ئێمە لە تۆرە کۆمەڵایەتیەکان

کوردستان

پۆلیسی هەولێر: باندێكی بازرگانی بە ماددەی هۆشبەر دەستگیركران

خەڵك – بەشی هەواڵ

پۆلیسی هەولێر ئاشكرایدەكات، لە شاری هەولێر باندێكی بازرگانی بەمادەی هۆشبەر دەستگیركران و لەكاتی دەستگیركردنیششیاندا چەند چەقۆیەك و 11 مۆبایل و بڕێك پارەیان پێبووە.

بەڕێوەبەرایەتی پۆلیسی هەولێر لە ڕاگەیەنراوێكدا ئاشكرایكرد، پۆلیسی قەزای دەشتی هەولێر ئاگاداركرانەوە بەبوونی بازرگانی كردن بەماددەی هۆشبەر، ڕاشیگەیاند: پۆلیس دۆسیەی لێكۆڵینەوەی بۆ ڕووداوەكە كردەوە و توانی ناسنامەی چوار تۆمەتبار ئاشكرا بكات و دەستگیریان بكات.

هاوكات، موقەدەم كاروان مامەند میرانی بەڕێوەبەری پۆلیسی قەزای دەشتی هەولێر ڕایگەیاندووە:”ئاگاداركراینەوە بەبوونی بازرگانی بەمادەی هۆشبەر، ئێمەش دۆسیەی لێكۆڵینەوەمان بۆ ئەم ڕووداوە كردەوە و توانیمان باندێك كە لە چوار تۆمەتبار پێكهاتبوون دەستگیربكەین”.

ئەوەشی خستووەتەڕوو:”تۆمەتبارەكان ناویان (د.ر.م)، تەمەن 20 ساڵان (ر.ر.م.) تەمەن 28 ساڵان، (گ.ر.ع.) تەمەن 19 ساڵان و (هـ.ا.ا.) تەمەن 38 ساڵان، تۆمەتبارانیش دوای دەستگیركردنیان دانیان ناوە بەتاوانەكەیاندا كە هەڵسابوون بە بازرگانیكردن بەماددەی هۆشبەر لە جۆری (كریستاڵ، هێرۆیین).

پۆلیسی هەولێر ڕوونیشكراوەتەوە: “لەكاتی دەستگیركردنی تۆمەتبارەكان تەواوی ئامرازەكانی بەكارهێنانی ماددەی هۆشبەر و چەند چەقۆیەك و 11 مۆبایل و بڕێك پارەیان لابووە، پەڕاوی لێكۆڵینەوەش بۆ ڕووداوەكە ڕێكخراوە و ڕەوانەی بەردەم دادوەر كراوە و بڕیاریداوە بە بەندكردنی هەر چوار تۆمەتبار بەپێی ماددە 14ی ماددەی هۆشبەر.

کوردستان

دەربەندیخان.. لە ڕووداوێكی هاتوچۆدا هاووڵاتیەك گیانی لەدەستدا و ژمارەیەكی تریش برینداربوون

خەڵك – یەحیا حبیب

لێپرسراوی ڕاگەیاندنی نەخۆشخانەی گشتی شەهید ڕەئووف بەگ ڕایگەیاند، “كەمێك بەر لە ئێستا تەرمی هاووڵاتییەكیان گەیاندە نەخۆشخانەكەمان كە بە ڕووداوی هاتوچۆ گیانی لەدەستداوە و چەند كەسێكی تریش برینداربوون”.

كەمال ئەحمەد، لێپرسراوی ڕاگەیاندنی نەخۆشخانەی گشتی شەهید ڕەئووف بەگ لە لێدوانێكیدا بە (تۆڕی میدیایی خەڵك)ی ڕاگەیاند، “كەمێك پێش ئێستا تەرمی هاووڵاتییەكیان گەیاندە نەخۆشخانەكەمان كە لە ڕووداوێكی هاتووچۆدا گیانی لەدەست دابوو”.

لێپرسراوی ڕاگەیاندنی نەخۆشخانەی گشتی شەهید ڕەئووف وتیشی، “ئەو هاووڵاتییەی گیانی لەدەستداوە ناوی (ا، ح) و تەمەنی 25 ساڵە “، دەشڵێت، “چەند بریندارێكی تر هەبووە و ڕەوانەی نەخۆشخانەی گشتی دەربەندیخان كراون”.

