ئێمە لە تۆرە کۆمەڵایەتیەکان

ژینگە

بەهۆی دابەشنەكردنی نەوت داربڕینەوە زیادی كردووە

 

خەڵك – بەشی هەواڵ
لەگەڵ هاتنی وەرزی سەرمادا و بەهۆی دابەشنەكردنی نەوتی سپی بەسەر هاووڵاتییاندا، هەندێك هاووڵاتی داری سەوز دەبڕنەوە و دەیكەنە خەڵووز و دەیفرۆشنەوە، ئەمەش لەلایەن پۆلیسی دارستان و ژینگەی سلێمانییەوە ڕێگەپێدراو نییە و لەڕووی یاساییەوە سزای خۆی هەیە.

هێمن كەمەرخان ئەفەندی، بەڕێوەبەری ڕاگەیاندنی پۆلیسی دارستان و ژینگەی سلێمانی بە(خەڵك)ی ڕاگەیاند، لەئێستادا، كە وەرزی سەرما‌وسۆڵەیە لەناوچە سنوورییەكان و دوورەدەستەكان ڕۆژانە هاووڵاتیان دەستگیر دەكەن، كە داری دارستانەكان دەبڕنەوە بەبیانووی خۆگەرمكردنەوە، بەڵام هەندێك كەس لەپاڵ ئەمەدا دۆخەكە لەقازانجی خۆیان دەقۆزنەوە.

زیاتر ڕوونیكردەوە، هەندێك كەس داری دارستانەكان دەبڕنەوە و دەیكەنە خەڵووز و دەیفرۆشنەوە، ئەمەش بەهەر هۆكارێك بێت، جێگەی قبوڵ نییە، چونكە بڕینەوەی داری دارستانەكان بەپێی یاسا و ڕێنمایی بۆ گوندنشینەكان ڕێكخراوە.

ئاماژەی بەئەوەشدا، گوندنشینەكان دەتوانن لیژنەی یەكە ئیدارییەكانی خۆیان ئاگاداربكەنەوە و لەژێر چاودێری ئەواندا لق و پۆپی دارەكان ببڕنەوە بۆئەوەی ساڵی ئایندە زیاتر گەشە بكات، نەك ئەوەی دارێكی گەورە لەبنەوە ببڕنەوە، یان دەتوانن سوود لە دارێكی وشكبوو یان دارێكی شكاوە ببینن.

باسی لەئەوەشكرد، لەوكاتەوەی سەرما و سۆڵە دەستیپێكردووە دەستگیركردنی ئەو كەسانەی داردەبڕنەوە زیادی كردووە، بەڵام لەكۆتایی ساڵدا یان شەش مانگ جارێك كۆی دەستگیركراوەكان و ئاماری كۆتایی ڕادەگەیەنن.

ژینگە

كەشوهەوای ئەمڕۆ و سبەینێی شارەكانی هەرێمی كوردستان

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ دوو شەممە ئاسمان ساماڵ و پەڵە هەور دەبێت.

هەر بەپێی پێشبینییەكان، سبەینێ سێ شەممە، ئاسمان ساماڵ و پەڵە هەور دەبێت و پلەكانی گەرماش بەرز دەبنەوە.

بەردەوام بە لە خوێندنەوە

ژینگە

پۆلیس، چوار كەسی بەتۆمەتی ئەنجامدانی كاری نایاسایی دەستگیر كرد

خەڵك-بەشی هەواڵ

 

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، لە سنووری چەمچەماڵ ٣ ڕاوچی دەستگیر كران.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، بە مەبەستی پاراستنی سروشت و ژینگەی سنورەكەیان مەفرەزەیەكی بەشی پۆلیسی دارستانی چەمچەماڵ بە هاوبەشی لەگەڵ بنكەی پۆلیسی دارستانی شۆڕش دەرچوون بۆ سەر ڕووباری (باسەرە) لە ئەنجامدا ٤ هاووڵاتیان دەستگیر كرد كە بەشێوەیەكی نایاسایی سەرقاڵی ڕاوكردنی ماسی بوون.

ئاشكراشیكرد، هێزەكانی پۆلیس توانیان دەست بگرن بەسەر ( ٤٠٠ )گرام ژەهری ماسی، ( ٦ ) تۆڕی ڕاوی ماسی، (٢) چەكی جۆری كڵاشینكۆف و ژێرسە، (١) ماتۆڕسكیل.

ڕوونیشیكردەوە، مەفرەزەیەكی بنكەی پۆلیسی دارستانی سەنگاو لە ئەنجامی دەرچوونیان بۆ سنوری گوندی (مەسۆیی بەرگەچ) توانیان هاووڵاتییەك بە تۆمەتی ڕاوكردنی باڵندەی كێوی دەستگیر بكەن و دەستیانگرت بەسەر كڵاشینكۆفێك و  ماتۆڕسكیلێك.

بەردەوام بە لە خوێندنەوە

ژینگە

كەشوهەوای ئەمڕۆ و سبەینێی شارەكانی هەرێمی كوردستان

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ یەك شەممە ئاسمان ساماڵ و پەڵە هەور دەبێت.

هەر بەپێی پێشبینییەكان، سبەینێ دوو شەممە، ئاسمان ساماڵ و پەڵە هەور دەبێت و پلەكانی گەرماش بەرز دەبنەوە.

بەردەوام بە لە خوێندنەوە

کوردستان