزی

خەڵک – بەشی هەواڵ

 

درەنگانی شەوی ڕابردوو ژمارەیەک ئەکاونتی کەسایەتییە جیهانییەکان لەتۆڕی کۆمەڵایەتى تویتەر لەلایەن هاککەرانەوە کرانە ئامانج، کە بووە هۆی دابەزینی لەسەدا ٤ی پشکەکانی کۆمپانیای تویتەر.

 

بەئامانجی بەبەهاکردنی دراوی بیتکۆین، ئەکاونتی ژمارەیەک کەسایەتی جیهان لەتۆڕی کۆمەڵایەتی تویتەر هاک کران، کە بەشێکیان بریتی بوون لە

(Billionaires Elon Musk, Jeff Bezos and Bill Gates  Barack Obama, Joe Biden and Kanye West).

 

پاش هاککردنی ئەو ئەکاونتانە، بابەتێکیان تێدا بڵاوکرایەوە، کە تێیدا ئەدرەسێک نوسراوە و داوا کراوە، کە هەر کەسێک چەندێک دراوی بیتکۆین بۆ ئەدرەسەکە بنێرێت، ئەوا لەبەرامبەردا دوو هێندەى بۆ دەنێرنەوە.

 

پاش ئەوەی هەواڵی هاککردنی بەشێک لەئەکاونتەکانی تویتەر بڵاوبۆوە،  پشكی تویته‌ر به‌ ڕێژه‌ی لەسەدا چوار دابەزی.

 

هاککەران لەم هەنگاوەیاندا هەوڵایانداوە ئەو ئەکاونتانە بەئامانجبگرن، کە ڤێریفایان وایە.

 

بیتكوین ( bitcoin ) دراوێكى نادیاره‌، لە ناو تۆڕەکانی ئینتەرنێتدا مامەڵەی پێوەدەکرێت و بوونێکی فیزیکی نییە، و هیچ وڵاتێک خاوەندارێتی ناکات.

بەردەوام بە لە خوێندنەوە

کوردستان