ئێمە لە تۆرە کۆمەڵایەتیەکان

کوردستان

بڕینی كارەبای دامەزراوەكانی سەر بە وەزارەتی پەروەردە ناڕەزایەتی لێدەكەوێتەوە

خەڵك-بەشی هەواڵ

جێگری سەرۆكی یەكێتی مامۆستایانی كوردستان ڕایدەگەیەنێت، پێویستە وەزارەتی پەروەردە كار بۆ ئەوە بكات پەروەردە لە لیستی بڕینی كارەبای وەزارەتی كارەبا دەربهێنێت.

لە چەند ڕۆژی ڕابردوودا وەزارەتی كارەبای حكومەتی هەرێمی كوردستان بڕیاری بڕینی كارەبای بەردەوامی ژمارەیەك لە وەزارەتەكانی دەركرد و لەنێویشاندا قوتابخانە و باخچەكانی سەر بە وەزارەتی پەروەردەشی تێدابوو، ئەمەش لەكاتێكدایە بەپێی سیستمی نوێی پەروەردە و جێبەجێكردنی بڕیار و ڕێنماییەكانی وەزارەتی پەروەردە و سەرپەرشتیاران، خوێندنگە و باخچەكان پێویستیان بە كارەبای بەردەوام هەیە.

عەتا ئەحمەد، جێگری سەرۆكی یەكێتی مامۆستایانی كوردستان بە (خەڵك)ی ڕاگەیاند، لە هەرێمی كوردستان ئەم جۆرە كارانە دەبێت بە ڕێككەوتنی نێوان وەزارەتەكان بكرێت.

وتیشی، “وەزارەتی كارەبا، كە بڕیاری داوە كارەبا لە هەموو شوێنەكان ببرێت، هەڵبەت ئەو تەنها نەخۆشخانەی لەبەرچاوە، كە ئامێری نەخۆشخانەكان كار دەكات، بەڵام بیر لەوە ناكاتەوە، كە قوتابخانەیەك چۆن لە كارەكانی پەكی دەكەوێت”.

ئاماژەی بۆ ئەوەشكرد، دەبوو هەماهەنگی بكرایە و لیستەكەی وەزارەتی كارەبا پەروەردەی تێدا نەبوایە، چونكە پەروەردە كارەبای زۆر خەرج ناكات، كە لۆد لەسەر وەزارەتی كارەبا دروست بكات.

سەبارەت بە چۆنێتی چارەسەركردنی كێشەكە، ناوبراو ڕایگەیاند، دەبێت وەزارەتی پەروەردە كاری لەسەر بكات و ئێمەش وە ك یەكێتی مامۆستایان قسەیان لەگەڵ دەكەین، بۆ ئەوەی داوای ئەوە بكەین بڕینی كارەبا وەزارەتی پەروەردە نەگرێتەوە، چونكە قۆتابخانەكان و باخچەكانی سەر بە وەزارەت هیچ داهاتێكیان نییە بۆ دابینكردنی كارەبا.

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان

یەك مەتر زەوی بە هەزار دینار فرۆشراوە
نهێنی سووتاندنی سنەوبەرەكانی سلێمانی ئاشكرا كرا

خەڵك-بەشی هەواڵ

 

سەرۆكی فراكسیۆنی گۆڕان لە ئەنجومەنی پارێزگای سلێمانی نهێنی سووتاندنی سنەوبەرەكانی سلێمانی ئاشكرا دەكات.
ڕێبوار ئەحمەد سەرۆكی فراكسیۆنی گۆڕان لە ئەنجومەنی پارێزگای سلێمانی بە میدیای حزبەكەی ڕاگەیاند، ئەو ١٣٢ دۆنم زەویەی دارسنەوبەرەكانیان لەبەردەمیدا سوتاندووە دراوە بە دوو كۆمپانیا بەناوەكانی (وێستكار، كوردستان مۆتۆر) بەیاسای وەبەرهێنان مەتری دراوە بەهەزار دینار و دۆنمی بە دوو ملیۆن و نیو دینار.
ئاشكراشیكرد، بەهای زەوییەكان پێنج ملیۆن دۆلارە، ئەم دوو كۆمپانیایە پەنجا پێشانگای ئۆتۆمبێلی تێدا دروست دەكەن هەر پێشەنگایەك دەفرۆشرێت بە یەك ملیۆن دۆلار.

وتیشی” لەو شوێنە چەند پڕۆژەیەك دەكرێن كە یەكێكیان لەسەر ڕووبەری (132) دۆنم زەوییە و ئەوەی دیكە لەسەر ڕووبەری (50) دۆنم زەوی، پڕۆژەكانیش بریتین لەكۆگای هەمەجۆر و گەراج”.

بەردەوام بە لە خوێندنەوە

کوردستان

“ئامادەنەبووین واژۆکانمان لەپەرلەمان بکشێنینەوە، بۆیە پۆستەکانیان لەدهۆک لێ وەرگرتینەوە”

خەڵک – بەشی هەواڵ

ئەندامێکی ئەنجومەنی جێبەجێکردنی یەکگرتووی ئیسلامی کوردستان ڕایدەگەیەنێت، یەکگرتوو بەرەی خەڵکی هەڵبژاردەوەو سەرجەم پۆستە خۆجێییەکانی بادینانی تەسلیم کردەوە، چونکە ئامادەنەبوو واژۆی پەرلەمانتارەکانی لە بانگهێشتی سەرۆکی حکومەت بۆ بەردەم پەرلەمان بکێشێتەوە.

 

عوسمان کاروانی ئەندامی ئەنجومەنی جێبەجێکردنی یەکگرتووی ئیسلامی کوردستان لەپەیامێکدا ڕایگەیاند، یەکگرتوو، کە خۆی ڕاگەیاند بەردەوام لەخزمەتی خەڵك و لەبەرەی خەڵکدابوو؛ کە چووە مەجلسی حوکم بوو بەپارێزەری داوا ڕەواکانی خەڵکی کوردستان، کە چووە لیژنەی نوسینەوەی دەستور داخوازییەکانی خەڵکی کوردستانی چەسپاند، کە چووە پەرلەمان و حکومەت پلان و پڕۆژەکانی لەپێناو ژیانێکی شایستەتردا بوو بۆ خەڵك.

 

ئاماژەى بەئەوەشدا، لەدوایەمین هەڵوێستیدا وەك پیشەی هەمیشەیی جارێکی تر بەرەی خەڵکی هەڵبژاردەوەو سەرجەم پۆستە خۆجێییەکانی بادینانی تەسلیم کردەوە، چونکە ئامادەنەبوو واژۆی پەرلەمانتارەکانی لە بانگهێشتی سەرۆکی حکومەت بۆ بەردەم پەرلەمان بکێشێتەوە، تا لێپرسنەوەیان لێ بکرێت لەدواکەوتنی موچە وبڕینی موچەی فەرمانبەران.

 

وتیشی: کوان ئەوانەی کە جۆرەها مزایەدەیان دەکرد، بۆ ئامادەنین واژۆی یەك پەرلەمانتاریان بخەنە سەر ئەو (22‌) واژۆیەی کە هەیە، تا لێپرسینەوە لەسەرۆکی حکومەت و جێگرەکەی و وەزیری دارایی بکرێت، کە ئەم سیانە هۆکاری سەرەکی نەدانی موچە و بڕینی موچەن.

بەردەوام بە لە خوێندنەوە

کوردستان