بەپێی زانیارییەكانی (تۆڕی میدیایی خەڵك) لە ڕێگای سۆڵەوە لە كاتی هاتنەوەی خێزانێك لە سێوسێنان بەرەو دەڤەری شارەزوور تووشی ڕووداوێكی هاتوچۆ دەبن، بەهۆیەوە هاووڵاتییەك گیانی لە دەستداوە و چەند هاووڵاتییەكی تریش بریندار بوون.

بەردەوام بە لە خوێندنەوە

کوردستان

كەلار.. لە ڕووداوێكی هاتوچۆدا كەسێك برینداربوو

خەڵك – بەشی هەواڵ

ڕاگەیاندنی هاتوچۆی گەرمیان بڵاویكردەوە،لە ڕووداوێكی هاتوچۆدا كەسێك بریندار بووە.

هاتوچۆی گەرمیان لە ڕاگەیەنراوێكدا ڕایگەیاند ئێوارەی ئەمڕۆ، لەناوشاری كەلار ڕووداوێكی پێكدادان لەنێوان ئۆتۆمبێلێكی نەناسراو و ماتۆڕسكیلێك ڕوویدا، لە ئەنجامی ڕووداوەكە لێخوڕی ماتۆڕسكیلەكە بریندار بوو.

هاتوچۆی گەرمیان ئەوەشیخستەڕوو: بریندارەكە بۆ وەرگرتنی چارەسەری پێویست ڕەوانەی نەخۆشخانەی فریاكەوتنی شەهید هەژار كراوە.

هاتوچۆی گەرمیان ئاماژەی بەوەشداوە، لە دوای ڕووداوەكە شۆفێری ئۆتۆمبێلەكە هەڵهاتووە و لێكۆڵینەوە لەچۆنیەتی ڕووداوەكە لەلایەن تیمی هاتوچۆ دەستی پێكردووە.

بەردەوام بە لە خوێندنەوە

کوردستان

بە وێنە؛ تەرمی دوو كۆچبەری كورد دۆزرانەوە

خەڵك- بەشی هەواڵ
لە چەند ڕۆژی ڕابردوودا تەرمی دوو كۆچبەری كورد لە وڵاتەكانی توركیا و یۆنان بە هاوكاری دەزگای لوتكە دۆزرانەوە، كە لە دوو ڕووداوی جیاوازدا گیانیان لەدەست دابوو.

ئاری جەلال، سەرۆكی دەزگای لوتكە بۆ كاروباری ئاوارە و پەنابەران بۆ (خەڵك) ڕایگەیاند، كە لەلایەن كەسوكاری دوو كۆچبەری كوردەوە ئاگادار كراینەوە لە گیان لەدەستدانی كورەكانیان لە توركیا و یۆنان، بۆیە دەستبەجێ نوێنەرمان (كوردە یەشار) لە وڵاتی توركیا و (شێخ حسێن حەمەساڵح) لە وڵاتی یۆنان دەستیان بە گەڕان كرد بەشوێن تەرمی ئەو دوو قوربانییەدا.

وتیشی، “لەپاش دوو شەو و دوو ڕۆژ لە گەڕان و بەدواداچوون، تەرمی (سیوان ساڵح) لەلایەن نوێنەرمانەوە لە كەناراوەكانی دەریای ئیجە دۆزرایەوە و تەرمی (شكار محەمەد)یش لەلایەن نوێنەرمانەوە لە وڵاتی یۆنان لە نزیك شاری ساڵۆنیك لە جەنگەڵێكدا دۆزرایەوە”.

جەختیشی كردەوە، بڕیار وایە لە ئایندەیەكی نزیكدا ڕاپۆرتی پزیشكی تەرمەكان ڕادەستی كەسوكاریان بكرێتەوە و بگەڕێنرێنەوە زێدی خۆیان بۆ بەخاكسپاردنیان.

ئاری جەلال ئاشكراشی كرد، سیوان ساڵح گەنجێكی تەمەن ٣٠ ساڵانە و خەڵكی سەردەشتە، شكار محەمەد تەمەنی ٣١ ساڵە و خەڵكی قەڵادزێیە.

بەردەوام بە لە خوێندنەوە

کوردستان