ئێمە لە تۆرە کۆمەڵایەتیەکان

کوردستان

نێچیرڤان بارزانی: پشتگیری هەر هەولێك دەكەین لەپێناو ئارامی و چارەسەركردنی ئاشتییانەی كێشەكان لە ناوچەكەدا

خەڵك – بەشی هەواڵ

سەرۆكی هەرێمی كوردستان لەگەڵ شاندێكی باڵای ئەنجومەنی نیشتمانیی كوردی لە سوریا (ئەنەكەسە) كۆبووەوە و ئامادەیی خۆی بۆ هاوكاری و پشتگیریی هەر هەوڵێك لەپێناو ئارامی و سەقامگیری و چارەسەركردنی ئاشتییانەی كێشەكان لە ناوچەكە نیشاندا.

نێچیرڤان بارزانی سەرۆكی هەرێمی كوردستان ئەمڕۆ دووشەممە 2/12/2019، لەگەڵ سعود مەلا سەرۆكی ئەنجومەنی نیشتمانیی كوردی لە سوریا (ئەنەكەسە) و شاندێكی باڵای ئەو حیزبە كۆبووەوە. لە كۆبوونەوەكەدا، دوایین پێشهاتەكان و دۆخی سوریا و ئامادەیی و ڕۆڵ و كاریگەریی هێزە هەرێمی و نێودەوڵەتییەكانیان لە ناوچەكە تاووتوێكرا.

بەپێی ڕاگەیەنراوێكی سەرۆكایەتیی هەرێمی كوردستان:”نێچیرڤان بارزانی جەختی لە گرنگیی یەكڕیزی و تەبایی و پێكەوەكاركردن و لێكگەیشتن و بونیاتنانی متمانە لەنێوان لایەن و پێكهاتە كوردستانییەكان لە سوریا كردەوە، هەموو ئامادەییەكیشی بۆ هاوكاری و پشتگیریی هەر هەوڵێك لەپێناو ئارامی و سەقامگیری و چارەسەركردنی ئاشتییانەی كێشەكان لە ناوچەكە نیشاندا”.

لە ڕاگەیەنراوەكەی سەرۆكایەتیی هەرێمی كوردستاندا هاتووە:”هەردوولا جەختیان لە پێویستیی تەبایی و یەكتر قبووڵكردن لەنێوان پێكهات و لایەنەكان لە سوریا و كاركردن لەپێناو چارەسەری كێشەكان و گێڕانەوەی ئارامی و سەقامگیری كردەوە، نیگەرانیی خۆشیان لە هەوڵەكانی گۆڕینی دیمۆگرافیای ناوچەكە و كار و ڕەفتاری چەكدارانی تووندڕەوی ئۆپۆزسیۆنی سوریا نیشاندا”.

کوردستان

ئۆتۆمبێلێك لەسەر ڕێگای شەقڵاوە وەرگەڕا

خەڵك- بەشی هەواڵ
بەڕێوەبەرایەتی هاتووچۆی هەولێر ئاشكرای دەكات، كە بەهۆی تیژڕۆییەوە ئۆتۆمبێلێك لەسەر ڕێگای شەقڵاوە- قەندیل وەرگەڕاوە و دوو كەس بریندار بوون.

فازڵ حاجی، بەڕێوەبەری ڕاگەیاندنی پۆلیسی هاتووچۆی هەولێر لە هەژماری خۆی لە فەیسبووك ئاماژەی بەوەكردووە، كاتژمێر4ی سەرلەئێوارەی ئەمڕۆ لەسەر ڕێگای شەقڵاوە- قەندیل لەنزیك گوندی ئافریان ئۆتۆمبێلێكی جۆری مازدا ساڵۆن بەهۆی تیژڕۆییەوە كۆنتڕۆڵی لە دەستدا و وەرگەڕا.

ڕاشیگەیاندووە، لەئەنجامی ڕووداوەكە شوفێر و سەرنشینێك بریندار بوون و زیانی ماددیش بەر ئۆتۆمبێلەكە كەوتووە.

بەردەوام بە لە خوێندنەوە

کوردستان

لەلایەن ڕۆژنامەنووسانەوە ڕووبەڕووی ڕەخنە دەبێتەوە
(خەڵك) وردەكاری پێكهێنانی ئەنجوومەنی باڵای میدیا لە هەرێم بڵاودەكاتەوە

خەڵك-بەشی هەواڵ

ئەندامێكی ئەنجوومەنی سەندیكای ڕۆژنامەنووسانی كوردستان ڕایدەگەیەنێت، دروستكردنی ئەنجوومەنی باڵای میدیا لە هەرێم بۆ ڕاستكردنەوی ئەو فەوزایەیە، كە لە میدیای هەرێمدا بوونی هەیە، بەڵام پەڕلەمانتارێك دەڵێت: “لە دانانی ئەندامانی دەستەی باڵای ئەنجوومەنەكەدا، ڕەچاوی بەشبەشێنەی حزبی دەكرێـت”.

ئاری عەبدولەتیف، ئەندامی ئەنجوومەنی سەندیكای ڕۆژنامەنووسانی كوردستان بە (خەڵك)ی ڕاگەیاند، دیدارەكە دوو ڕۆژ دەخایەنێت و سەندیكای ڕۆژنامەنووسان پێیهەڵدەستێت.

وتیشی، “ڕەشنووسێكیان ئامادەكردووە و وەكو پڕۆژە یاسا وایە بۆ ئەوەی بخرێتە پەڕلەمان و دەنگی لەسەر بدرێت و پڕۆژەیەكی باشە و دووركەوتنەوە لەو بەڕەڵاییەی لە هەرێم هەیە”.

ئاشكراشیكرد، پڕۆژەكە باشە، بەڵام تا چەند كاری پێدەكرێت و دەبێتە دەسەڵاتی یەكەم لە ڕووی میدیاوە شتێكی ترە.

سەبارەت بە تەسككردنەوەی ئازادی ڕۆژنامەگەری لە هەرێم، ناوبراو ڕایگەیاند، واینابینم ئەمە جۆرێك بێت لە بەرتەسككردنەوە، چونكە ئەمە ڕێكخستنەوەی كاری میدیایە لە هەرێم، پێشتر جۆرێك لە فەوزا لە میدیای كوردیدا هەبووە، ئەم ئەنجوومەنی باڵای میدیایە كۆی دەسەڵاتەكانی جوڵەی میدیای بەدەستە و تەنها كاری ڕێكخستنی میدیا ئەو كۆمپانیا زەبەلاحانەیە، كە میدیا بەڕێوەدەبەن، هەروەها كار لەسەر پێدانی مۆڵەت دەكات و كار لەسەر سزادان دەكات، كە میدیا لە ئاسایش و ئیتیكی نەتەوەیی و نیشتمانی تێنەپەڕێت، چونكە هەندێك میدیای كوردی كاریگەری خراپیان داناوە لەسەر كۆمەڵگەی ئێمەدا.

جەختی لەوەشكردەوە، ئەگەر لە زەبەلاحترین میدیاوە تاكو سادەترین میدیا نەچووە ژێرباری و نەچووە ژێر بڕیارەكانی ئەنجوومەنی میدیا، پێموایە دەبێت دەستبەجێ هەڵوەشێتەوە و سزای ئەو كەسانەش بدرێت، كە بڕیاریان داوە ئەنجوومەنێكی لەو چەشنە پێكبهێنن.

ڕوونیشیكردەوە، دەبێت لەسەرەتاوە دەست بۆ میدیا زەبەلاحەكان ببات و هێڵە ستراتیژییەكانیان بۆ دیاری بكات، بەتایبەتی ئاسایشی نیشتمانی نەتەوەیی.

ئاری عەبدوللەتیف ڕاشیگەیاند، تەواوی گروپ و ڕێكخراو و سەندكاكان بە سەندیكای ڕۆژنامەنووسانیشەوە دەچنە ژێر چەتری ئەنجوومەنی باڵای میدیا، چونكە لە پەڕلەمانەوە ئاڕاستە وەردەگرێت و وەكو دەستە سەربەخۆكان دەبێت و هەمووی بە مەرج و ئیجباری دەچنە ژێر چەتری ئەو ئەنجوومەنە.

ئەمەش لەكاتێكدایە، ژمارەیەك لە ڕۆژنامەنووسانی كوردستان پێكهێنانی ئەو ئەنجوومەنە بە تەسككردنەوەی ئازادی ڕۆژنامەگەری لە قەڵەمە دەدەن و پێیانوایە، كاریگەری لەسەر یاساكانی ئازادی ڕۆژنامەگەری لە هەرێم دەبێت.

مەم بورهان قانع، ئەندامی لیژنەی ڕۆشنبیری و كۆمەڵگەی مەدەنی لە پەڕلەمانی كوردستان لە وتارێكدا، كە لە (خەڵك) بڵاوكراوەتەوە ئاماژەی بەوەكردووە، لە ئێستادا، پێكهێنانی “ئەنجوومەنی باڵای میدیا لە كوردستان”، بە هەڕەشەیەكی مەترسیداری دەبینم بۆ سەر پەراوێزی ئازادییەی كاری میدیایی لە كوردستان، كە لە سایەی “یاسای رۆژنامەگەریی لەكوردستان/ یاسای ژمارە 35ی ساڵی 2007″دا فەراهەم بووە.

دەشڵێت: “لە پێناو پاراستنی ئازادی كاری میدیایی و بەرگرتن لە كۆتوبەندكردنی میدیا، بە ئەركی خۆم و هاوپیشەكانمی دەزانم، دژی هەر پێشنیازە یاسایەكی لەوجۆرە بوەستینەوە، چ لەنێو لیژنەكەمان دا بێت، یاخود لەنێو دانیشتنەكانی پەڕلەمانی كوردستان دا و بۆ ئەمەش، لۆبیی لەدژی دەرچوواندنی یاسایەكی لەوجۆرە دروست دەكەم”.

بەردەوام بە لە خوێندنەوە

کوردستان

نێچیرڤان بارزانی لەگەڵ كۆنسوڵی گشتی نوێی كۆماری ئیسلامی ئێران لە هەولێر كۆبووەوە

خەڵك – بەشی هەواڵ
سەرۆكی هەرێمی كوردستان لەگەڵ كۆنسوڵی گشتی نوێی كۆماری ئیسلامیی ئێران لە هەولێر كۆبووەوە دوا پێشهاتەكانی دۆخی عیراق و ناوچەكە و بەردەوامی گفتوگۆی چارەسەركردنی كێشەكان تاوتوێكران.

سەرۆكایەتیی هەرێمی كوردستان لە ڕاگەیەنراوێكدا بڵاویكردەوە، ئێوارەی ئەمڕۆ یەكشەممە 15-12-2019 لە هەولێر نێچیرڤان بارزانی، سەرۆكی هەرێمی كوردستان پێشوازی لە نەسروڵڵا ڕەشنوودی، كۆنسوڵی گشتی نوێی كۆماری ئیسلامیی ئێران لە هەولێر كردو پیرۆزبایی دەستبەكاربوونی لە كۆنسوڵی گشتیی كرد و هیوای سەركەوتنی لە كار و ئەركەكانیدا بۆ خواستووە.

لە ڕاگەیەنراوەكەداهاتووە، لە كۆبوونەوەیەكدا نێچیرڤان بارزانی و نەسروڵڵا ڕەشنوودی دوا پێشهاتەكانی دۆخی عیراق و ناوچەكە، پەیوەندییەكانی هەرێمی كوردستان و كۆماری ئیسلامیی ئێران، پەیوەندییەكانی هەولێرـ بەغدا و بەردەوامیی گفتوگۆی چارەسەركردنی كێشەكان تاوتوێكراون.

بەردەوام بە لە خوێندنەوە

کوردستان